Maatiyos Injiil Maatiyos Orbeena
Injiil Maatiyos Orbeena
Ta Injiil, Maatiyos akah yarhxeekah, Yeesus Masiix aniina caddoyisha affara Kitaab Cusub Cahdedde geytimayaako kinni. Ten-ten migac lel “Injiil” kinni. Injiil yarhxiinim lel: “Mece ware”, hido “Bissiraata” yarhxiinim kinni. Yeesus rabek sarrah ta Kitob tuktubem lel Maatiyos, Markos, Luukas kee Yohannis kinon.
Maatiyos akah yarhxeekah Injiil yunkuttubem Yeesus yoobokemko 70 iggidiyak sarrah akkekkah miraaca. Alle yunkuttubem lel Israa-eel yekkeh, Yerusaalem daafo akkekkah miraaca.
Tuktubem lel Maatiyos, tamaa Yeesus akah deecimeh kaa katattayna akkekkah, gibre yaskatte kuuk yineya kinni. Leewi akko yarhxin migacah yakkeedo amidhdhiguk yine. Maatiyos tamaa lamman kee taman Fartottiyaako tiya yekkeh, yaqhriye Yahuuduh kinni yuktubem. Tayim lel Kalxit Cahdehi Kutuubulle 60 ko bukalle meceetih toomaarimeh yambulluwe. Nobowa kaa sabbatah akko waanishen Yeesus Masiix kinam kee doorime Yallih gargeereena kinam yayballaw kuuk yine. Maatiyos Yallih nigsinnah sabbatah gantah mangum yuktube. Yahuud Masiix siyaasat nugus yakko akko ilaaleenih yinin. Maatiyos xeelaatih ta imaan ten xabshiisho Yallahi nigsinna caddoyshe.
Ta injiil Maatiyos akah yarhxeekah Cusub Cahdi akko erherho mece kitaab kinni, amayim lel, inkoh Kalxit Cahdeelih leya toomar sabbatah kinni. Lamma Cahde lel yayrhibbishe.
Urhurh kuluuxa ta kitaabadde
Abbub kee Yeesus ubka 1:1—2:23
Yaythimmiqhe Yohannis farto 3:1-12
Yeesus anthammaq kee cakana 3:13—4:11
Yeesus ishi ciyyo Galiilalle erherhishe 4:12—18:35
Yeesus Galiilaako Yerusaalem yadiye 19:1—20:34
Yeesus abayshimat baxuuro: kaa firde kee raba 21:1—27:66
Yeesus rabaakohi ugut kee naba farto 28:1-20
اکنون انتخاب شده:
Maatiyos Injiil Maatiyos Orbeena: SCC
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©2024 Wycliffe Ethiopia