1 Mose 15
15
Nzambi vengi nguizani ayi Abalami
1Landila mambu momo, phova Yave yiyiza kudi Abalami mu mona meso, yinkamba: «Kadi mona tsisi, Abalami. Minu ndidi nkaku aku ayi nsendo aku mawuba wunene.» 2Vayi Abalami wuvutula: «Mfumu ami Yave, kima mbi wukuphana? Bila ndilembo zingi mu kambu baka muana. Ayi mvingidi wu kimvuama kiami, Elezieli, muisi Damasko, wumosi mu bavika bami.» 3Abalami wubuela kamba: «Tala, wukadi kuphana nkuna ayi muana wubutukila mu nzo ami yandi makaba mvingidi yi mvuilu ami.» 4Phova Yave yiyiza kudi niandi: «Nana, mutu wowo kalendi ba mvingidi aku ko vayi wumosi wumbutuka mu ngeyo.» 5Landila dio, wuntotula ku nganda ayi wunkamba: «Tala ku zulu ayi tanga zimbuetete, kani wulenda nunga tangikisa ziawu.» Wubuela diaka: «Bobo buela bela nkuna aku.»
6Abalami wulekila Yave minu. Diawu Yave kantangila mutu wu lunungu. 7Wukamba diaka: «Minu Yave nditotula mu tsi Uli mu Kaladeya muingi ndivana tsi yayi muba mvingidi yiyawu.» 8Yandi wuyuvula: «Mfumu Yave, bue mandizabila ti mandi ba mvingidi yiyawu?» 9Yave wunkamba: «Wundatina muana ngombe wu kheto widi mvu mintatu, khombo yikheto yidi mvu minthatu, meme dimbakala didi mvu mintatu, duka kimosi ayi muana wumosi wu dibembe.» 10Yandi wubonga bulu bibio, wubasa biawu mu ndambu zole ayi wutula ndambu va ntuala ndambu yinkaka#15.10 Mamvangungu mu diambudi kanga nguizani voti siamisa phiangulu. Yibanzulu ti batu baba bole bakikinini mu tambula mfutu wu bibulu bibeso ti bazengidi phiangulu awu. Yel 34.18 yilembo tubila tsadulu yoyo., vayi kasi basa ko zinuni. 11Zinuni zi ndianga minsuni zikulumuka va mbata bibulu bifua ayi zi nuni zifua, vayi Abalami wuba ku zikukanga.
12Mu thangu mosi, buisi bubulembo yidi, tulu tungolo tubua va Abalami ayi tombe kingolo beni kimbuila. 13Buna Yave wukamba Abalami : «Zaba kuaku mbote ti nkuna aku bela ba banzenza mu tsi yibakondolo vua. Bela ba bavika ayi bela kubatovula mu khama ziya zi mimvu#15.13 Dimbambukulu moyo mu kinanga ku Ngipiti, 2 Mos 1.1-14, Mav 7.6.. 14Vayi tsi yibela sadila, minu, ndiela yifundisa ayi landila dio, nkuna aku wela totuka ayi kimvuama kiwombo. 15Vayi ngeyo, wela kuenda mu yenge ku tsi bakulu baku ayi wela ziku landila ndununu yimbote. 16Vayi mu mbandu yinya, nkuna aku wela vutuka vava bila mambi ma ba Amoli mayedidi ko nate buabu.»
17Buisi buyila, tombe kingolo beni kiyiza bua, buna kumonika ziku di mbazu difuita muisi ayi nlaki mi mbazu milema miviokila va kati ka ndambu zi bibulu bika basa. 18Mu lumbu kina Yave wuvanga nguizani ayi Abalami. Wunkamba : «Mu kedika, kudi nkuna aku ndiela vana tsi yayi tona ku nzadi yi Ngipiti nate ku nzadi yi Efalata, nzadi yinene. 19Yawu tsi yi ba Keni, ba Kenisi, ba Kadamoni, 20ba Heti, ba Pelesi, ba Lefayimi, 21ba Amoli, ba Kanani, ba Ngilingasi ayi ba Yebusi.»
اکنون انتخاب شده:
1 Mose 15: YOM-CD
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©2024 Seed Company in coordination with Forum Communautaire des Traducteurs de la Bible et Alphabétisation