Genèse 3
3
Nhin malai
1Te va skwi dakhi man Ndo nzi pèc pècèk Zhiklè a nge ta, zhüzhok a fen ta a maya nʼngwèdè ndo tèlèba. A ngaɗa na ngwoz: Gokwèn, Zhiklè a ngaɗa kinè: Kin da ndau nyi wofhi te gi lak haha ɓi ɗè? 2A ngwoz a mʼmbeɗa na a ma a zhüzhok: Nga ndi nyi wofhi te gi lak. 3Sèi nyi wof te ndev gi lak, Zhiklè a gada, kin ndu nengaʼa ɓi fèt, kin lama na ɓi fèt, man ɓai kin da metsi kinè. 4A zhüzhok a ngaɗa na ngwoz: Kin metsi azɓai; 5aman Zhiklè a suna, a pats man kin da ndau, di kinè a da win na, a kin da gi lèmèlèmè ara zhiklèhai, kin da sun skwi man amba a skwi man ambaɓai. 6A ngwoz a nrka, nyi wof amba a skwi nʼndai, amba a dai, amba a ngècè maya. A nʼngulo nyi wof, a nʼndau, a mva na baki nengaʼa ba, man ta nza a vna. A nengaʼa ba a nʼndau. 7A tengaʼa cèw ba, a di ta a win na, a ta rka, ta adai. A ta tsaffa vah, a ta manda a ma.
8Aman ta tsena sam sak Ndo nzi pèc pècèk Zhiklè man a shèwèlè a pats dakwaɗ te gi lak, Adam a ngwoz na ta ngheda va ta a sam di Ndo nzi pèc pècèk Zhiklè, a hwaɗ wof te gi lak. 9A Ndo nzi pèc pècèk Zhiklè a mbaha na Adam, a ngaɗa na: Ka tema? 10A nengaʼa a ngaɗa: I tsena sam sak ngaya te gi lak, a i gu zlau, te man iyè adai, a i ngheda va ga. 11Bi Zhiklè a ngaɗa na: Ngaɗa ka, ka adi, wa? Ɗè, ka ndau nyi wof man i njè ka ma a gèɗ, ka ndau nengaʼa ɓi, ɗè? 12A Adam a ngaɗa: Ngwoz man ka vayè, a mvayè nyi wof, a i ndau. 13A Ndo nzi pèc pècèk Zhiklè a ngaɗa na ngwoz: Ka ga mè? A ngwoz a mʼmbeɗa na a ma: Zhüzhok a mpiyè a wai, a i ndau. 14A Ndo nzi pèc pècèk Zhiklè a ngaɗa na zhüzhok: A géɗ man ka gau ar haha, ka phomdaʼa, te va skwi ndzhamhi tèlèba, a skwi dak tèlèba. Ka hi a hwaɗ ngaya, ka bhöm herkeda a pats nshèffè ngaya tèlèba. 15I woya a i pa kinè gèɗ a va a ngwoz ara ndohi mayamhai; a wud ngaya a wuda nengaʼa ba. Nengaʼa a da batsama ka gèd, a ka, ka da je ndudok sak nengaʼa. 16A ngaɗa na ngwoz: Aman ka a hwaɗ, ka si matakwan kumba. Ka da yi kra a wuɗi a va. Mi baki ngaya keɗ ka, a nengaʼa a da gi a bi ngaya. 17A ngaɗa na Adam: A géɗ man ka fa na zlembaɗ a ma ngwoz ngaya, a ka ndau nyi wof man i gada ka, ka ndau nengaʼa ɓai, herkeda mphomdaʼa a géɗ ngaya. Ka da ngècè skwi tʼherkeda a wuɗi a va, a pats nshèffè ngaya tèlèba. 18Herkeda a da fcè vatak a nkuɗdzarai, a ka da ndi lak te dak. 19Ka ngècè movar ngaya a vazaza a va, ha pats man ka men ngaya a deɓa a va mberfcnèk, man i ce ka te pa. Ka mberfenèk, a ka min ngaya a deɓa a va mberfenèk. 20A Adam a mbaha na ngwoz nengaʼa, Eve, aman nengaʼa nʼnga a mam ndohi nshèffè tèlèba a géɗ herkeda. 21A Ndo nzi pèc pècèk Zhiklè a mva ta bkwi a va a nda Adam a ngwoz na.
22A Ndo nzi pèc pècèk a ngaɗa: Na haha, ndo a nʼnga lèmèlèmè ara nga, a sun skwi man amba a skwi man ambaɓai. Anai da tor ri asaɓai, a ngul nyi wof nshèffè a vaʼa, aman a da nzi a mèdèp. 23A ndzomkoɗauda te gi lak te Eden, aman a dè a pizhè herkeda, te nasa Bi Zhiklè a mco. 24A ndzomko ndo auda, a nzlatseda chérubim a ma gi lak, a kafahi gwèsh te rai, man vogwa te pa, a ta ɓer civèɗ man a dè a sam wof nshèffè.
اکنون انتخاب شده:
Genèse 3: MOF89
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Alliance Biblique du Cameroun 1989