ዶመ ገሉዋ
ገሉዋ
ሀ ማጻፋይ “ዶመ” ጌተቲደ ጼሰቴዳ ጋሱ የዉዋ ኡባ ዶመ በስያ ድራሳ።
ዶመባ ጌተትያ ማጻፋይ ሀ አላሚ ዎት መቴደንቶ: ሳሎቱነ ሳአይ መቴዳ መታባ፥ አሳ ዛሪ ዬዳ ዩሳባ፥ ናጋራነ ናጋራ ማሮታባ፥ አንጁነ ሸቃይ ዶመቴዳ ዶመባ፥ ጾሳናነ አሳ ዛራቱዋና ደእያ ጋከተባ ኦዴ። ዶመባይ ላኡ ሁጰ ግሹዋን ሻከቲደ ጼለታናዉ ዳንዳዬ።
ሸምፑዋ እቱዋፐ ቢደ ታማነ እቱዋ ጋካናዉ ደእያ ሳአይ፥ ሳሉነ ሳአይ መቴዳ መታባነ አሳ ዛርያ ኮይሮ ታርክያ ኦዴ። አዳመነ ሄዋን ታርኪ፥ ቃዬላነ አቤላ ታርኪ፥ ኖሄነ ባሻ ሃ ታርኪ፥ ሄዋዳንካ ባብሎነ ግምቢያ ታርኪ ደእያዌ ሀ ሻኩዋና።
ሸምፑዋ ታማነ ላኡዋፐ ቢደ እሻታሙዋ ጋካናዉ ደእያ ሳአይ እስራኤልያ አሳዉ በን ማይዛ አዎቱዋ ታርክያ ኦዴ። ኡንቱቱ ግዱዋን ኮይሮ ባረ አማኑዋንነ ጾሳዉ አዛዘትያ ሀኖታን ኤረቴዳዌ አብራሃማ። ሄዋፐ ቃይ አ ናኣ ይሳቃ፥ አ ናኣ ናኣ ያቆባነ ያቆባ ናና ታማነ ላአቱዋ ታርኪ ካሌዳ። ሀዋንቱ ያቆባ ናናይ ታማነ ላአቱ፥ ታማነ ላኡ እስራኤልያ ዛረቶ አኖ ግዴዳዋንታ። ሀዋንቱ ሀ ታማነ ላኡ እስራኤልያ ናናቱዋ ግዶንካ ዮሴፋ ዱማዪደ፥ ሄዋዳንካ ቃይ ያቆባነ አ ናና የንኮቱዋ ኡንቱቱ ጎለ አሳና ግብጼ ጋድያ አፌዳ ሀኖታቱዋ ምንሲደ ጼሌ።
ሀ ማጻፋይ አሳ ታርክያ ኦድያዋ ግዶፐነ፥ ኡባፐ አደ እ ኦድያዌ ጾሳይ ኦዳ ኦሱዋባ። ጾሳይ ሳሎቱዋነ ሳኣ መዳ ታርክያ ኦዱዋ ዶሚደ ጾሳይ ባረ አሳዉ ቆፕያዋ አገናዋ ኦድያ ህዶታን ፖሌ። ሀ ማጻፋ ግዶን ሀ ጋጻፐ ያ ጋጻ ጋካናዉ ኦደትያ ታርክያ ጎዳይ፥ ባላባ ሀንያዋንታ ፕርድያዌነ ሙርያዌ፥ ባረ አሳ ካለያዌነ ማድያዌ፥ ኡንቱቱ ታርክያ ታንጉዋካ ጊግስያዌ ባረ ሁጲያን ጾሳ። ሀዌ በን ማጻፋይ ጻፈቴዳዌ አሳ አማኑዋ ታርክያ ማዝጋቢደ ኦይቃናሳነ ሄ አማኑካ ፓጻ ደአናዳን ኦናሳ።
ሸምፓቱዋ ኡባቶ እመቴዳ ቃን ቆፋቱዋ
መታ ዶመባ 1:1—2:3
ኤደን ገነትያባ 2:4-25
ናጋራነ ናጋራ ማሮታባ 3:1-24
አዳማፐ ኖሀ ጋካናዉ 4:1—5:32
ኖሀነ ባሻ ሃ 6:1—10:32
ባብሎና ግምቢያ 11:1-9
ሴማፐ አብራማ ጋካናዉ 11:10-32
አብራማ፥ ይሳቃነ ያቆባ ታርክያ 12:1—35:29
ኤሳ የለታ 36:1-43
ዮሰፋነ አ እሻቱዋ 37:1—45:28
እስራኤላቱ ግብጼ ጋድያን 46:1—50:26
اکنون انتخاب شده:
ዶመ ገሉዋ: DFBE
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Word for the World Ethiopia