مَتَّى 1
1
1كِتاب ميلاد يَسُوع المَسيح وَلَد دَاوُد، وَلَد إِبْرَاهِيم.
حِساب أجيال يَسُوع
2إِبْرَاهِيم وِلِد إِسْحَاق، و إِسْحَاق وِلِد يَعْقُوب، و يَعْقُوب وِلِد يَهُوذَا و أخوانو. 3و يَهُوذَا وِلِد فَارِص و زَارَح مِن ثَامَار. و فَارِص وِلِد حَصْرُون، و حَصْرُون وِلِد أَرَام. 4و أَرَام وِلِد عَمِّينَادَاب. و عَمِّينَادَاب وِلِد نَحْشُون، و نَحْشُون وِلِد سَلْمُون، 5و سَلْمُون وِلِد بُوعَز مِن رَاحَاب. و بُوعَز وِلِد عُوبِيد مِن رَاعُوث، و عُوبِيد وِلِد يَسَّى، 6و يَسَّى وِلِد دَاوُد المَلِك.
و دَاوُد وِلِد سُلَيْمَان مِن مَرَة أُورِيَّا. 7و سُلَيْمَان وِلِد رَحَبْعَام، و رَحَبْعَام وِلِد أَبِيَّا، و أَبِيَّا وِلِد آسَا. 8و آسَا وِلِد يَهُوشَافَاط، و يَهُوشَافَاط وِلِد يُورَام، و يُورَام وِلِد عُزِّيَّا. 9و عُزِّيَّا وِلِد يُوثَام، و يُوثَام وِلِد آحَاز، و آحَاز وِلِد حِزْقِيَّا. 10و حِزْقِيَّا وِلِد مَنَسَّى، و مَنَسَّى وِلِد آمُون، و آمُون وِلِد يُوشِيَّا. 11و يُوشِيَّا وِلِد يَكُنْيَا و أخوانو، وَكِت ما شالوهو لِبابِل.
12و بَعَد ما شالوهو لِبابِل، يَكُنْيَا وِلِد شَأَلْتِئِيل، و شَأَلْتِئِيل وِلِد زَرُبَّابِل، 13و زَرُبَّابِل وِلِد أَبِيهُود، و أَبِيهُود وِلِد أَلِيَاقِيم، و أَلِيَاقِيم وِلِد عَازُور. 14و عَازُور وِلِد صَادُوق، و صَادُوق وِلِد أَخِيم، و أَخِيم وِلِد أَلِيُود. 15و أَلِيُود وِلِد أَلِيعَازَر، و أَلِيعَازَر وِلِد مَتَّان، و مَتَّان وِلِد يَعْقُوب. 16و يَعْقُوب وِلِد يُوسِف، راجِل مَرْيَم، المِنَّها كان مَولود يَسُوع الإسمو المَسيح.
17عَلى كِدا، كُل الأقسام مِن إِبْرَاهِيم لِدَاوُد كانو أربَعتاشَر قِسم، و مِن دَاوُد لِغايَة الوَكِت الشّالوهو لِبابِل، أربَعتاشَر قِسم، و مِن الوَكِت الشّالوهو لِبابِل لِغايَة ما جا المَسيح، أربَعتاشَر قِسم.
وِلادَة يَسُوع
18و ميلاد يَسُوع المَسيح كان زي دا: لَمّا يُوسِف كان عَمَل التَّرتيب عَشان يِتزَوَّج مَرْيَم، قُبّال ما إتلَمّو، هي بِقَت حامِل مِن الرّوح القُدُس. 19و راجِلا يُوسِف الكان عَديل، و ما رَضيان أن يَعمِلا #1:19 خَجلان: عِندو عيب.خَجلانَه، كان عاوِز يَخَلّيها بِالسِّر. 20لَكِن وَكِت ما كان يَفَكِّر في دا، شوف! مَلاك الرَّب جا ليهو في حِلِم و قال: ”يا يُوسِف إبن دَاوُد، ما تَخاف تاخُد مَرَتَك مَرْيَم، عَلَشان الهي حِملَت بيهو، هو مِن الرّوح القُدُس. 21و هي بِتَلِد وَلَد و إنتَ بِتسَمّيهو يَسُوع، عَلَشان هو بِخَلِّص النّاس بِتاعو مِن خَطاياهم.“ 22و كُلّو دا كان عَلَشان يَتِم الكَلام الرَّب قال بِالنَّبي:
23”شوفو! البِت الما عِرفَت راجِل بِتَحمَل و بِتَلِد وَلَد، و يَكون إسمو عِمَّانُوئِيل،“
دا يَعني: ”الله مَعانا.“ 24و لَمّا يُوسِف قام مِن النّوم، عَمَل زي ما مَلاك الرَّب أمَرو، و أخَد مَرَتو. 25و هو ما عِرِفا زي زوجَتو لِغايَة ما مَرْيَم وِلدَت وَلَدا. و هو سَمّاهو يَسُوع.
انتخاب شده:
مَتَّى 1: APD2024
های‌لایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 1978 SIM, adapted in 2024 by Pioneer Bible Translators