Aphutna 5
5
Adam ātā Noa
1 #
Aph 1:26-27; Efe 4:24; Kol 3:10 Hivā hi Adam a khūk ngāi rachī lekhabū chu a ni. Pathianin miring a sin nikhuo han ama chu Pathian aphuozeka a sin a. 2#Mt 19:4; Mk 10:6; Gal 3:28Amāni chu pasala lē nupanga a sin a, amāni ansin nikhuo han bōr a pēk a, a raming miring a phuo na. 3#Lk 3:38; 1Ko 15:49Adam chu kum 130 a ni, ama aphuozeka, ama ramīla, nāipasal a nei a, a raming Set a phuo na. 4Set a nei suona, Adam chu kum 800 a lā dam a. Nāipasal lē nāinupang a lā nei sā na. 5#Heb 9:27Hankēng Adam a damsūng nī pumpui chu kum 930 a ni. Hatuka ama chu a thī na.
6 #
Lk 3:38
Set chu kum 105 a dam a, Enos a nei a. 7Enos a nei suona, Set chu kum 807 a dam a, nāipasal lē nāinupang a lā nei a. 8Hankēng Set a damsūng nī pumpui chu kum 912 a ni. Hatuka ama chu a thī na.
9 #
1Kh 1:2; Lk 3:37 Enos chu kum 90 a dam a, Kenan a nei a. 10Kenan a nei suona, Enos chu kum 815 a dam a, nāipasal lē nāinupang atei a lā nei sā na. 11Hankēng Enos a damsūng nī pumpui chu kum 905 a ni. Hatuka ama chu a thī na.
12 #
1Kh 1:2; Lk 3:37 Kenan chu kum 70 a dam a, hatuka Mahalalel a nei a. 13Mahalalel a nei suona, Kenan chu kum 840 a dam a, nāipasal lē nāinupang a lā nei sā na. 14Hankēng Kenan a damsūng nī pumpui chu kum 910 a ni. Hatuka ama chu a thī na.
15 #
1Kh 1:2; Lk 3:37 Mahalalel chu kum 65 a dam a, hatuka Zared a nei a. 16Zared a nei suona, Mahalalel chu kum 830 a lā dam a, nāipasal lē nāinupang a lā nei sā na. 17Hankēng Mahalalel a damsūng nī pumpui chu kum 895 a ni, hatuka ama chu a thī na.
18 #
1Kh 1:3; Lk 3:37; Zud 1:14 Zared chu kum 162 a dam a, hatuka Enok a nei a. 19Enok a nei suona, Zared chu kum 800 a lā dam a, nāipasal nāinupang a lā nei sā na. 20Hankēng Zared a damsūng nī pumpui chu kum 962 a ni, hatuka ama chu a thī na.
21 #
1Kh 1:3; Lk 3:37 Enok chu kum 65 a dam a, hatuka Methusela a nei a. 22#2Rē 20:3; Sām 116:9; Mik 6:8; Mal 2:6; 1Th 2:12Methusela a nei suona, Enok chu kum 300 Pathian le han kal a chōi a, nāipasal nāinupang a lā nei sā na. 23Hankēng Enok a damsūng nī pumpui chu kum 365 a ni. 24#2Rē 2:1, 11; Heb 11:5; Zud 1:14Enok chu Pathian le han kal a chōi a. Ama chu Pathianin ei hong lāk sika om lāi mak a.
25 #
1Kh 1:3; Lk 3:36 Methusela chu kum 187 a dam a, hatuka Lamek a nei a. 26Lamek a nei suona, Methusela chu kum 782 a lā dam a, nāipasal nāinupang a lā nei sā na. 27Hankēng Methusela a damsūng nī pumpui chu kum 969 a ni, hatuka ama chu a thī na.
28Lamek chu kum 182 a dam a, nāipasal khat a nei a. 29#1Kh 1:4; Lk 3:36Ama raming chu Noa#5:29 Noa: “Pōngansā” tīna a ni. a phuo na. Asik chu amā'n, “Zehova khomāk a tung phil ātā koini nei pōngna lē na kuta sin nei thōna hi amā'n lungngam na sāk in ti,” a tī na. 30Noa a nei suole han, Lamek chu kum 595 a dam a, nāipasal lē nāinupang a lā nei sā na. 31Hankēng Lamek a damsūng nī pumpui chu kum 777 a ni, hatuka ama chu a thī na.
32 #
1Kh 1:4; Lk 3:36 Noa chu kum 500 a dam a, hatuka Sem, Ham lē Zafet a nei a.
اکنون انتخاب شده:
Aphutna 5: RNL
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible in Ranglong, © Bibles International, the Bible society of Baptist Mid-Missions, 2024.