Ma-thi-ơ 1
1
Puich mbaang u baak đôh laa Brah Jê-sus Krist
(1:1 – 2:23)
Puich mbaang Brah Jê-sus Krist ri
(Lu-ka 3:23-38)
1Puich mbaang Brah Jê-sus Krist ri,#1:1 Chôôl laa Jê-sus Kơ-rít; paich nhôq chhak chôôl Jê-sus Koon Brah. koon sau Đa-wit, koon sau Ap-ra-ham.
2Ap-ra-ham bươp I-sak; I-sak bươp Ja-kôp; Ja-kôp bươp Ju-đa u oh bi bu. 3Ju-đa đươm Ta-ma bươp Phê-rêt u Sê-rach. Phê-rêt bươp Hêt-rôn; Hêt-rôn bươp A-ram; 4A-ram bươp A-mi-na-đap; A-mi-na-đap bươp Na-ha-sôn; Na-ha-sôn bươp Sanh-môn. 5Sanh-môn đươm Ra-hap bươp Bô-ô. Bô-ô đươm Ru-tơ bươp Ô-bêt. Ô-bêt bươp Je-sê;#1:5 Awap 'bian laa: I-sai. 6Je-sê bươp snđach Đa-wit.
Đa-wit pơih U-ri lơh sai ur bươp Sa-lô-môn. 7Sa-lô-môn bươp Rô-bô-am; Rô-bô-am bươp A-bi-ja; A-bi-ja bươp A-sa; 8A-sa bươp Jô-sa-phat; Jô-sa-phat bươp Jô-ram; Jô-ram bươp Ô-sia. 9Ô-sia bươp Jô-tham; Jô-tham bươp A-cha; A-cha bươp Ê-sê-chia. 10Ê-sê-chia bươp Ma-na-se; Ma-na-se bươp A-môn; A-môn bươp Jô-si-a. 11Jô-si-a, di mat klap tơrlêêng a Ba-bi-lôn, bươp Jê-kô-nia u oh bi bu.
12Di kươi tơrlêêng a Ba-bi-lôn, Jê-kô-nia bươp Sa-la-thi-ên; Sa-la-thi-ên bươp Sô-rô-ba-bên; 13Sô-rô-ba-bên bươp A-bi-ut; A-bi-ut bươp Ê-li-a-kim; Ê-li-a-kim bươp A-sô. 14A-sô bươp Sa-đôk; Sa-đôk bươp A-chim; A-chim bươp Ê-li-ut; 15Ê-li-ut bươp Ê-lê-a-sa;#1:15 Awap 'bian laa: Ê-lê-a-sa. Ê-lê-a-sa bươp Ma-than; Ma-than bươp Ja-kôp; 16Ja-kôp bươp Jô-sep laa sai klau Ma-ri; Ma-ri laa bnih lgơơch Jê-sus, chôôl laa Yaang Krist.
17Bei nei, a Ap-ra-ham aan tơt Đa-wit geh leq sêch jmơt puôn klap; a Đa-wit aan tơt tơrlêêng a Ba-bi-lôn geh jmơt puôn klap; u a lap tơrlêêng knông Ba-bi-lôn aan tơt Yaang Krist kot geh jmơt puôn klap.
Brah Jê-sus đôh laa
(Lu-ka 2:1-7)
18Baak đôh laa Brah Jê-sus Krist ri ja lôh tơt bei au: Ma-ri, mei Pang, ja keep ndrôi n'hai Jô-sep, dôh a di mat rêh ta n'hai pôl nei mei geh mbưn đươm Brah Wêêng.#Lu 1:27. 19Jô-sep, sai klau mei laa bnih sêch song, 'bưn êch jam joot mei mơ gênh êch pileng teq lơơi baak keep ndrôi. 20Jô-sep plah gênh u baak au nei geh lênh Brah ri lôh tơt n'hai bu knông mbơơi u tơmbơh laah: “Ơi Jô-sep koon mbaang Đa-wit, ay khơơm mhal kliêr Ma-ri lơh sai ur, đươm mei geh mbưn nei laa đươm Brah Wêêng. 21Mei a kươi lgơơch mlơm koon klau; ay phrui chôôl chhak laa Jê-sus, đươm koon klau nei a kươi đoh raih nơơm rlach dôih.”#Lu 1:31. 22Pal kaar au lôh tơt jah dip plak baak Brah ja lah đươm yau grnưt noor:
23“Au, mlơm ur nha rnuônh a kươi geh mbưn, u lgơơch mlơm koon klau,
Ja nei bu a kươi chôôl chhak koon klau nei laa Em-ma-nu-ên,”
rơih laa Brah Ưn gôq pôl bơl bơn. 24Tơt kah bêch, Jô-sep lơh dip bei baak lênh Brah ri ja tơmbơh u kliêr Ma-ri lơh sai ur, 25dôh 'bưn gôq bêch pôl n'hai mei aan tơt mei lgơơch mlơm koon klau#1:25 mlơm koon klau: Knông m'baak plơơp 'bian ti laa koon klau suôl mei ri. u chôôl chhak laa JÊ-SUS.#Lu 2:21.
اکنون انتخاب شده:
Ma-thi-ơ 1: SBL2024
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 Bible Society Vietnam. All rights reserved.