Yunus 1
1
Yunus Mo Tumun Terau TUHAN
1Hulet pirman TUHAN tong nabi Yunus anak Amitai, ngunau ti: 2"Buat! Tulak nu tong Niniwe, leu sa gaya aro, mara lukun ire bahwa TUHAN sagar nguhukum ire, gana kadaat ire haot hampe tong-Ku.
3Tapi Yunus bat pukuyo arepne de tong Tarsis, oro neke tama TUHAN.Yunus tulak tong Yapo tahui halu tei anai isa kapal, sa kakan tulak tong Tarsis. Yunus mayat prah pangalanne, tahui mamai kapal hiyo de balayar dadayo lukun ire tong Tarsis oro neke tama TUHAN.
4Tapi TUHAN pikinau riwut barat tong tahik, tahui jari riwut barat, gana hiyo kapal hiyo migisit bedah rakai. 5Anak buah kapal jari takut bebene, sining tenga nerau dewane, tahui ire nampi tong huang tahik mehe muatan kapal hiyo de peneanne. Tapi Yunus haot minau tong huang ruangan kapal sa paling hane tahui kading tei hiyo, tahui mandre rerek.
6Hulet jurumudi kapal, bakahalu lukun ne tahui paner: "Ngunau awe leon nu mandre ngunau hiyo kererek? Sele! Bodoa lukun dewanu! Behe dewanu hiyo inuh awat taka, de taka mo jangan."
7Tahui paner ire isa lukun sa mehe: "Ayu taka gawi pangantah, de taka tanau, gana oha hiye taka tinipan jangan ti." Tahui ire ngantah Yunus sa kuno antah.
8Ire kuhui lukun Yunus: "Wara lukun kamin, kuno hiye taka tinipan jangan ti? Hiye gawinu teke awe nu hulet, hiye negrinu lukun teke awe sukunu?"
9Samut Yunus lukun ire: "Ku lun Ibrani. Ku patuh lukun TUHAN, Allah sa ampun langit, sa haot gawi tahik lukun bawo."
10Lun hiyo jari tamam takut, tahui paner lukun Yunus: "Hiye sa haot dakawi nu?" Gana lun hiyo tanau, kuno ne pukuyo arepne oro neke tama TUHAN. Gana hal hiyo haot dawara Yunus lukun ire.
11Tane pudi ire: "Ngunau awe leon kamin gawi nu, de tahik tau lempoi lukun mo manyarang kamin eso, gana tahik makin ngulupuat."
12Samut Yunus lukun ire: "Engkat bo ku, lampi ku tong huang tahik, maka tahik sagar jari lempoi lukun mo manyarang kon eso, gana ku tanau, kuno ku ti riwut barat pehes manyarang kon." 13Tahui batanyu lun hiyo hampe oreng uyat tulang de oit kapal hiyo waleng tong pampang, tapi ire mo inuh gana tahik makin ngulupuat manyarang ire.
14Tahui bodoa ire lukun TUHAN sa sanambah Yunus, uhui ire: "Oh TUHAN, ada Nu nonop kamin bajangan, kuno nyawa lun ti lukun ada Nu pitipan tong kamin raha lun sa mo basala, gana Nu TUHAN, haot gawi ngunau sa kanakan Nu." 15Tahui ire ngengkat Yunus, nampi ne tong huang tahik, tahik tahui teno ngulupuat. 16Anak buah kapal hiyo jari tamam takut lukun TUHAN tahui ngokoi eha sa teneleng dela TUHAN, lukun bajanyi.
17Munan pangakan TUHAN hulet erai bulot kenah gaya sa nelen Yunus sengkewelum. Yunus muneng tei huang sanai kenah hiyo telu andrau telu malem kengelane.
اکنون انتخاب شده:
Yunus 1: TBDM
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Development and Literacy Partners International
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/