ᒨᓯᓯ ᐱᖓᔪᖏᑦ 18
18
ᓄᓕᐊᕐᓃᑦ ᐊᑐᖁᔭᐅᖏᑦᑐᑦ
1ᐊᑕᓂᖅ ᒨᓯᓯᒧᑦ ᐅᖃᕐᐳᖅ, 2“ᐃᓴᕆᐊᓕᒥᐅᑦ ᐃᒫᒃ ᐅᖃᐅᑎᒃᑭᑦ, ‘ᐊᑕᓂᐅᕗᖓ ᒎᑎᓯ. 3ᐄᑦᔨᑉᑎᒥᐅᑦ ᐱᐅᓯᖏᑦ ᒪᓕᖕᓂᐊᕋᓯᒋᒃ, ᑍᒃᑯᐊ ᓄᓇᖃᑎᒋᓚᐅᕐᑕᑦᓯ, ᑬᓇᓂᒥᐅᓪᓗ ᐱᐅᓯᖏᑦ ᒪᓕᖕᓂᐊᕋᓯᒋᒃ ᑍᒃᑯᐊ ᓄᓇᖓᓐᓄᑦ ᐱᑎᓐᓂᐊᕋᑦᓯ, ᐱᐅᓯᖏᓐᓂᒃ ᒪᓕᒃᓴᕐᓂᐊᕋᓯ. 4ᐱᖁᔭᒃᑲ ᓈᓚᒃᓯᒋᒃ ᒪᓕᒐᒃᓴᐅᖁᔭᒃᑲᓗ ᐅᑦᔨᕆᓯᒋᒃ, ᐊᑕᓂᐅᒐᒪ ᐃᓕᑦᓯ ᒎᑎᓯ. 5#ᓂᕼᐃᒤᐊ 9:29; ᐃᓯᑭᐊᓕ 18:9; 20:11-13; ᓘᑲᓯ 10:28; ᕉᒪᒥᐅᓄᑦ 10:5; ᒐᓔᑎ 3:12.ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐳᐃᒍᕐᓂᐊᕐᓇᒋᑦ, ᑖᒃᑯᓂᖓ ᓈᓚᒃᑐᖅ ᐃᓅᑦᔪᑎᖃᕐᓂᐊᕐᒪᑦ ᐅᕙᖓ ᐊᑕᓂᐅᒐᒪ.’
6“ᓇᓪᓕᐊᑦ ᐃᓚᒥᓂᒃ ᓇᖕᒥᓂᕆᔭᒥᓂᒃ ᓄᓕᐊᕆᐊᖃᓐᖏᓚᖅ, ᓇᖕᒥᓂᖅ ᑲᓐᖑᓇᕐᓂᕆᖕᒪᒋᑦ: ᐅᕙᖓ ᐊᑕᓂᐅᒐᒪ! 7ᐊᑖᑕᕕᑦ ᑲᓐᖑᓇᕐᓂᖓᓂᒃ ᐊᓈᓇᕕᓪᓘᓐᓃᑦ ᓴᖅᑭᑎᑦᓯᔪᒃᓴᐅᓐᖏᓚᑎᑦ. ᐊᓈᓇᒋᒐᕕᐅᒃ ᐊᓈᓇᕕᑦ ᑲᓐᖑᓇᕐᓂᖓ ᓴᖅᑭᑎᑕᒃᓴᕆᓐᖏᓚᑦ. 8#ᒨᓯᓯ ᐱᖓᔪᖏᑦ 20:11; ᒨᓯᓯ ᑕᓪᓕᒪᖏᑦ 22:30; 27:20.ᐊᑖᑕᕕᑦ ᓄᓕᐊᖓᑕ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔪᒃᓴᐅᓐᖏᓚᑎᑦ; ᐊᑖᑕᕕᑦ ᑲᓐᖑᓇᕐᓂᕆᖕᒪᒍ. 9#ᒨᓯᓯ ᐱᖓᔪᖏᑦ 20:17; ᒨᓯᓯ ᑕᓪᓕᒪᖏᑦ 27:22.ᓇᔭᒃᐱᑦ ᑲᓐᖑᓇᕐᓂᖏᓐᓂᒃ, ᐊᑖᑕᕕᑦ ᐸᓂᖓᓂᒃ, ᐊᓈᓇᕕᑦ ᐸᓂᖓᓂᒡᓘᓐᓃᑦ, ᐊᖏᕐᕋᑦᓯᓐᓂ ᐃᓅᔪᕕᓂᕐᒥᒡᓘᓐᓃᑦ ᐊᓯᐊᓂᒡᓘᓐᓃᑦ, ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔪᒃᓴᐅᓐᖏᓚᑎᑦ. 10ᐃᕐᓂᕕᑦ ᐸᓂᖓᑕ ᑲᓐᖑᓇᕐᓂᖏᓐᓂᒃ, ᐸᓂᒃᐱᓪᓘᓐᓃᑦ ᐸᓂᖓᑕ ᑲᓐᖑᓇᕐᓂᖏᓐᓂᒃ; ᓴᖅᑭᑎᑦᓯᔪᒃᓴᐅᓐᖏᓚᑎᑦ ᑖᒃᑯᐊ ᐃᕝᕕᑦ ᓇᖕᒥᓂᖅ ᑲᓐᖑᓇᕐᓂᕆᒐᕕᒋᑦ. 11ᐊᑖᑕᕕᑦ ᓄᓕᐊᖓᑕ ᐸᓂᖓᑕ ᑲᓐᖑᓇᕐᓂᖓᓂᒃ, ᐊᑖᑕᕕᑦ ᐸᓂᒃᑖᕆᓯᒪᔭᖓᓂᒃ; ᓇᔭᒋᒐᕕᐅᒃ ᑖᑦᓱᒪ ᑲᓐᖑᓇᕐᓂᖓᓂᒃ ᓴᖅᑭᑎᑦᓯᔪᒃᓴᐅᓐᖏᓚᑎᑦ. 12#ᒨᓯᓯ ᐱᖓᔪᖏᑦ 20:19,20.ᐊᑖᑕᕕᑦ ᓇᔭᖓᑕ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔭᕆᐊᖃᓐᖏᓚᑎᑦ; ᐊᑖᑕᕕᑦ ᓇᖕᒥᓂᕆᓪᓗᓂᐅᒃ ᐃᓚᒋᖕᒪᒍ. 13ᐊᓈᓇᕕᑦ ᓄᑲᖓᑕ ᐊᖓᔪᖓᑕᓘᓐᓃᑦ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔭᕆᐊᖃᓐᖏᓚᑎᑦ, ᐊᓈᓇᕕᑦ ᓇᖕᒥᓂᕆᓪᓗᓂᐅᒃ ᐃᓚᒋᖕᒪᒍ. 14ᐊᑖᑕᕕᑦ ᓄᑲᖓᑕ ᐊᖓᔪᐊᑕᓘᓐᓃᑦ ᓄᓕᐊᖓᑕ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔭᐊᕆᐊᖃᓐᖏᓚᑎᑦ. ᑖᑦᓱᒪ ᑖᓐᓇ ᓄᓕᐊᕆᖕᒪᒍ; ᐃᕝᕕᓪᓗ ᓇᖕᒥᓂᕆᓪᓗᒍ. 15#ᒨᓯᓯ ᐱᖓᔪᖏᑦ 20:12.ᐅᑯᐊᕐᐱᑦ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔭᕆᐊᖃᓐᖏᓚᑎᑦ, ᑖᓐᓇ ᐃᕐᓂᕐᐱᑦ ᓄᓕᐊᕆᖕᒪᒍ, ᑖᑦᓱᒪ ᑲᓐᖑᓇᕐᓂᖓ ᓴᖅᑭᑎᑕᒃᓴᕆᓐᖏᓚᑦ. 16#ᒨᓯᓯ ᐱᖓᔪᖏᑦ 20:21.ᐊᖓᔪᕕᑦ ᓄᑲᕐᐱᓪᓘᓐᓃᑦ ᓄᓕᐊᖓᑕ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔭᐊᕆᐊᖃᓐᖏᓚᑎᑦ; ᓄᑲᕐᐱᑦ ᐊᖓᔪᕕᓪᓘᓐᓃᑦ ᑲᓐᖑᓇᕐᓂᕆᖕᒪᒍ. 17#ᒨᓯᓯ ᐱᖓᔪᖏᑦ 20:14; ᒨᓯᓯ ᑕᓪᓕᒪᖏᑦ 27:23.ᐊᕐᓇᐅᑉ ᓄᓕᐊᕐᓯᒪᔭᕕᑦ ᐸᓂᖓᓂᒃ ᐃᕐᖑᑕᖓᓂᒡᓘᓐᓃᑦ ᓄᓕᐊᕆᐊᖃᓐᖏᓚᑎᑦ, ᑖᑦᓱᒪᓘᓐᓃᑦ ᐃᕐᓂᖓᑕ ᐸᓂᖓᓂᒃ, ᐸᓂᖓᑕᓘᓐᓃᑦ ᐸᓂᖓᓂᒃ, ᑖᒃᑯᐊ ᓇᖕᒥᓂᕇᒃᓗᑎᒃ ᐃᓚᒌᖕᒪᑕ, ᑕᒪᓐᓇ ᐱᐅᖏᑦᑐᓕᓂᐅᖕᒪᑦ. 18ᓄᓕᐊᕕᑦ ᓄᑲᖓᑕ ᐊᖓᔪᖓᑕᓘᓐᓃᑦ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔭᕆᐊᖃᓐᖏᓚᑎᑦ ᓄᓕᐊᑦ ᐃᓅᓂᖓᓂ.
19 #
ᒨᓯᓯ ᐱᖓᔪᖏᑦ 20:18. “ᐊᕐᓇᒥᒃ ᓄᓕᐊᕆᐊᖃᓐᖏᓚᑎᑦ ᑕᖅᑭᑕᒫᕐᓯᐅᑎᒥᒃ ᐊᐅᓈᕐᑎᓪᓗᒍ ᓴᓗᒤᑦᑑᖕᒪᑦ. 20#ᒨᓯᓯ ᐱᖓᔪᖏᑦ 20:10.ᐃᓅᖃᑎᕕᑦ ᓄᓕᐊᖓᓂᒃ ᓄᓕᐊᕆᐊᖃᓐᖏᓚᑎᑦ, ᑍᒤᓕᐅᕈᕕᑦ ᐃᓕᖕᓂᒃ ᓇᕐᕈᓇᕐᓯᑎᓐᓇᕕᑦ ᑖᑦᓱᒥᖓᓗ. 21#ᒨᓯᓯ ᐱᖓᔪᖏᑦ 20:1-5.ᕿᑐᕐᖓᕐᓂᒃ ᑐᓂᕐᕈᑎᖃᕆᐊᖃᓐᖏᓚᑎᑦ ᒎᑎᓐᖑᐊᒧᑦ ᒧᓕᑭᒧᑦ, ᒎᑎᕕᑦ ᐊᑎᖓᓂᒃ ᓇᕐᕈᓇᕐᓯᑎᑦᓯᖁᓇᒃ, ᐅᕙᖓ ᐊᑕᓂᐅᒐᒪ. 22#ᒨᓯᓯ ᐱᖓᔪᖏᑦ 20:13.ᐊᖑᒻᒥᒃ ᓄᓕᐊᕆᐊᖃᓐᖏᓚᑎᑦ ᐊᕐᓇᒥᒃ ᓄᓕᐊᕐᑐᑎᑐᑦ; ᑕᒪᓐᓇ ᒎᑎᒧᑦ ᐱᐅᖏᑦᑐᐊᓘᖕᒪᑦ. 23#ᒨᓯᓯ ᐂᑉᐸᖏᑦ 22:19; ᒨᓯᓯ ᐱᖓᔪᖏᑦ 20:15,16; ᒨᓯᓯ ᑕᓪᓕᒪᖏᑦ 27:21.ᓂᕐᔪᑎᒥᒃ ᓄᓕᐊᕆᐊᖃᓐᖏᓚᑎᑦ ᐃᓕᖕᓂᒃ ᓇᕐᕈᓇᕐᓯᑎᓐᓂᐊᕋᕕᑦ. ᐊᕐᓇᖅ ᐃᒻᒥᓂᒃ ᒪᓂᔭᕆᐊᖃᓐᖏᓚᖅ ᓂᕐᔪᑎᒧᑦ ᓄᓕᐊᕐᑕᐅᔪᒪᓗᓂ; ᑍᒤᑦᑐᖅ ᑕᒻᒪᕐᓂᒻᒪᕆᐅᖕᒪᑦ.
24“ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ ᓇᓪᓕᐊᓐᓂᒃ ᑖᒃᑯᓇᓐᖓᑦ ᐊᑐᕐᓂᑦᓯᓐᓄᑦ. ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓐᓂᐊᕐᑕᒃᑲ ᑎᑭᓐᓂᐊᕐᑕᓯ ᑍᒤᓕᐅᕐᒪᑕ, ᐃᓕᖅᑯᓯᖏᓐᓄᑦ ᐃᑦᔪᕐᓇᕐᓯᑎᑕᐅᖁᓇᓯ. 25ᓄᓇᓘᓐᓃᑦ ᑕᒪᓐᓇ ᐃᑦᔪᕐᓇᕐᓯᑎᑕᐅᓯᒪᖕᒪᑦ, ᑍᒤᒻᒪᑦ ᓱᒋᐊᕐᐸᕋ ᐊᔪᕐᓃᑦ ᐱᓪᓗᒋᑦ, ᓄᓇᐅᓪᓗ ᐃᓄᓂ ᒥᕆᐊᕐᐰᑦ ᑕᒫᓐᖓᑦ. 26ᐃᓕᑦᓯᓕ ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐃᖅᑲᐅᒤᓐᓇᕐᓯᒋᒃ. ᐃᓴᕆᐊᓕᒥᐅᑦ ᐃᓴᕆᐊᓕᐅᖏᑦᑐᓪᓗ ᓄᓇᖅᑲᑎᓯ ᑕᒪᒃᑯᓂᖓ ᐃᑦᔪᕐᓇᕐᑐᓂᒃ ᐊᑐᕐᑍᓕᒋᑦᓯ. 27ᐃᓄᐃᑦ ᓄᓇᖃᓚᐅᕐᑐᑦ ᑎᑭᑕᑦᓯᓐᓂ ᑕᒪᒃᑯᓂᖓ ᐱᐅᖏᑦᑐᐊᓗᖕᓂᒃ ᐃᓕᖅᑯᓯᖃᓚᐅᕐᒪᑕ ᓄᓇ ᐃᑦᔪᕐᓇᕐᓯᓚᐅᕐᐳᖅ. 28ᐃᓕᑦᓯᑦᑕᐅᖅ ᓄᓇ ᑕᒪᓐᓇ ᐃᑦᔪᕐᓇᕐᓯᑎᒃᑯᑦᓯᐅᒃ ᑍᒃᑯᑎᑐᓇᖅ ᐊᐅᓪᓚᕐᑎᑕᐅᔪᒫᕆᕗᓯ, ᑕᒫᓃᓚᐅᕐᑐᑦ ᐃᓅᖃᑎᒌᒡᔪᐊᑦ ᐊᐅᓪᓚᕐᑎᑕᐅᓚᐅᕐᓂᖏᑎᑐᑦ. 29ᓇᓪᓕᐊᑦ ᐱᐅᖏᑦᑐᐊᓗᖕᓂᒃ ᑕᒪᒃᑯᓂᖓ ᐊᑐᕐᑐᖅ, ᐊᕕᑕᐅᔭᕆᐊᖃᕐᐳᖅ ᐃᓅᖃᑎᖏᓐᓂᑦ.
30“ᐊᑐᖁᔭᒃᑲ ᐃᖅᑲᐅᒪᑦᓯᐊᕐᓯᒋᒃ, ᑕᒫᓂᓗ ᓄᓇᖃᓚᐅᕐᑐᑦ ᐱᐅᓯᕆᓚᐅᕐᑕᖏᑦ ᑎᑭᓚᐅᕐᑎᓐᓇᓯ ᒪᓕᖕᓂᐊᕐᓇᒋᑦ, ᑕᒪᒃᑯᓂᖓ ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ, ᐅᕙᖓ ᐊᑕᓂᐅᒐᒪ ᒎᑎᓯ!”
اکنون انتخاب شده:
ᒨᓯᓯ ᐱᖓᔪᖏᑦ 18: EAIB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Eastern Arctic Inuktitut Bible © Canadian Bible Society, 2012, 2021-2023.