1 Wakolinto Ulongozi
Ulongozi
Balua ino ya 1 Wakolinto yaandikigwa na Msenga Paulo hagati ya milao hamsini na tano kulawa viyavumbuke Kilisito 1:1. Ino iyo balua ya mosi kati ya balua mbili chili nazo ziyandikile Pulo mdibumbila da wamtogole Kilisito weli Kolinto. Paulo yodahika kandika balua ino chipindi viyakalile Efeso baho kakala yang'hali hanagesa kutembelela Kolinto viyakalile muumwanza wake kulawa Makedonia 16:5-9. Paulo kandika balua ino kuwedika kwa gaja gayahulike kulawa kwa wajalusona wamwenga wa mdibumbila da wamtogole Kilisito kwa mbuli za chakachaka zigendelela mdimbula da wamtogole Kilisito, gano ni hamwe na kuigola na mbuli za luhadu. Wanhu wa Kolinto ukala womanyika goya ng'hani kwa mbuli za luhadu ivo sio chinhu cha kusinhuka kua bumbila da wamtogole Kilisito kuiting'hana na mbuli izo. 1 Kolinto ivija imema sula imanyika ng'hani kwa mbuli ya wende 13.
Galiumo
Paulo kosonga kwa kawalamusa Wakolinto na kumwing'ha hewela Mulungu kwa mbuli yao. Muisula 1:1-9.
Labaho kazilongelela mbuli zija ziyabokele kwambuli ya kuigola mdibumbila da wamtogole Mulungu weli Kolinto Misula 1:10-4-21.
Amala kalongelela mbuli za luhadu na kuigala munhu na miage mchitala Muisula 5-6.
Viyakomeleze gago, kalava malagizo kwa mbuli ya zengele na nhosa kwa milungu ya nyang'iti na kufugama kwa hamwe na nhunza za ki Mulungu zilawa kwa Mulungu na uzilibuko. Muisula 7-15.
Haichikomelezo kakomeleza kwa kulonga mbuli za sang'hano na zija mbuli zayeka za munhu. Muisula 16.
اکنون انتخاب شده:
1 Wakolinto Ulongozi: KBV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The New Testament in Kami @The Word for The World International and Kami Language translation. All rights reserved.