Imamat 24
24
Kaḏiarata lapuru ma duhu
1Ma JOU 'o kanau ra Musa ma betongo so'o ne; 2<<Soma'a ngowa'a Israel 'aḏi gasa zaitun ma goroho madutu di'a lapuru-lapuru toma lapuru guraci ma rou ma re'u toma Suyu'u Lo-lomu ma dara, la enanga 'i lejanga tau-taunu lobi'i ma jelele i'a 3'A Harun balasu 'a 'urusana lapuru-lapuru gena-ge ra Ma JOU 'ai momina, la enanga 'i leja-lejanga lobi'i tala tau-taunu singadolo da-daini i'a toma Kamara 'Ofi-'Ofi toma da-daku ma biono ga'a siwo-wola i'a Kamara 'Ofi-'Ofi toma Kamara Lai 'Ofi-'Ofi toma Suyu'u Lo-lomu ma dara. Parenta gena-ge di'a ninga ju'uda tala kasingado-ngadolo i'a. 4Wangere ma jelele i'a, 'a Harun balasu 'a 'urusana lapuru-lapuru toma lapuru guraci madutu ma rou ma re'u ra Ma JOU 'ai momina toma Suyu'u Lo-lomu ma dara.
Roti di'a Suyu'u Lo-lomu
5Ngini ni 'oro gulupungu ma 'alusu i'a kilo nyagi romoḏiḏi re rata. Re 'a'a roti ḇululu guḏi moi re ngai ḏiḏi, tarigu kilo romoḏiḏi di'a 'a'a roti ngai moi. 6Roti gena-ge sigare sifato jaja ḏiḏi re jaja moi 'i sifato roti ma rarama toma dara toma meja ma re'u ga'a 'i silape reo guraci toma Kamara 'Ofi-'Ofi ra Ma JOU 'ai momina toma Suyu'u Lo-lomu. 7Sigare manyanyi madutu toma roti ma re'u jaja rimoi re rimoi. Gena-ge 'i dadi nana'o rimoi mangale jou-jou ngo-ngoromo mo-moini ri siwola i'a di'a Ma JOU. 8Sabata ma wangere ma jelele i'a, 'a Harun balasu 'o 'urusana roti-roti gena-ge toma meja ma re'u ga'a silape reo guraci madutu ma re'u ra Ma JOU 'ai momina toma Kamara 'Ofi-'Ofi. Ngowa'a Israel balasu 'aḏi 'a'a so'o gena-ge sa'olo jaji di'a kasingado-ngadolo i'a. 9Roti gena-ge di'a 'a Harun re 'ai ngowa'a nau'u. Ananga ya oromo toma ngi'i ga'a siwola i'a ḏua sa'olo 'ofi-'ofi toma Suyu'u Lo-lomu ma soana. Roti gena-ge 'i balangu ga'a lai 'ofi-'ofi reo jou-jou ngo-ngoromo mo-moini di'a Ma JOU. Gena-ge hukumu di'a kasingado-ngadolo i'a.
Hukumana di'a ngowa'a ga'a 'aḏi je-jengere Ma JOU
10Toma 'orasa rimoi ngowa'a nau'u matengo, ga'a 'ai ḇaḇa ngowa'a Mesir re 'ai ngina ngowa'a Israel madutu, unanga 'o sisupu tai suyu'u gena-ge kara 'o tutu'u reo ngowa'a Israel ma nau'u madutu matengo. 11Wakutu ngowa'a nga muḏiḏi gena-ge 'aḏi ma'u tutu'u, ngowa'a nau'u matengo gena-ge ga'a 'ai ngina ngowa'a Israel madutu, unanga gena-ge 'o je-jengere Ma JOU 'ai lomanga reo demo-demo sasi. Dadi unanga gena-ge ngowa'a Israel ya'u gasa ra Musa. (Unanga gena-ge 'ai ngina ngowa'a Israel madutu 'ami lomanga ngo Selomit re munanga 'ai ngowa'a were'a 'a Dibri toma suku Dan ino.) 12Re ananga 'aḏi tahana unanga singadolo 'aḏi waro Ma JOU 'ai putusanga.
13Re Ma JOU 'o kanau ra Musa, 14<<Unanga gena-ge ga'a 'o je-jengere Ma JOU 'ai lomanga reo demo-demo sasi, ngini nu sisupu toma suyu'u ma daeraha, kara ngowa'a mo-moini ga'a 'aḏi 'isene unanga 'ai demo-demo sasi, ananga balasu 'aḏi siteru manga giama ra unanga gena-ge 'ai sae'e. Ḏua bangsa Israel mo-moini balasu 'aḏi poini unanga reo maḏi singadolo 'o sengene. 15Gena ḏua, ngana, Musa, balasu no singadolo toma ngowa'a Israel so'o ne: 'A guna ḇato 'o sisasi Ma Jou'ongu Madutu ga'a unanga 'o silamo'o re siḏubuso, unanga gena-ge balasu 'o doiti ma hukumana di'a 'ai ḏosa. 16'A guna ḇato ga'a 'o je-jengere Ma JOU 'ai lomanga, unanga gena-ge balasu 'o sanga hukumu sengene. Unanga gena-ge bangsa Israel mo-moini ya'u poini reo maḏi singadolo 'o sengene. 'A guna ḇato bae ngowa'a Israel madutu bolo ngowa'a tagi-tagi ino, na'o unanga 'o je-jengere Ma JOU 'ai lomanga, unanga gena-ge balasu sanga hukumu sengene.
17'A guna ḇato 'o sisengene ngowa'a lelegu, unanga balasu sanga hukumu sengene. 18'A guna ḇato 'o sisengene ngowa'a manga haiwani, balasu 'a singali reo haiwani ga'a 'ahu: pa'i haiwani ga'a 'ahu balasu singali haiwani ga'a sengene. 19Na'o matengo 'o sibodito ngowa'a lelegu, matengo gena-ge balasu sanga bodito ma tero so'o ne: 20na'o matengo 'o rapo'o ngowa'a lelegu manga obongo, matengo gena-ge ḏi'i 'ai obongo ma tero sirapo'o. Na'o matengo 'o 'a'a singadolo ngowa'a lelegu manga la'o kaci moi pici, unanga ḏi'i 'ai la'o kaci moi balasu 'i sipici. Na'o unanga 'o ca'olo ngowa'a lelegu singadolo manga ngiḏi poti, unanga ḏi'i 'ai ngiḏi balasu 'i sipoti 'ai ngiḏi. 'Oru ḇato ga'a matengo 'o 'a'a singadolo ngowa'a lelegu 'aḏi sanga bodito, balasu si'a'a ma tero ḏi'i ra matengo. 21'A guna ḇato 'o sisengene ngowa'a manga haiwani, unanga balasu 'a singali, re 'a guna ḇato 'o sisengene manusia, unanga masiretene balasu sanga sengene. 22Hukumu gena-ge ngini na pake bae di'a ngowa'a tagi-tagi ino ga'a 'aḏi tegoro ra ngini ninga sigolona, bolo di'a ngowa'a Israel madutu sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso.
23Dadi 'a Musa 'o singadolo parenta ra Ma JOU ino toma ngowa'a Israel. Togumu i'a, ngowa'a gena-ge ga'a 'o jengere Ma JOU 'ai lomanga, ananga ya'u gasa supu toma suyu'u ma daeraha, kara 'aḏi poini unanga reo maḏi singadolo sengene. Rema duhu gena-ge, ngowa'a Israel 'aḏi madaga'a ma tero ga'a Ma JOU 'o parenta ra Musa.
اکنون انتخاب شده:
Imamat 24: SAJ
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Indonesian Bible Society (LAI)
Imamat 24
24
Kaḏiarata lapuru ma duhu
1Ma JOU 'o kanau ra Musa ma betongo so'o ne; 2<<Soma'a ngowa'a Israel 'aḏi gasa zaitun ma goroho madutu di'a lapuru-lapuru toma lapuru guraci ma rou ma re'u toma Suyu'u Lo-lomu ma dara, la enanga 'i lejanga tau-taunu lobi'i ma jelele i'a 3'A Harun balasu 'a 'urusana lapuru-lapuru gena-ge ra Ma JOU 'ai momina, la enanga 'i leja-lejanga lobi'i tala tau-taunu singadolo da-daini i'a toma Kamara 'Ofi-'Ofi toma da-daku ma biono ga'a siwo-wola i'a Kamara 'Ofi-'Ofi toma Kamara Lai 'Ofi-'Ofi toma Suyu'u Lo-lomu ma dara. Parenta gena-ge di'a ninga ju'uda tala kasingado-ngadolo i'a. 4Wangere ma jelele i'a, 'a Harun balasu 'a 'urusana lapuru-lapuru toma lapuru guraci madutu ma rou ma re'u ra Ma JOU 'ai momina toma Suyu'u Lo-lomu ma dara.
Roti di'a Suyu'u Lo-lomu
5Ngini ni 'oro gulupungu ma 'alusu i'a kilo nyagi romoḏiḏi re rata. Re 'a'a roti ḇululu guḏi moi re ngai ḏiḏi, tarigu kilo romoḏiḏi di'a 'a'a roti ngai moi. 6Roti gena-ge sigare sifato jaja ḏiḏi re jaja moi 'i sifato roti ma rarama toma dara toma meja ma re'u ga'a 'i silape reo guraci toma Kamara 'Ofi-'Ofi ra Ma JOU 'ai momina toma Suyu'u Lo-lomu. 7Sigare manyanyi madutu toma roti ma re'u jaja rimoi re rimoi. Gena-ge 'i dadi nana'o rimoi mangale jou-jou ngo-ngoromo mo-moini ri siwola i'a di'a Ma JOU. 8Sabata ma wangere ma jelele i'a, 'a Harun balasu 'o 'urusana roti-roti gena-ge toma meja ma re'u ga'a silape reo guraci madutu ma re'u ra Ma JOU 'ai momina toma Kamara 'Ofi-'Ofi. Ngowa'a Israel balasu 'aḏi 'a'a so'o gena-ge sa'olo jaji di'a kasingado-ngadolo i'a. 9Roti gena-ge di'a 'a Harun re 'ai ngowa'a nau'u. Ananga ya oromo toma ngi'i ga'a siwola i'a ḏua sa'olo 'ofi-'ofi toma Suyu'u Lo-lomu ma soana. Roti gena-ge 'i balangu ga'a lai 'ofi-'ofi reo jou-jou ngo-ngoromo mo-moini di'a Ma JOU. Gena-ge hukumu di'a kasingado-ngadolo i'a.
Hukumana di'a ngowa'a ga'a 'aḏi je-jengere Ma JOU
10Toma 'orasa rimoi ngowa'a nau'u matengo, ga'a 'ai ḇaḇa ngowa'a Mesir re 'ai ngina ngowa'a Israel madutu, unanga 'o sisupu tai suyu'u gena-ge kara 'o tutu'u reo ngowa'a Israel ma nau'u madutu matengo. 11Wakutu ngowa'a nga muḏiḏi gena-ge 'aḏi ma'u tutu'u, ngowa'a nau'u matengo gena-ge ga'a 'ai ngina ngowa'a Israel madutu, unanga gena-ge 'o je-jengere Ma JOU 'ai lomanga reo demo-demo sasi. Dadi unanga gena-ge ngowa'a Israel ya'u gasa ra Musa. (Unanga gena-ge 'ai ngina ngowa'a Israel madutu 'ami lomanga ngo Selomit re munanga 'ai ngowa'a were'a 'a Dibri toma suku Dan ino.) 12Re ananga 'aḏi tahana unanga singadolo 'aḏi waro Ma JOU 'ai putusanga.
13Re Ma JOU 'o kanau ra Musa, 14<<Unanga gena-ge ga'a 'o je-jengere Ma JOU 'ai lomanga reo demo-demo sasi, ngini nu sisupu toma suyu'u ma daeraha, kara ngowa'a mo-moini ga'a 'aḏi 'isene unanga 'ai demo-demo sasi, ananga balasu 'aḏi siteru manga giama ra unanga gena-ge 'ai sae'e. Ḏua bangsa Israel mo-moini balasu 'aḏi poini unanga reo maḏi singadolo 'o sengene. 15Gena ḏua, ngana, Musa, balasu no singadolo toma ngowa'a Israel so'o ne: 'A guna ḇato 'o sisasi Ma Jou'ongu Madutu ga'a unanga 'o silamo'o re siḏubuso, unanga gena-ge balasu 'o doiti ma hukumana di'a 'ai ḏosa. 16'A guna ḇato ga'a 'o je-jengere Ma JOU 'ai lomanga, unanga gena-ge balasu 'o sanga hukumu sengene. Unanga gena-ge bangsa Israel mo-moini ya'u poini reo maḏi singadolo 'o sengene. 'A guna ḇato bae ngowa'a Israel madutu bolo ngowa'a tagi-tagi ino, na'o unanga 'o je-jengere Ma JOU 'ai lomanga, unanga gena-ge balasu sanga hukumu sengene.
17'A guna ḇato 'o sisengene ngowa'a lelegu, unanga balasu sanga hukumu sengene. 18'A guna ḇato 'o sisengene ngowa'a manga haiwani, balasu 'a singali reo haiwani ga'a 'ahu: pa'i haiwani ga'a 'ahu balasu singali haiwani ga'a sengene. 19Na'o matengo 'o sibodito ngowa'a lelegu, matengo gena-ge balasu sanga bodito ma tero so'o ne: 20na'o matengo 'o rapo'o ngowa'a lelegu manga obongo, matengo gena-ge ḏi'i 'ai obongo ma tero sirapo'o. Na'o matengo 'o 'a'a singadolo ngowa'a lelegu manga la'o kaci moi pici, unanga ḏi'i 'ai la'o kaci moi balasu 'i sipici. Na'o unanga 'o ca'olo ngowa'a lelegu singadolo manga ngiḏi poti, unanga ḏi'i 'ai ngiḏi balasu 'i sipoti 'ai ngiḏi. 'Oru ḇato ga'a matengo 'o 'a'a singadolo ngowa'a lelegu 'aḏi sanga bodito, balasu si'a'a ma tero ḏi'i ra matengo. 21'A guna ḇato 'o sisengene ngowa'a manga haiwani, unanga balasu 'a singali, re 'a guna ḇato 'o sisengene manusia, unanga masiretene balasu sanga sengene. 22Hukumu gena-ge ngini na pake bae di'a ngowa'a tagi-tagi ino ga'a 'aḏi tegoro ra ngini ninga sigolona, bolo di'a ngowa'a Israel madutu sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso.
23Dadi 'a Musa 'o singadolo parenta ra Ma JOU ino toma ngowa'a Israel. Togumu i'a, ngowa'a gena-ge ga'a 'o jengere Ma JOU 'ai lomanga, ananga ya'u gasa supu toma suyu'u ma daeraha, kara 'aḏi poini unanga reo maḏi singadolo sengene. Rema duhu gena-ge, ngowa'a Israel 'aḏi madaga'a ma tero ga'a Ma JOU 'o parenta ra Musa.
اکنون انتخاب شده:
:
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Indonesian Bible Society (LAI)