Imamat 23
23
Wange-wangere lamo'o
1Ma JOU 'o kanau ra Musa ma betongo so'o ne: 2<<Siajele toma ngowa'a Israel mangale 'Ari parenta nena-ne: <Nena-ne 'agama ma wange-wangere lamo'o ga'a ma 'orasa Ngoi ta sitantukanga ḏua re enanga gena-ge ngana balasu ya siajele tamanga mandan. Wange-wangere ma 'agama gena-ge, ananga mo-moini balasu ya siwola i'a di'a Ma JOU, la 'aḏi malomu di'a silamo'o re siḏubuso Ma JOU. 'Ari laya-laya ma 'agama nena-ne:
Sabata ma wangere
3<<'Age wangere rarama di'a 'a'a munara, mada'a toma wangere ma soi tumudingi, Sabata ma wangere, gena-ge wangere ma ngomasa ti-tiai ga'a siwola i'a, la ngowa'a Israel 'aḏi malomu di'a silamo'o re siḏubuso Ma JOU. Ngowa'a Israel mo-moini toma ngi'i le'a ḇato, awa ngini ni munara toma Sabata ma wangere, sababu wangere gena-ge di'a Ma JOU.
4<< <Nena-ne 'agama ma wange-wangere lamo'o ga'a ma 'orasa Ngoi ta sitantukanga ḏua re enanga gena-ge ngana balasu ya siajele tamanga mandan toma enanga ma 'orasa. Wange-wangere lamo'o gena-ge ananga mo-moini balasu ya siwola i'a di'a Ma JOU, la 'aḏi malomu di'a silamo'o re siḏubuso Ma JOU.
Wangere lamo'o Paskah re Roti kama ragi ua
5<<Wangere lamo'o Paskah di'a silamo'o re siḏubuso Ngoi, Ma JOU, mulaingi wangere jala toma tanggal nyagi moi re rata ngara ma mulaingi.#Sup. 12:1-13; Dad. 16:1-2 6Da-daini i'a tanggal nyagi moi re romotoa ngara gena-ge, mulaingi Wangere lamo'o Roti kama ragi ua di'a silamo'o re siḏubuso Ngoi, Ma JOU. Enanga gena-ge ma di'ara wangere tumudingi, ngini ni oromo yoḏu'u roti ga'a si'a'a rema ragi. 7Toma wangere ma mulaingi, ngini balasu ni malomu di'a ni silamo'o re siḏubuso Ngoi, Ma JOU re awa ni madiga'a munara ga'a biasa. 8Mada'a ma di'ara wangere tumudingi, ngini balasu ni gasa jou-jou ngo-ngoromo ra Ngoi. Toma wangere ma soi tumudingi, ngini balasu ni malomu di'a ni silamo'o re siḏubuso Ngoi, re awa ni madiga'a munara ga'a biasa.
Gandum ma Hasili ma mulaingi ma laya
9Re MA JOU 'o kanau ra Musa ma betongo so'o ne: 10<<Siajele toma ngowa'a Israel so'o ne: <Wakutu ngini reni ngadolo toma tana'a ga'a Ngoi ta pula'a ra ngini, re ni 'utu'u ninga guḏa ma hasili, ngini balasu ni gasa gandum ma 'oki ma mulaingi toma 'imam. 11Toma Sabata ma wangere ma ḇiḇini ino, 'imam balasu 'o tede ie gandum ma 'oki ra Ma JOU 'ai momina di'a sijumu mangale mo-moini gena-ge 'i siwola i'a di'a Ngoi, Ma JOU, la Ngoi ḏuanga i'a to dawongo ninga jou-jou. 12Toma wangere gena-ge ga'a gandum ma 'oki gena-ge 'i sitede, ngini ḏi'i balasu ni sidoa'a doba ma nau'u ma ngowa ma 'umuru musungu rimoi ga'a ma lese 'i lolara sa'olo jou-jou tau'u di'a Ngoi, Ma JOU. 13re ḏi'i sirimoi sidoa'a jou-jou ngo-ngoromo: gena-ge gulupungu ma 'alusu kilo ḏiḏi 'i sicapuru reo zaitun ma goroho. Jou-jou gena-ge ma bounu 'i sisanangi Ma JOU 'ai 'akala re sinyingara re sirimoi 'anggur ma ḇanyo litere rimoi sa'olo jou-jou 'anggur. 14Wakutu ngini ni gasa nyangu jou-jou fara ro'ange gena-ge ra Ma Jou'ongu Madutu ga'a ngini ni silamo'o re siḏubuso, gandum gena-ge na oromo ceka'a i'a mai yoḏu'u, bae kokou, bae na laro, bolo na 'osumu ri dadi roti. 'Atoranga gena-ge 'i kasingado-ngadolo i'a di'a ngini ninga ju'uda tala le'a ḇato 'aḏi ḏegoro.
Migu Tumudingi ma laya
15Mulaingi sabata ma wangere palisi'i i'a wakutu ngini ni gasa gandum ma 'oki ma mulaingi sa'olo jou-jou ga'a 'i sitede ie, ngini balasu ni roimi Sabata tumudingi to-totomo bolo ma wangere ma soi nyagi romotoa. 16Toma wangere ma soi nyagi romotoa, gena-ge Sabata ma soi tumudingi palisi'i ḏua. Toma wangere gena-ge, ngini balasu ni gasa gandum lelegu toma guḏa ma hasili su-sungi sa'olo jou-jou ngo-ngoromo ra Ma JOU. 17Toma ngitu re ngale mo-moini, ngini balasu ni gasa roti romoḏiḏi ga'a si'a'a reo gulupungu ma 'alusu kilo ḏiḏi re sipake ragi, kara ni sidoa'a roti gena-ge sa'olo jou-jou guḏa ma hasili ma mulaingi ga'a 'i sitede ie ra Ma JOU. 18Sirimoi roti gena-ge, ngini balasu ni sidoa'a haiwani nena-ne ga'a ma lese 'i lolara: doba tumudingi ma 'umuru musungu rimoi, sapi ma ngowa ma nau'u rimoi, reo doba ma nau'u romoḏiḏi. Haiwani gena-ge sa'olo nanga jou-jou tau'u ra Ma JOU, sirimoi reo jou-jou ngo-ngoromo, re jou-jou 'anggur. Jou-jou gena-ge mo-moini ga'a ma bounu 'i sisanangi Ma JOU 'ai 'akala re sinyingara. 19Sidogo ḏi'i ni sidoa'a 'abingi ma nau'u rimoi sa'olo jou-jou di'a sigofi ngini ra Ma JOU 'ai momina re doba ma ngowa ma nau'u romoḏiḏi ma 'umuru musungu rimoi sa'olo jou-jou sababu ngini dadunu ni marimoi moju ra Ma JOU. 20Roti toma gandum ma hasili ma mulaingi reo doba ma ngowa romoḏiḏi, 'imam balasu 'a tede ie di'a sijumu jou-jou mo-moini gena-ge 'i siwola i'a ra Ma JOU re ḏi'i enanga gena-ge 'i dadi 'imam 'ai balangu. 21Ma wangere gena-ge, ngana Musa balasu ni soma'a ngowa'a Israel mo-moini 'aḏi malomu di'a silamo'o re siḏubuso Ngoi, Ma JOU. Re awa ngini ni madiga'a munara ga'a biasa. 'Atoranga gena-ge 'i kasingado-ngadolo i'a di'a ngini ninga ju'uda tala, le'a ḇato 'aḏi ḏegoro.
22<<Na'o ngini ni ma gutu'u, awa ni 'utu'u gandum ga'a 'i konyo taninga guḏa ma di'anga, re awa ni siḏibo di'a lomu gandum ga'a ri eta'a tala. Ngini balasu na sieanga i'a di'a ngowa'a ma dinga'unu ua re ngowa'a tagi-tagi ino: Sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso.>>
Musungu su-sungi ma laya
23Re Ma JOU 'o kanau ra Musa rema betongo so'o ne: 24<< Siajele toma ngowa'a Israel so'o ne: <Tanggal rimoi toma ngara ma soi tumudingi, ngini balasu ni mangomasa ti-tiai ma di'ara wangere rimoi. Wangere gena-ge ma nana'o torompet ma iḏingi dadi ngini balasu ni malomu di'a silamo'o re siḏubuso Ma JOU. 25Re awa ngini ni munara ga'a biasa re ni gasa ninga jou-jou ngo-ngoromo ra Ma JOU.
Wangere lamo'o di'a ngowa'a dadunu 'aḏi marimoi moju ra Ma JOU
26Re Ma JOU 'o kanau ra Musa ma betongo so'o ne: 27<<Siajele so'o ne: <Tanggal nyagi moi toma ngara ma soi tumudingi, ngini balasu ni silamo'o wangere ne sababu wangere di'a bangsa Israel dadunu 'aḏi dadi marimoi moju ra Ma JOU. Toma wangere gena-ge ngini balasu ni sisoi'i tala ninga nyafusu ga'a 'i sisanangi ninga 'akala re sinyingara: ngo-ngoromo bolo laya re ma lelegu ḏi'i. Re ngini ni balasu malomu di'a silamo'o re siḏubuso Ngoi, Ma JOU re ḏi'i ni gasa jou-jou ngo-ngoromo ra Ngoi, Ma JOU. 28Awa ngini ni munara 'oru ḇato toma wangere gena-ge, sababu wangere gena-ge wangere lamo'o di'a ngowa'a Israel dadunu ni dadi marimoi moju ra Ma JOU, la ngini dadunu ni dadi marimoi ra Ma JOU, Ma Jou'ongu Madutu ga'a ngini ni silamo'o re siḏubuso. 29'A guna ḇato ga'a 'o sisoi'i tala ua 'ai nyafusu ga'a 'i sisanangi 'ai 'akala re sinyingara toma wangere gena-ge, unanga gena-ge ngini balasu nu sisupu tai bangsa. 30'A guna ḇato ga'a 'o munara toma wangere gena-ge, Ngoi, Ma JOU ḏuanga i'a To sihukumu unanga singadolo sengene. 31Ngini ni madaga'a munara awa. 'Atoranga gena-ge kasingado-ngadolo i'a di'a ngini ninga ju'uda tala, le'a ḇato ngini ni ḏegoro. 32Mulaingi wangere soḏu toma tanggal siworo ngara gena-ge singadolo wangere jala tanggal nyagi moi, ngini balasu ni silamo'o 'o Sabata ma wangere. Wangere gena-ge 'i siwola i'a di'a mangomasa ti-tiai, re ngini balasu ni sisoi'i tala ninga nyafusu ga'a 'i sisanangi ninga 'akala re sinyingara toma wangere gena-ge ḏi'i.
Wangere lamo'o Da-daḏusu ma laya
33Ma JOU 'o kanau ra Musa ma betongo so'o ne: 34<<Siajele toma ngowa'a Israel so'o ne: <Mulaingi tanggal nyagi moi romotoa toma ngara ma soi tumudingi re ma di'ara wangere tumudingi, gena-ge wangere lamo'o da-daḏusu ga'a 'i si'a'a reo ate ma so'a ma laya di'a Ma JOU. 35Toma wangere ma mulaingi, awa ngini ni madaga'a munara ga'a biasa re ngini balasu ni malomu di'a silamo'o re siḏubuso Ngoi, Ma JOU. 36Ma di'ara wangere tumudingi, ngini balasu ni sidoa'a jou-jou ngo-ngoromo wange moi-wange moi. Toma wangere ma soi tu'angere, ngini balasu ni malomu ḏi'i di'a ni silamo'o re siḏubuso Ngoi, Ma JOU re ni sidoa'a jou-jou ngo-ngoromo ra Ngoi, Ma JOU. Wangere gena-ge ni siwola i'a di'a Ngoi, Ma JOU dadi awa ngini ni munara ga'a biasa. 37Gena-ge 'agama ma wangere lamo'o mo-moini ga'a ma 'orasa Ngoi, Ma JOU ta sitantukanga ḏua, ga'a ngana, 'a Musa, balasu na siajele sa'olo ma 'orasa ngowa'a Israel balasu 'aḏi ma lomu di'a silamo'o re siḏubuso Ngoi, Ma JOU toma mandan. Ma 'orasa gena-ge di'a sidoa'a jou-jou ngo-ngoromo, jou-jou tau'u, jou-jou haiwani di'a dadunu ngowa'a dadi marimoi moju ra Ma JOU re jou-jou 'anggur. Jou-jou rimoi re rimoi 'i sitero reo wangere lamo'o gena-ge. 38Wangere ma lamo'o gena-ge mo-moini ma lelegu reo Sabata ma wangere di'a Ngoi, Ma JOU. Re jou-jou gena-ge mo-moini ḏi'i ma lelegu reo ninga bu-bula'a mo-moini re jou-jou mo-moini di'a ni sitotomo ninga jaji ra MA JOU, bolo jou-jou mo-moini sababu ninga 'akala re sinyingara 'i sanangi ga'a ngini biasa na sidoa'a ra Ngoi, Ma JOU.
39Gutu'u ngini na lomu togumu i'a, mulaingi tanggal nyagi moi romotoa toma ngara ma soi tumudingi, ngini balasu ni 'a'a laya ma di'ara wangere tumudingi di'a Ngoi, Ma JOU. Toma wangere ma mulaingi re wangere ma soi tu'angere, ngini balasu ni mangomasa ti-tiai. 40Wangere ma mulaingi ngini balasu ni 'utu'u sowo-sowo'o ma la-la taninga guḏa re 'o palem ma so'a, re ni 'oro ḏi'i ate ma uma-umanga, kara na 'oro gena-ge, la 'a'a ma da-daḏusu toma mo-moini gena-ge di'a ngini ni tegoro. Gena ḏua, ma di'ara wangere tumudingi, ngini ni maroanga ra Ngoi, Ma JOU, Ma Jou'ongu Madutu ga'a ngini ni silamo'o re siḏubuso. 41Ngini balasu ni 'a'a laya gena-ge di'a silamo'o Ngoi, Ma JOU ma di'ara wangere tumudingi toma ngara ma soi tumudingi toma musungu ma jelele. 'Atoranga gena-ge di'a kasingado-ngadolo i'a di'a ninga ju'uda tala. 42Ma di'ara wangere tumudingi ngowa'a Israel madutu mo-moini balasu 'aḏi tegoro toma da-daḏusu ga'a 'i si'a'a reo ate ma so'a, 43la ninga ju'uda 'aḏi waro mangale Ngoi, Ma JOU 'o parenta bangsa Israel 'aḏi tegoro toma da-daḏusu gena-ge, wakutu Ngoi ta'u gasa sisupu toma Mesir. Sababu Ngoi nena-ne Ma JOU Ma Jou'ongu Madutu ga'a ngini ni silamo'o re siḏubuso. 44'Atoranga-'atoranga gena-ge 'a Musa 'a singadolo toma bangsa Israel mangale 'agama ma wangere lamo'o mo-moini ga'a ma 'orasa Ma JOU 'a sitantukanga ḏua di'a silamo'o Unanga.
اکنون انتخاب شده:
Imamat 23: SAJ
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Indonesian Bible Society (LAI)
Imamat 23
23
Wange-wangere lamo'o
1Ma JOU 'o kanau ra Musa ma betongo so'o ne: 2<<Siajele toma ngowa'a Israel mangale 'Ari parenta nena-ne: <Nena-ne 'agama ma wange-wangere lamo'o ga'a ma 'orasa Ngoi ta sitantukanga ḏua re enanga gena-ge ngana balasu ya siajele tamanga mandan. Wange-wangere ma 'agama gena-ge, ananga mo-moini balasu ya siwola i'a di'a Ma JOU, la 'aḏi malomu di'a silamo'o re siḏubuso Ma JOU. 'Ari laya-laya ma 'agama nena-ne:
Sabata ma wangere
3<<'Age wangere rarama di'a 'a'a munara, mada'a toma wangere ma soi tumudingi, Sabata ma wangere, gena-ge wangere ma ngomasa ti-tiai ga'a siwola i'a, la ngowa'a Israel 'aḏi malomu di'a silamo'o re siḏubuso Ma JOU. Ngowa'a Israel mo-moini toma ngi'i le'a ḇato, awa ngini ni munara toma Sabata ma wangere, sababu wangere gena-ge di'a Ma JOU.
4<< <Nena-ne 'agama ma wange-wangere lamo'o ga'a ma 'orasa Ngoi ta sitantukanga ḏua re enanga gena-ge ngana balasu ya siajele tamanga mandan toma enanga ma 'orasa. Wange-wangere lamo'o gena-ge ananga mo-moini balasu ya siwola i'a di'a Ma JOU, la 'aḏi malomu di'a silamo'o re siḏubuso Ma JOU.
Wangere lamo'o Paskah re Roti kama ragi ua
5<<Wangere lamo'o Paskah di'a silamo'o re siḏubuso Ngoi, Ma JOU, mulaingi wangere jala toma tanggal nyagi moi re rata ngara ma mulaingi.#Sup. 12:1-13; Dad. 16:1-2 6Da-daini i'a tanggal nyagi moi re romotoa ngara gena-ge, mulaingi Wangere lamo'o Roti kama ragi ua di'a silamo'o re siḏubuso Ngoi, Ma JOU. Enanga gena-ge ma di'ara wangere tumudingi, ngini ni oromo yoḏu'u roti ga'a si'a'a rema ragi. 7Toma wangere ma mulaingi, ngini balasu ni malomu di'a ni silamo'o re siḏubuso Ngoi, Ma JOU re awa ni madiga'a munara ga'a biasa. 8Mada'a ma di'ara wangere tumudingi, ngini balasu ni gasa jou-jou ngo-ngoromo ra Ngoi. Toma wangere ma soi tumudingi, ngini balasu ni malomu di'a ni silamo'o re siḏubuso Ngoi, re awa ni madiga'a munara ga'a biasa.
Gandum ma Hasili ma mulaingi ma laya
9Re MA JOU 'o kanau ra Musa ma betongo so'o ne: 10<<Siajele toma ngowa'a Israel so'o ne: <Wakutu ngini reni ngadolo toma tana'a ga'a Ngoi ta pula'a ra ngini, re ni 'utu'u ninga guḏa ma hasili, ngini balasu ni gasa gandum ma 'oki ma mulaingi toma 'imam. 11Toma Sabata ma wangere ma ḇiḇini ino, 'imam balasu 'o tede ie gandum ma 'oki ra Ma JOU 'ai momina di'a sijumu mangale mo-moini gena-ge 'i siwola i'a di'a Ngoi, Ma JOU, la Ngoi ḏuanga i'a to dawongo ninga jou-jou. 12Toma wangere gena-ge ga'a gandum ma 'oki gena-ge 'i sitede, ngini ḏi'i balasu ni sidoa'a doba ma nau'u ma ngowa ma 'umuru musungu rimoi ga'a ma lese 'i lolara sa'olo jou-jou tau'u di'a Ngoi, Ma JOU. 13re ḏi'i sirimoi sidoa'a jou-jou ngo-ngoromo: gena-ge gulupungu ma 'alusu kilo ḏiḏi 'i sicapuru reo zaitun ma goroho. Jou-jou gena-ge ma bounu 'i sisanangi Ma JOU 'ai 'akala re sinyingara re sirimoi 'anggur ma ḇanyo litere rimoi sa'olo jou-jou 'anggur. 14Wakutu ngini ni gasa nyangu jou-jou fara ro'ange gena-ge ra Ma Jou'ongu Madutu ga'a ngini ni silamo'o re siḏubuso, gandum gena-ge na oromo ceka'a i'a mai yoḏu'u, bae kokou, bae na laro, bolo na 'osumu ri dadi roti. 'Atoranga gena-ge 'i kasingado-ngadolo i'a di'a ngini ninga ju'uda tala le'a ḇato 'aḏi ḏegoro.
Migu Tumudingi ma laya
15Mulaingi sabata ma wangere palisi'i i'a wakutu ngini ni gasa gandum ma 'oki ma mulaingi sa'olo jou-jou ga'a 'i sitede ie, ngini balasu ni roimi Sabata tumudingi to-totomo bolo ma wangere ma soi nyagi romotoa. 16Toma wangere ma soi nyagi romotoa, gena-ge Sabata ma soi tumudingi palisi'i ḏua. Toma wangere gena-ge, ngini balasu ni gasa gandum lelegu toma guḏa ma hasili su-sungi sa'olo jou-jou ngo-ngoromo ra Ma JOU. 17Toma ngitu re ngale mo-moini, ngini balasu ni gasa roti romoḏiḏi ga'a si'a'a reo gulupungu ma 'alusu kilo ḏiḏi re sipake ragi, kara ni sidoa'a roti gena-ge sa'olo jou-jou guḏa ma hasili ma mulaingi ga'a 'i sitede ie ra Ma JOU. 18Sirimoi roti gena-ge, ngini balasu ni sidoa'a haiwani nena-ne ga'a ma lese 'i lolara: doba tumudingi ma 'umuru musungu rimoi, sapi ma ngowa ma nau'u rimoi, reo doba ma nau'u romoḏiḏi. Haiwani gena-ge sa'olo nanga jou-jou tau'u ra Ma JOU, sirimoi reo jou-jou ngo-ngoromo, re jou-jou 'anggur. Jou-jou gena-ge mo-moini ga'a ma bounu 'i sisanangi Ma JOU 'ai 'akala re sinyingara. 19Sidogo ḏi'i ni sidoa'a 'abingi ma nau'u rimoi sa'olo jou-jou di'a sigofi ngini ra Ma JOU 'ai momina re doba ma ngowa ma nau'u romoḏiḏi ma 'umuru musungu rimoi sa'olo jou-jou sababu ngini dadunu ni marimoi moju ra Ma JOU. 20Roti toma gandum ma hasili ma mulaingi reo doba ma ngowa romoḏiḏi, 'imam balasu 'a tede ie di'a sijumu jou-jou mo-moini gena-ge 'i siwola i'a ra Ma JOU re ḏi'i enanga gena-ge 'i dadi 'imam 'ai balangu. 21Ma wangere gena-ge, ngana Musa balasu ni soma'a ngowa'a Israel mo-moini 'aḏi malomu di'a silamo'o re siḏubuso Ngoi, Ma JOU. Re awa ngini ni madiga'a munara ga'a biasa. 'Atoranga gena-ge 'i kasingado-ngadolo i'a di'a ngini ninga ju'uda tala, le'a ḇato 'aḏi ḏegoro.
22<<Na'o ngini ni ma gutu'u, awa ni 'utu'u gandum ga'a 'i konyo taninga guḏa ma di'anga, re awa ni siḏibo di'a lomu gandum ga'a ri eta'a tala. Ngini balasu na sieanga i'a di'a ngowa'a ma dinga'unu ua re ngowa'a tagi-tagi ino: Sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso.>>
Musungu su-sungi ma laya
23Re Ma JOU 'o kanau ra Musa rema betongo so'o ne: 24<< Siajele toma ngowa'a Israel so'o ne: <Tanggal rimoi toma ngara ma soi tumudingi, ngini balasu ni mangomasa ti-tiai ma di'ara wangere rimoi. Wangere gena-ge ma nana'o torompet ma iḏingi dadi ngini balasu ni malomu di'a silamo'o re siḏubuso Ma JOU. 25Re awa ngini ni munara ga'a biasa re ni gasa ninga jou-jou ngo-ngoromo ra Ma JOU.
Wangere lamo'o di'a ngowa'a dadunu 'aḏi marimoi moju ra Ma JOU
26Re Ma JOU 'o kanau ra Musa ma betongo so'o ne: 27<<Siajele so'o ne: <Tanggal nyagi moi toma ngara ma soi tumudingi, ngini balasu ni silamo'o wangere ne sababu wangere di'a bangsa Israel dadunu 'aḏi dadi marimoi moju ra Ma JOU. Toma wangere gena-ge ngini balasu ni sisoi'i tala ninga nyafusu ga'a 'i sisanangi ninga 'akala re sinyingara: ngo-ngoromo bolo laya re ma lelegu ḏi'i. Re ngini ni balasu malomu di'a silamo'o re siḏubuso Ngoi, Ma JOU re ḏi'i ni gasa jou-jou ngo-ngoromo ra Ngoi, Ma JOU. 28Awa ngini ni munara 'oru ḇato toma wangere gena-ge, sababu wangere gena-ge wangere lamo'o di'a ngowa'a Israel dadunu ni dadi marimoi moju ra Ma JOU, la ngini dadunu ni dadi marimoi ra Ma JOU, Ma Jou'ongu Madutu ga'a ngini ni silamo'o re siḏubuso. 29'A guna ḇato ga'a 'o sisoi'i tala ua 'ai nyafusu ga'a 'i sisanangi 'ai 'akala re sinyingara toma wangere gena-ge, unanga gena-ge ngini balasu nu sisupu tai bangsa. 30'A guna ḇato ga'a 'o munara toma wangere gena-ge, Ngoi, Ma JOU ḏuanga i'a To sihukumu unanga singadolo sengene. 31Ngini ni madaga'a munara awa. 'Atoranga gena-ge kasingado-ngadolo i'a di'a ngini ninga ju'uda tala, le'a ḇato ngini ni ḏegoro. 32Mulaingi wangere soḏu toma tanggal siworo ngara gena-ge singadolo wangere jala tanggal nyagi moi, ngini balasu ni silamo'o 'o Sabata ma wangere. Wangere gena-ge 'i siwola i'a di'a mangomasa ti-tiai, re ngini balasu ni sisoi'i tala ninga nyafusu ga'a 'i sisanangi ninga 'akala re sinyingara toma wangere gena-ge ḏi'i.
Wangere lamo'o Da-daḏusu ma laya
33Ma JOU 'o kanau ra Musa ma betongo so'o ne: 34<<Siajele toma ngowa'a Israel so'o ne: <Mulaingi tanggal nyagi moi romotoa toma ngara ma soi tumudingi re ma di'ara wangere tumudingi, gena-ge wangere lamo'o da-daḏusu ga'a 'i si'a'a reo ate ma so'a ma laya di'a Ma JOU. 35Toma wangere ma mulaingi, awa ngini ni madaga'a munara ga'a biasa re ngini balasu ni malomu di'a silamo'o re siḏubuso Ngoi, Ma JOU. 36Ma di'ara wangere tumudingi, ngini balasu ni sidoa'a jou-jou ngo-ngoromo wange moi-wange moi. Toma wangere ma soi tu'angere, ngini balasu ni malomu ḏi'i di'a ni silamo'o re siḏubuso Ngoi, Ma JOU re ni sidoa'a jou-jou ngo-ngoromo ra Ngoi, Ma JOU. Wangere gena-ge ni siwola i'a di'a Ngoi, Ma JOU dadi awa ngini ni munara ga'a biasa. 37Gena-ge 'agama ma wangere lamo'o mo-moini ga'a ma 'orasa Ngoi, Ma JOU ta sitantukanga ḏua, ga'a ngana, 'a Musa, balasu na siajele sa'olo ma 'orasa ngowa'a Israel balasu 'aḏi ma lomu di'a silamo'o re siḏubuso Ngoi, Ma JOU toma mandan. Ma 'orasa gena-ge di'a sidoa'a jou-jou ngo-ngoromo, jou-jou tau'u, jou-jou haiwani di'a dadunu ngowa'a dadi marimoi moju ra Ma JOU re jou-jou 'anggur. Jou-jou rimoi re rimoi 'i sitero reo wangere lamo'o gena-ge. 38Wangere ma lamo'o gena-ge mo-moini ma lelegu reo Sabata ma wangere di'a Ngoi, Ma JOU. Re jou-jou gena-ge mo-moini ḏi'i ma lelegu reo ninga bu-bula'a mo-moini re jou-jou mo-moini di'a ni sitotomo ninga jaji ra MA JOU, bolo jou-jou mo-moini sababu ninga 'akala re sinyingara 'i sanangi ga'a ngini biasa na sidoa'a ra Ngoi, Ma JOU.
39Gutu'u ngini na lomu togumu i'a, mulaingi tanggal nyagi moi romotoa toma ngara ma soi tumudingi, ngini balasu ni 'a'a laya ma di'ara wangere tumudingi di'a Ngoi, Ma JOU. Toma wangere ma mulaingi re wangere ma soi tu'angere, ngini balasu ni mangomasa ti-tiai. 40Wangere ma mulaingi ngini balasu ni 'utu'u sowo-sowo'o ma la-la taninga guḏa re 'o palem ma so'a, re ni 'oro ḏi'i ate ma uma-umanga, kara na 'oro gena-ge, la 'a'a ma da-daḏusu toma mo-moini gena-ge di'a ngini ni tegoro. Gena ḏua, ma di'ara wangere tumudingi, ngini ni maroanga ra Ngoi, Ma JOU, Ma Jou'ongu Madutu ga'a ngini ni silamo'o re siḏubuso. 41Ngini balasu ni 'a'a laya gena-ge di'a silamo'o Ngoi, Ma JOU ma di'ara wangere tumudingi toma ngara ma soi tumudingi toma musungu ma jelele. 'Atoranga gena-ge di'a kasingado-ngadolo i'a di'a ninga ju'uda tala. 42Ma di'ara wangere tumudingi ngowa'a Israel madutu mo-moini balasu 'aḏi tegoro toma da-daḏusu ga'a 'i si'a'a reo ate ma so'a, 43la ninga ju'uda 'aḏi waro mangale Ngoi, Ma JOU 'o parenta bangsa Israel 'aḏi tegoro toma da-daḏusu gena-ge, wakutu Ngoi ta'u gasa sisupu toma Mesir. Sababu Ngoi nena-ne Ma JOU Ma Jou'ongu Madutu ga'a ngini ni silamo'o re siḏubuso. 44'Atoranga-'atoranga gena-ge 'a Musa 'a singadolo toma bangsa Israel mangale 'agama ma wangere lamo'o mo-moini ga'a ma 'orasa Ma JOU 'a sitantukanga ḏua di'a silamo'o Unanga.
اکنون انتخاب شده:
:
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Indonesian Bible Society (LAI)