संत.लुकास 12
12
फरीसीकु आला देखावा रआ चेतावन
(संत.मत्ती 10:26,27)
1 #
सं.मत्ती 16:6; सं.मर 8:15 हिमने रे हजारों होड़ रेनअः भीड़ जवार नेना, आकु-आकु धाकियाव नुर उपड़ीनोः केनाकु, दो ईसु पहिल रे चेला ताय के कंहड़ीओ लिकुआय, “फरीसीकु आला लाःड जोजो खाता जिनीस तरअः बंचाव ताहिन पे माने कि हुंकू आला कपट तरअः बंचाव ताहिनोः पे। 2#सं.मर 4:22; सं.लुका 8:17जे डबाव ताना होना ओटअ कोआ, तेकर जे दनांग रे एदनाअ होना जामा दिसतार कोआ। 3हिना लःअय, आपे अंधार रे कंहड़ी तदापे होना के मरसल रे सुनाव केआकु, तेकर जे भीतरी कुठली रे खुसू-टुरु कंहड़ी तदापे होना के साड़ुम तेङ तरअः परचार केआकु।
ओके के बोर चाही
(संत.मत्ती 10:28–31)
4“ईङ आपे गातीकु के कंहड़ीओ दिपीईङ, जे होड़ो के गोजेआकु बकिर होना तयोम एतान होः काकु दड़ीआ हुंकू के आलपे बोरोउकु। 5आपे के ईङ चेतावन एमा केते कंहड़ीओ दिपीईङ, ची ओके के बोर चाही, जेके गोएःग केते, नरग रे ला-लगाव रेनअः हक एदनाअ। हिनी परमेसर के बोरोईपे, हाँ हिनी किगी बोरोईपे!
6“बार पैसा रे पाँच गोरेचा काकु अखरीङोआ एतान? रे होः परमेसर हुंकू के मियांड मीन केहोः काय रिड़िःग कुआ। 7आपे आला बोहोअ रेनअः मि-मियांड जामा ऊःब होः लेखा लआ एदनाअ। हिना लःअय आलपे बोरोयोः; आपे गोरेचा तरअः होः जादे दाम रेनपे हेके!
ईसु के मनाअ चाहे का मनाअ
(संत.मत्ती 10:32–33; 12:32; 10:19–20)
8“ईङ कंहड़ीओ दिपीईङ जदि होड़कु मड़ांग रे ईङ के गरहानिंङाय, हुनी के मनवा होपोन होः परमेसर आलकु सिरमादूतकु मड़ांग रे गरहन कियाय मेन लःअय। 9बकिर होड़कु दुबाःड़े ईङ के काय गरहानिंङा, दो हुनी के परमेसर आलकु सिरमादूत दुबाःड़े होः एरे गरहानिंङा मेन लःअय।
10 #
सं.मत्ती 12:32; सं.मर 3:29 “नोकान हुयाव सकाअ जाहें मनवा होपोन आला बिरोध रे जहान बात कंहड़ीआय; रेदो हुनी के छमा भेटाव सकअ बकिर पबितर आतमा रआ बिरोध रे निन्दा कंहड़ी याकु होले हुनी के छमा एरे भेटाआ। 11#सं.मत्ती 10:19,20; सं.मर 13:11; सं.लुका 21:14,15तेकर होड़कु पंचाईत ओड़ाअ रे आउर सासक हेतरअ हाकिमकु दुबाःड़े आपे के इदी पेआकु, दो आबु एता लकान हेतरअ एतान बु कंहड़ी रूवाड़ेआ मेन केते आलपे सोंच-फिकिर के। 12पबितर आतमा हिमीन रेगी आपे के जे कंहड़ी एदनाअ होना के उदूः केआय।”
मियांड गीरहत मुर्ख आला गाम
13हुंकू तुन्दरा होड़कु मेसे मिहोंड़ बेता लियाय, “ए गुरू, बोको तिंग के कंहड़ीओईमे ची बाबा तालीङ आला खरचा के ईङ लोः हाटिङेआय।”
14बकिर ईसु हुनी के बेता लियाय, “ए होड़ आबेन, आली नेनेयाय चाहे हाहाटीङ वाला ओके दोहो तदिङाय” 15तेकर हुनी “चौंचित ताहिन पे, हेतरअ जामा खाता रेनअः लोभ तरअः बंचाव ताहिनोः पे, एता लःअय ची जाहें दुबाःड़े कतनो खरचा ताहिनोअ बकिर खरचा तरअः हुनी आला जिनगी एरे बंचाअ” बेता लियाय।
16तेकर ईसु हुंकू के मियांड गाम उदूः लिकुआय “मिहोंड़ गीरहत आला ओत रे खिती मुरुक हुयाव नेना। 17तेकर हुनी, ‘ईङ एतानी ईङ, ईङ दुबाःड़े पैदा दोदोहो लःअय ठाँव कनोआँ,’ मेन केते अपन मन रे सोंचाव लःअय? 18-19तेकर हुनी ‘ईङ नोकानी ईङ, खरचा ओड़ाअ तिंग के उजाड़ केते; जादे बाड़े बनायीङ हेतरअ हिना रे ईङ आला जामा खरचा, हेतरअ बेस जिनीस के दोहोयीङ,’ मेन लःअय। ‘तेकर ए जीव तिंग, आम मुरुक साल लःअय! ढेर अनाईज मे दोहो तदा हिना लःअय सथाअ मे, जोम नुईमे, तेकर सुख से ताहिन मे!’ मेन केते जीव तिंग के कंहड़ीओ यींग। 20बकिर परमेसर, ‘ए मुर्ख! निआँ निदा गी जीव ताम के आम तरअः ईदी कोआ; दो आम जे जवार तदाम होना ओके आला कोआ?’” मेन केते कंहड़ीओ लियाय।
21जे अपन लःअय खरचा जवारेआय, हिना लकान हुनी होड़ एदानिया, “हुनी परमेसर आला नेनेल रे गीरहत कनियाँ।”
परमेसर रे भरसाय पे
(संत.मत्ती 6:25–34)
22तेकर ईसु आएंग आलकु चेला के कंहड़ीओ लिकुआय, “अपन जीव रअः आलपे फिकिर के, ची आबु एतान जोमेआबु, अपन होड़ो रअः ची एतान के सोलोंगेआबु। 23घोटो तरअः जीव, हेतरअ गेन्दरअ तरअः होड़ो बाईढ़ के एदनाअ। 24काऊवा के नेल कुपे हुंकू काकु हेरेआ हेतरअ काकु ईरेआ; तेकर हुंकू आला छटका हेतरअ पोटोम कुड़िया कनोआँ; रे होः परमेसर हुंकू के आसुल कुआय आपे ओड़ेकु तरअः ढेर बड़े आपे! 25तेकर आपे रे ओके आएंग आला चिन्ता केते आएंग आला ऊमाईर के मि-घड़ीक बड़हाव दड़ीआय? 26हिना लःअय जदि आपे जामा तरअः छोटे काम कापे कामी दड़ीआ, दो एतान लःअय एटाअ बात के चिनतायापे? 27#1 राजा 10:4–7; 2 इति 9:3–6बुरु रेनअः बाहा के धेयान से नेलेपे होना एता लकान हरायोआ होना काय कमिया। आउर ना ची अपन लःअय गेन्दरअ बनायाय रे होः सुलेमान राजा होः आएंग आला जामा ठाठ-माठ होना मेसे मियांड लकान गेन्दरअ काय सोलोंग ताही लआ निआँ ईङ कंहड़ीओ दिपीईङ। 28हिना लःअय परमेसर टोनांग रेनअः बीर के हुनी तिसिंग एदनाअ हेतरअ गपा सेंगेल रे जाबेआ, होना के नोःआँ लकान सिंगरायाय दो, ए थोड़हे बि-बिसवासकु? हुनी एता लःअय आपे के एरे सोलोंग ऊ पेआ!
29“तेकर एतान बु जोमेआ, हेतरअ एतान बु नुयाँ मेन केते आलपे फिकिर के। 30दुनिया रिनकु जाईतकु नोःआँ जामा के जुरजुट नानाम रे ताही नोआकु, आपे के होः नोःआँ जामा रेनअः दरकार एदनाअ नोःआँ आपे आली सिरमा रिनी आपा पड़ीआय। 31हिना लःअय परमेसर आला राईज रआ खोजाईर रे ताहिन पे, नोःआँ जामा जिनीस आपे के परमेसर एमा केपेआय।
सिरमा रेनअः धन
(संत.मत्ती 6:19–21)
32“ए छोटे झुंड़ आलपे बोरोयोः, एता लःअय ची आपे आली बाबा आपे के राईज एमोअ लःअय बेस आदा तदिया। 33आपे आला धन के आखरिंग केते दान गुल तापे, चाहे सिरमा रे का चबायोः खाता खरचा जवारेपे, हेतरअ आपे लःअय का मारीयोआ खाता बाटुवा बनायपे, होंड़े चोर काकु सोदोरोआ हेतरअ घुन काकु जोमेआ। 34जे एड़े आपे आला खरचा ताहिनोआ हिनाःड़े आपे आला मन होः ताहिकोआ।
बिरिःड एकान पे
35 #
सं.मत्ती 25:1–13
“आपे आला मयांग के तोल केते तेयार ताहिनापे, हेतरअ आपे आला ढिबरी बराव ताहीनोः चाही 36#सं.मर 13:34–36तेकर हुंकू धाँगड़ लकानोःपे जे अपन गोमके बिहा रेनअः नेवता तरअः उकिन बेरा रूवाड़ोआय, हेतरअ हुनी हीःग केते केवाड़ के ठोक-ठोकायाय, होले हुनी लःअय झटके दुवार जिजेआय मेन केते नेल आसरा ताही नोआकु। 37हुंकू बंधाउवा धनया एदान कुआ जेकर गोमके हुंकू के जगवाड़ नाम कुआय! ईङ सचे कंहड़ी तानिङ, हुनी होः अपन मयांग रे गमछा तोल केते, हुंकू के दुड़ूः केते, सेवा-सुसार किकुआय। 38तेकर हुनी बराबईर निन्दा चाहे सीम कु रअः बेरा हीःग केते हुंकू के चौंचित नाम कुरे दो, हुंकू धाँगड़ धनया एदान कुआ! 39#सं.मत्ती 24:43,44हिना लःअय पड़ीपे ची ओड़ाअ रिनी मलिक उकिन बेरा चोर हीःग कोआय सेके पाड़ी ताकेआय होले हुनी जोजोहा कोआय, हेतरअ ओड़ाअ ताय रे चोर के एरे बोलोअ चिकुकेआ। 40हिना लःअय आपे होः तेयार ताहिन पे, आपे सोंचाव होः कापे सोंचाव तअः, हिमीन रे मनवा होपोन हीःग कोआय।”
बि-बिसवास लकान धाँगड़
(संत.मत्ती 24:45–51)
41तब पतरस बेता लियाय, “ए परभु, नोःआँ गाम के आले लःअय, चाहे जामेकु लःअय कंहड़ी तदाम एतान।”
42हेतरअ परभु कंहड़ी लःअय, “हुनी, बि-बिसवास लकान हेतरअ हुनी, समझदार भंडारी ओके हेके? जेकर से ची हुनी मलिक आएंग आलकु से-सेवाकु रे ओके के मुखिया दोहो कुआय, जेकर से ची हुनी ठीक बेरा सीरे जोजोम लःअय एमा कुआय। 43आएंग आली गोमके हिना लकान कामी यअते हीःग नामीयाय हुनी बंधाउवा धनया एदानिया! 44ईङ सथेगी कंहड़ीओ दिपीईङ, हुनी, हुनी धाँगड़ के आएंग आला जेतना धन-खुरजी एदनाअ होना रिनी मलिक दोहो कियाय। 45बकिर हुनी बयमान बंधाउवा गोमके तिंग हिजोअ लःअय दिरीः दाय मेन केते मन रे सोंचाये रेदो, हेतरअ धाँगड़ आउर धाँगड़ीनकु के हुमाअ कुआय, हेतरअ जोजोम नुनू तेकर मतवाड़ी याय दो, 46हुनी बंधाउवा आली गोमके, सोंचाव होः काय सोंचाव तआ, आउर पाड़ी गी काय पाड़ी तआ हिमीन बेरा हीःग कोआय। हेतरअ हुनी के कठोर डांड़ केते, काकु बिसवासेआ हुंकू लोः ठाँव एमा कियाय।
47“मुंवार ताय आला मन के पाड़ी केते होः काय सपड़ाव ताहिनोआँ, आउर हुनी आला मन रेनअः मोताबिक काय कामीआ, हुनी बंधाउवा मुरुक माईर जोम केआय। 48बकिर जे बेगर पाड़ी ते हुमाअ चिनोः लकान कामीयाय, हुनी थोड़हे हुमाअ चिनकोआय, हिना लःअय जेके ढेर एम ताना, हुनी तरअः ढेर कोय केआकु। हेतरअ जेके ढेर जिमा एमा तदियाकु; हुनी तरअः ढेर कोय केआकु।
ईसु हिजोअ रेनअः परिनाम
(संत.मत्ती 10:34–36)
49“ईङ ओत रे सेंगेल जुल हीःग तानिङ, हेतरअ होना नहाअः सलगाव जुनोः चाहाः तानिङ। 50#सं.मर 10:38ईङ के बिपाईत रआ बतिस्मा इईदी एदनाअ, तेकर होना अनौरी पुरायोः जगुत ईङ दुविधा रे पड़ाव तानिङ! 51ईङ नोःआँ ओत रे सानती आगु केते हीःग तानिङ निआँ पे सोंचाव दा? कोवान, आपे के बेताः दिपीईङ हिहिगाड़ लःअय हीःग तानिङ। 52नहाअः तरअः मियांड ओड़ाअ रे पाँच झन आकु-आकु रे बिरोध कोआकु, पे-होड़ बनहोंड़ रेनअः बिरोध रे हेतरअ बनहोंड़ पे-होड़ रेनअः बिरोध केआकु। 53#मीका 7:6आपाते होपोनते तरअः, होपोनते आपाते तरअः बिरोध केआय; एंगाते माईते तरअः, हेतरअ माईते एंगाते तरअः; हनहारते बाहुड़ियाते तरअः, हेतरअ बाहुड़ियाते हनहारते तरअः बिरोध केआय।”
होना बेरा रेनअः चिनहा
(संत.मत्ती 16:2–3)
54तेकर ईसु तुन्दरा होड़ के होः कंहड़ीओ लिकुआय, “आपे पछिम तरअः रिम्बिल रकाबोः नेलेआपे दो, तुरते दाअः गमा केआय मेन गेआपे, हेतरअ हेकानोआँ गी। 55तेकर दखिन तरअः होयाय के नेल केते मुरुक लु चलाव कोआ मेन गेआपे, हेतरअ हेकानोआँ गी। 56ए ढोंगी होड़कु! आपे ओत हेतरअ सिरमा रेनअः रूप राङ पे चिनहा दड़ीआ; दो नोःआँ बेरा रेनअः लकछन के कापे चिनहा दड़ीआ?
अपन मुदाई लोः सलाहगोः
(संत.मत्ती 5:25–26)
57“उचित एतान हेके सेके अपन-हारते एतान लःअय कापे फैसलाया? 58अपन मुदाई लोः हाकिम दुबाःड़े सेनोः बेरा होरा रेगी हुनी तरअः अड़ागोः रेनअः समझाव उपड़ीनोओ बेन, कोवान दो हुनी न्यायधीस दुबाःड़े ओर ईदी केमेआय। हेतरअ न्यायधीस, सिपाहीकु आला तीः रे एमा केमेआय, हेतरअ सिपाही जेहेल केमेआय। 59ईङ कंहड़ीओ दिपीईङ, किरी-किरी अनौरी चुकाय जगुत, होना तरअः एरपे छोड़ाआ।”
اکنون انتخاب شده:
संत.लुकास 12: ASR
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0