संत.लुकास 17
17
तोहोडोः रेनअः कारन पड़ीयोः
(संत.मत्ती 18:6–7,21–22; संत.मरकुस 9:42)
1ईसु चेला ताय के कंहड़ीओ लिकुआय, “नोकान एरे हुयाव सकाआ ची होड़कु ठोकोर इरकु जोमेआ, बकिर हाय! हुनी होड़ लःअय जेकर चलते होड़ ठोकोर जोम केआकु! 2जे नुकू छोटेकु रे जाहें मिहोंड़ के पाप रे उयुगोअ रआ कारन बनाआय दो हुनी आला होटोः रे जानता टुकू के तोल केते हुनी के डाहा रे डुडुबाव हुनी लःअय बंढियाँआ। 3#सं.मत्ती 18:15आपे चौंचित ताहिन पे!
“बोको ताम गुनाहेआय दो, हुनी के डपटाईमे, तेकर आम दुबाःड़े मन रूवाड़ेआय, दो छमाई मे। 4दिन भाईर रे सात खेप आम आला बिरुध रे गुनाहेआय, हेतरअ सातो खेप आम दुबाःड़े रूवाड़ केते, मन रूवाड़ दाईङ मेन गेआय दो हुनी के छमाई मे।”
बिसवास
5तेकर प्रेरित, “ए परभु आले आला बिसवास बढ़ायमे” बेता लियाकु।
6हेतरअ परभु बेता लिकुआय, “राई गोटा लकान होः आपे आला बिसवास एदनाअ होले, नोःआँ तुंत सिंङ के जाईर तरअः रचअ केते, डाहा रे बिःड जुनोः मे कंहड़ी केआपे, होले होना आपे आला के मनाव कोआ।
मियांड धाँगड़ आला जिमेदारी
7“आपे रे ओके नोकान एदानिया जेकर बंधाउवा सियोआय चाहे भेंड़ा चराव कुआय। हुनी बंधाउवा ओत तरअः रूवाड़ हिजोअ आय, हिमीन रे ओके झट के जोजोम दुड़ूः मे बेताईयाय? 8‘कोवान! हुनी ईङ लःअय, घोटो बनाय मे, मयांग तोल केते ईङ अनौरी जोम नुयीङ जगुत सुसारीङमे, तेकर होना तयोम आम जोम नुई मे,’ बेता कियाय। 9गोमके हुनी बंधाउवा के कामी आचु लियीङ होना के कामी लःअय मेन केते, हुनी के धन्यवाद एमा कियाय एतान? 10निआँ लकान आपे होः आचु लेनअ जामा काम कामी चबा केते, ‘आबु लायक बंधाउवा कनिबुआ; आबु के कामी चाही ताहिना हिना भाईर कामी तदाबु कंहड़ी पे।’”
ईसु दस झन छुँत घाव उनकु के चंगा लिकुआय
11तेकर ईसु जिरोसलेम सेनोः केनाय, हिमीन रे समारिया हेतरअ गलील राईज ताला-ताला सेनोः केनाय। 12मियांड डिही बोलोयोः केनाय, हिमीन रे दस झन छुँत घाव उनकु भेटाव नेनाकु, हुंकू हुनी तरअः कटिःग फरक रे तिंगु ताही नेनाकु 13हुंकू जोर से गुल केते कंहड़ी लअकु, “ए ईसु! ए मलिक! आले के दया लेमे!”
14 #
लेवी 14:1–32
ईसु हुंकू के नेल केते, “जु सेनपे तेकर अपने के पुरोहित एड़े उदूगोःपे” बेता लिकुआय।
तेकर सेन-सेनते गी सुध नाकु। 15हुंकू रे मिहोंड़ ईङ बेस निङ मेन के नेल केते, जोड़ से परमेसर आला बड़ाई याःते रूवाड़ नेनाय। 16हेतरअ ईसु आला जांगा दुबाःड़े ईकड़ुम केते धन्यवाद एमाअ दियाय। हेतरअ हुनी समारिया रिनी ताहिनाय। 17ईसु कंहड़ी रूवाड़ लःअय, “दसो झन काकु सुध नेना एतान; दो हुंकू बंचाव उनकु नाव झन ओकाःड़ीकुआ? 18तेकर एटाअ राईज रिनी के बाई केते परमेसर आला बा-बड़ाई लःअय, आउर ओके होः काकु रूवाड़ नेना?” 19तेकर ईसु हुनी के, “बिरिःड केते सेनोः जुनोः मे; आम आला बिसवास ताम आम के छुटाव तदमेआय” बेता लियाय।
परमेसर आला राईज हिजोअ
(संत.मत्ती 24:23–28,37–41)
20तेकर फरीसीकु ईसु के कुली लियाकु, “परमेसर आला राईज ओका हिला हीःग कोआ,” दो ईसु हुंकू के बेता लिकुआय, “परमेसर आला राईज दिसतार रे का हिजोआ। 21तेकर होड़, ‘नेलेपे, नोआँड़ेआ चाहे! होनाःड़े,’ एरकु कंहड़ी दड़ीआ। नेलेपे परमेसर आला राईज आपे ताला रे एदनाअ,” बेता लिकुआय।
22तेकर हुनी चेला ताय के कंहड़ीओ लिकुआय, “होना दिन हीःग कोआ जेकर रे आपे मनवा होपोन आला दिन रे मुसिङ दिन के नेनेल नामापे, बकिर एरपे नेल दड़ीआ नोकान दिन हीःग कोआ। 23तेकर होड़कु, ‘होनाःड़े, एदानिया,’ चाहे, ‘नोआँड़े, एदानिया नेलीपे!’ बेता पेरेदोकु दो आपे आलपे सेन कोओ हेतरअ हुनी के आलपे ओतोङ की। 24जे लकान बिजली सिरमा रेनअः मि-छोर तरअः चमकाव केते सिरमा रेनअः कोना जगुत मालकायाय, हिना लकान मनवा होपोन आला दोबारा रूवाड़ हिजोअ हुयाव कोआ। 25बकिर पहिल रे हुनी पुरा दुख सहाव केआय हेतरअ नोःआँ जुग रिनकु होड़ हुनी के तुछ कियाकु। 26#एहेः 6:5–8जे लकान नूह बेरा हुयाव नेना हिना लकान मनवा होपोन हिजोअ रआ दिन बेरा होः हुयाव कोआ। 27#एहेः 7:6–24नूह जहाज रे अनौरी देजोः जगुत होड़कु बिहा हेतरअ जोम नुई केनाकु, हिमने रे आकाल दाअः हीःग केते, हुंकू जामाके नास चबा किद कुआय। 28#एहेः 18:20—19:25तेकर जे लकान लुत बेरा होः नोकान हुयाव ताही नेना। हुंकू होड़ नु जोम, किरिङ-आखरिङ, हेतरअ सिंङ बिःड तेकर ओड़ाअ बनाय केनाकु 29बकिर जे हिला लुत सोदोम तरअः उडुंग नेनाय, हिना हिला सिरमा तरअः सेंगेल हेतरअ गंधक गमा लःअय हेतरअ हुंकू जामा के नास चबा लिकुआय। 30मनवा होपोन रूवाड़ हिजोअ हिला होः हेंकान कोआ।
31 #
सं.मत्ती 24:17,18; सं.मर 13:15,16 “हेन हिला जे साड़ुम रे एदानिया हेतरअ हुनी आला जिनीस ओड़ाअ रे एदनाअ हुनी होना के इईदी लःअय आलकु अड़गु कोओ; तेकर हिना लकान जे कामी ओत रे ताही नोआकु हुंकू ओड़ाअ आलकु रूवाड़ कोओ। 32#एहेः 19:26लुत आली आउराईत ते लोः एतान हुयाव ताहिनेना के उईहारीपे! 33#सं.मत्ती 10:39; 16:25; सं.मर 8:35; सं.लुका 9:24; सं.जोह 12:25जे अपन जीव के बा-बंचाव नामाय हुनी होना के आःड केआय; तेकर जे होना के आडेआय हुनी होना के का-अन्तोः जिनगी लःअय बंचाव केआय। 34ईङ आपे के कंहड़ीओ दिपीईङ, बनहोंड़ हेन हिला निदा मियांड खटिया रे, किन गितीःग ताहिकोआ, मिहोंड़ ईदी कोआय हेतरअ मिहोंड़ बाई कोआय। 35बनहोंड़ आउराईत मिएड़े मिसातेरे जानता किन किंदराव केआ दो मिहोंड़ ईदी कोआय, तेकर मिहोंड़ बाई कोआय।” 36#17:36 थोड़ेकेन लिखा लअः मारी पुथी रे नोःआँ पद कनोआँबनहोंड़ कामीकिन ओत रे ताही कोआकिन दो मिहोंड़ ईदी कोआय हेतरअ मिहोंड़ बाई कोआय।
37तेकर चेला ताय कुली लियाकु, “ए परभु नोकान ओकाःड़े हुयाव कोआ?”
तेकर हुनी कंहड़ी रूवाड़ लःअय, “जे दुबाःड़े गोएःग होड़ो ताहिनोआ, होनाःड़े कनहार जवार कोआकु।”
اکنون انتخاب شده:
संत.लुकास 17: ASR
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0