संत.लुकास 19
19
मालगुजारी तताइसलावी जकाई
1तेकर ईसु जेरीहो रे बोलो केते ताला-ताला सेनोः केनाय। 2तेकर होनाःड़े जकाई नुमू रिनी मिहोंड़ होड़ ताहिनाय, हुनी मालगुजारी तसीलदारकु आली मलिक हेतरअ गीरहत थिनाय। 3हुनी ईसु एता लकान होड़ हेके मेन केते नेनेल नाम केनाय, बकिर हुनी ठेपरा होड़ ताहिनाय हिना लःअय तुन्दरा होड़ चलते काय नेल दाड़ी लिया। 4हुनी मड़ांग नीर सेन केते ईसु के नेनेल लःअय मियांड लोवा सिंङ रे देःग नाय, एता लःअय ची ईसु हिना होरा रे सेनोः वाला ताहिनाय 5होना ठाँव रे सोदोर नेनाय, दो ईसु साँगील लःअय हेतरअ हुनी के नेल लियाय, तेकर “ए जकाई, झट के अड़गुन मे, एता लःअय ची तिसिंग ईङ के आम ओड़ाअ रे ताहीनोः एदनाअ” बेता लियाय।
6तेकर हुनी झट के अड़गु केते रिझते हुनी के आएंग ओड़ाअ ताय ईदी लियाय। 7तेकर नोःआँ नेल केते जामाकु कुड़-कुड़ाअ तानाकु, हेतरअ “नुई दो पापी होड़ आला ओड़ाअ रे ताहीनोः लःअय सेनाय मेनोः तानाकु!”
8तेकर जकाई तिंगु केते परभु के बेता लियाय, “ए परभु, नेलेमे! ईङ आला जेतना खरचा तिंग तरअः आधा रांगेःगकु के एमा कुईंग, हेतरअ जाहें तरअः हेड़े केते ईदी तदिङ, दो चाईर गुना रूवाड़ोः कुईंग।”
9तेकर ईसु हुनी बारे रे कंहड़ीओ लिकुआय, “तिसिंग नोःआँ ओड़ाअ रे उधार हीःग ताना, एता लःअय ची नुई होः मियांड अब्राहम आली होपोन हेके। 10#सं.मत्ती 18:11एता लःअय ची मनवा होपोन दो आःड ऊनकु के नानाम हेतरअ उ-उधार लःअय हीःग तनाय।”
दस सोना ठर्ड़रा रेनअः गाम
(संत.मत्ती 25:14–30)
11तेकर हुंकू नोःआँ कंहड़ी के आयुमे केनाकु, दो ईसु मियांड गाम मे कंहड़ीओ लिकुआय। एता लःअय ची ईसु जिरोसलेम हेनाःड रे ताहिनाय, तेकर हुंकू परमेसर आला राईज नहाअः दिसतार कोआ मेनोः केनाकु 12ईसु कंहड़ी लःअय, “मियांड राजा घराईता रिनी होड़ लंका राईज सेन नेनाय। जेकर से ची राईज गदी नाम केते रूवाड़ हिजोईंग मेन लःअय। 13तेकर हुनी बंधाउवा ताय कु के राअः केते, दस गो मि-मियांड सोना ठर्ड़रा एमा लिकुआय, तेकर ‘आनावरी हिजोअ जगुत कार-बेवहारेपे बेता लिकुआय’ 14बकिर आएंग राईज रिनकु हुनी के खिसोई केनाकु, तेकर नुई होड़ आले तेङ रे राईजे आय नोःआँ काले चाहाः ताना, मेन केते खभाईर सोसोदोर कु के, ‘हुनी आला तयोम कुलगोःड लिकुआकु।’
15“तेकर हुनी राईज गदी नाम केते हीःग रूवाड़ नेनाय। हेतरअ ठर्ड़रा एमा ताही लिकुआय हुंकू बंधाउवा कर-बेवहार केते, उकिन कामी लअकु होना के पापाड़ी लःअय आएंग दुबाःड़े राअः चिकु लःअय। 16पहिल रिनी हीःग केते, ‘ए गोमके, आम आला मियांड सोना ठर्ड़रा तरअः दस आउर सोना ठर्ड़रा कामी तदिङ’ बेता लियाय। 17तेकर मलिक, ‘ए बेस बंधाउवा, थोड़हे रे बिसवास के पतियाअ लकान नेनाम, आम दस गोड़ सहर रिनी हाकिम पाड़ीयोअ मे’ बेता लियाय। 18आउर एटाअ हीःग केते, ‘ए गोमके, आम आला सोना ठर्ड़रा तरअः पाँच गोड़ आउर कामी लिईङ’ बेता लियाय। 19तेकर हुनी, हुनी केहोः ‘आम होः पाँच गोड़ सहर रिनी मलिक पड़ीयोः मे’ बेता लियाय। 20आउर तीसरा हीःग केते बेता लियाय, ‘ए गोमके, नेलेमे सोना ठर्ड़रा ताम के गमछा रे ठोनहोम केते दोहो तदिङ। 21बकिर ईङ आम तरअः बोर किनिङ एता लःअय ची आम दो कठोर होड़ हेके जे आम आला नलागे होना केहोः ईदियाम हेतरअ काम हेर तअः सेके होः ईरेआम’ 22हुनी के, ‘ए खपतान बंधाउवा! आम आला आहा तरअः गी दोसी ठहराव मिईङ! ईङ केटेःग मन होड़ हेके, जे आम आला नलागे होना केहोः ईदियाम हेतरअ काम हेर तअः केहोः ईरेआम नोःआँ पाड़ी केनाम। 23दो आम, सोना रअः ठर्ड़रा तिंग के सुध रे एतान लःअय काम लगाव लआ? ईङ रूवाड़ हीःग कुईंग हिमीन रे सुध संहित नाम किईङ।’ 24होना सोना ठर्ड़रा के हुनी तरअः रेगेपे, आउर ‘जेकर दुबाःड़े दस गोड़ एदनाअ हुनी के एमाईपे मेन केते हिनाःड़े तिंगु उनकु के’ कंहड़ीओ लिकुआय। 25हुंकू, ‘ए गोमके, हुनी दुबाःड़े दो दस गोड़ सोना ठर्ड़रा एदनाअ’ बेता लियाकु! 26#सं.मत्ती 13:12; सं.मर 4:25; सं.लुका 8:18मलिक ताय कंहड़ीओ लिकुआय, ‘जेकर दुबाःड़े एदनाअ हुनी के आउर एमा कियाकु; बकिर जेकर दुबाःड़े कनोआँ, हुनी तरअः जे एदनाअ होना होः इदी केआकु। 27#सं.मत्ती 25:14–30आउर बैरी तिंग के नोआँड़े आगु केते, जे काकु चहाअ, ची ईङ हुंकू तेङ रे राईजे ईङ, हुंकू के ईङ मड़ांग रे आगु केते गोएःग कुपे!’”
जिरोसालेम रे ईसु आला बोलोयोः
(संत.मत्ती 21:1–11; संत.मरकुस 11:1–11; संत.जोहन 12:12–19)
28तेकर ईसु नोःआँ कंहड़ी केची, जिरोसलेम पखी सेनोः लःअय मड़ांग नेनाय। 29तेकर जैतुन नुमू रेनअः बुरु पिन्दरी रे बैतफगे हेतरअ बैथनिया डिही हेनाःड केची, हुनी आएंग आलकु चेलाकु रे बनहोंड़ के नोःआँ कंहड़ी केते कुलगोःड लिकनाय 30“आबेन हेनाःड तअः डिही रे सेन बेन; तेकर होंड़े बोल बेरा, तोल लिनी गधा छउना के नाम कियाबेन, हुनी रे ओका हिला होः ओके होः काकु देःग ताना, हुनी के राड़ा आगुयबेन। 31तेकर जाहें एता लःअय नुई के राड़ाअ दियाबेन कुली बेन रेदो, परभु के नुई रेनअः दरकार एदनाअ” बेता कुबेन।
32तेकर हुंकिन कुलगोःड लिनकिन सेन केते, हुनी कंहड़ीओ थिलकिनाय हिड़यान किन नाम लिया। 33तेकर हुंकिन गधा छउना के राड़ाई केनाकिन, हिमीन रे हुनी आली मुंवार, “एता लःअय गधा छउना के राड़ाः दियाबेन?” मेन केते कुली लिकनाय।
34हुंकिन, “परभु के नुई आला दरकार एदनाअ,” बेता लियाकिन, 35तेकर हुंकिन गधा छउना के ईसु दुबाःड़े आगु लियाकिन। हेतरअ गेन्दरअ तकिन के हुनी तेङ रे बिल केते ईसु के दुड़ूः लियाकिन। 36तेकर हुनी सेनोः केनाय, हिमीन रे होड़कु रिझते गेन्दरअ ताकु के होरा रे बिल ईदी केनाकु।
37तेकर हुनी हेनाःड नेनाय जैतुन बुरु रेनअः ढालाईन रे सोदोर नेनाय, दो चेलाकु आला गोटा तुन्दरा केते रिझ नेनाकु, तेकर नेल ताही लअकु होना समरथ रेनअः काम रआ चलते परमेसर आला बड़ाई दाकु, 38#सिरिंग 118:26“तेकर परभु आला नुमू रे हिजोअ तनाय राजा धनया आय! सिरमा राईज रे सानती तेकर जामा तरअः तेङ ठाँव रे महिमा हुयाअः” मेन लअकु!
39तेकर तुन्दरा होड़ रे थोड़ेक फरीसीकु। “ए गुरू, चेला ताम के डपटाव कुमे, ची चेला ताम सिड़िग्या ताही नोआकु” बेता लियाकु!
40ईङ कंहड़ीओ दिपीईङ, “नुकू चुपचाप ताहिनोआकु, दो दिरी टुकू होः हकाव बिरिःड केआकु,” मेन केते कंहड़ी रूवाड़ोः लिकुआय।
जिरोसालेम लःअय सोक
41तेकर हुनी हेनाःड सोदोर नेनाय, दो जिरोसालेम के नेल केते, होना लःअय ईयाम लःअय, 42“आम गी तिहिङ सानती नाम रेनअः कंहड़ी के पाड़ी केआम होले बढ़ियाँ कोआ! बकिर आम होना के नहाअः कम पाड़ीआ! 43एता लःअय ची होना दिन आम रे हिजोआ हेन हिला आम आलकु बैरी चाईरो पखा मोर्चा तोल केते घेराव केमेआकु, हेतरअ चाईरो पखा तरअः, चिपुःड केमेआकु। 44आम हेतरअ आम आलकु बालेककु के जे आम रे एदान कुआ के हास रे मेसा किकुआकु; आउर गोटा सहर तहास-नहास कोआ, एता लःअय आम दो परभु आला हिजोअ सुभ बेला के काम चिनहा लआ!”
ईसु मंदिर रे आ-आखरिङकु के उडुंग लिकुआय
(संत.मत्ती 21:12–17; संत.मरकुस 11:15–19; संत.जोहन 2:13–22)
45तेकर ईसु बड़े बिनती ओड़ाअ रे बोलो केते, हुनी होना रे जामा आ-आखरिङकु के बाहरीते उडुंग दिकुआय, 46#जसा 56:7; जिर 7:11“तेकर ‘ईङ आला ओड़ाअ, बिनती ओड़ाअ हेके, बकिर आपे नोःआँ के डाकु रे-रेःगकु आला मंड़ापे बनाव तदा,’ नोःआँ लिखा ताना” मेन केते कंहड़ीओ किद कुआय।
47 #
सं.लुका 21:37
हुनी रोज दिन बड़े बिनती ओड़ाअ रे उदूः कुकेनाय। तेकर बड़े पुरोहित हेतरअ धरम पुथी सि-सिखावकु आउर होड़कु आलकु अगुवा हुनी के गोगोएःग लःअय उपाईकु नामे केना, 48बकिर नोःआँ एता लकाने आबु नोःआँ उपाय काकु नाम दाड़ी लआ, जामे होड़कु दो ईसु आला कंहड़ी के जुर-जुट कु आयुमेकेना।
اکنون انتخاب شده:
संत.लुकास 19: ASR
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0