संत.लुकास 6
6
सथाअ हिला रिनी परभु
(संत.मत्ती 12:1–8; संत.मरकुस 2:23–28)
1 #
कन 23:25
सथाअ हिला ईसु आउर चेला ताय खिती ओत ताला-ताला रे सेनोः केनाकु हेतरअ चेला ताय गेले के होःड-होःड, तीः रे तीरहोल-तीरहोल जोम याःते सेनोः केनाकु 2हिमीन रे मिहोंड़-बनहोंड़ फरीसीकु, “आपे होना काम एता लःअय कामीयापे जे कनहुन रआ मोताबिक सथाअ हिला ककामी उचित कनोआँ कंहड़ी तानाकु?”
3ईसु हुंकू के कंहड़ी रूवाड़ोः लिकुआय, “आपे नोःआँ कापे पढ़ाव ताना एतान दाऊद जे बेरा आएंग हेतरअ गाती ताय रांगेःग ताहिनाकु दो हुनी एतान ताही लःअय? 4#लेवी 24:9#1 समु 21:1–6हुनी एता लकान परमेसर आला ओड़ाअ रे बोलो केते, परमेसर लःअय रकाःब लआ लाःड के ईदी केते जोम लःअय, हेतरअ गाती ताय के होओ एमा लिकुआय। जेके जोजोम पुरोहित के बाई केते ओके के होः उचित का ताही नेना।”
5तेकर ईसु हुंकू के, “होड़ होपोन सथाअ हिला रिनी होः परभु हेके,” बेता लिकुआय।
रोहोड़ तीः ऊनी होड़ के बेस लियाय
(संत.मत्ती 12:9–14; संत.मरकुस 3:1–6)
6नोकान नेना ची मुसिङ एटाअ सथाअ हिला ईसु बिनती ओड़ाअ रे सेन केते सि-सिखाव लगाव नाय। तेकर होंड़े मिहोंड़ होड़ ताही नाय जेकर जोम तीः रोहोड़ ताही ना। 7धरम पुथी सि-सिखावकु हेतरअ फरीसीकु नेलीयाबु सथाअ हिला बेसीयाय ची कोवान, मेन केते हुनी रे दोस ललगाव लःअय घाईत नाम रेनअः ताक रे ताहिनाकु। 8बकिर हुनी हुंकू आला बिचार के पाड़ी केनाय, हिना लःअय हुनी रोहोड़ तीः ऊनी होड़ के “बिरिःड मे, ताला रे तिंगुन मे,” बेता लियाय। तेकर हुनी बिरिःड केते तिंगु नेनाय। 9तब ईसु होड़कु के बेता लिकुआय, “ईङ आपे के कुलीः दिपीईङ, सथाअ हिला ए-एतान उचित एदनाआ? बुबुराई ची भभलाई? जीव के बा-बंचाव ची नानास?” 10तेकर हुनी चाईरो पखा तिनकु के लुड़ीःग केते; हुनी होड़ के “तीः ताम के दरसाने मे,” बेता लियाय, हुनी हेंकान लःअय, तेकर हुनी आला तीः पहिल लकान बेस आमीन ना।
11बकिर हुंकू नोःआँ नेल केते खीस केते आबु ईसु के एतानीयाबु मेन केते आकु ताला रे कंहड़ीयोः तानाकु।
बारह कुलगोःड उनकु के दोहो लिकुआय
(संत.मत्ती 10:1–4; संत.मरकुस 3:13–19)
12हिमीन बेरा ईसु बुरु तेङ रे बि-बिनती सेन नेनाय, तेकर परमेसर तरअः बि-बिनती रे गोटा निदा बिताव लःअय। 13तेकर आँगा नेना, हिमीन रे हुनी चेला ताय के रअः केते हुंकू रे बारह झन के निबाड़ लिकुआय, तेकर हुंकू के प्रेरित नुमू लिकुआय, 14तेकर हुंकू नुकू हेके सिमोन जेकर नुमू ईसु पतरस होः दोहो लःअय। तेकर हुनी आली बोको अंध्रियस; तेकर याकुब तेकर जोहन, तेकर फिलिप्पुस हेतरअ बरथोलोमी, 15तेकर संत.मत्ती आउर थोमस, आउर आलफाई आली होपोन याकुब, आउर सिमोन जे जुरजुट बेताईयाकु, 16तेकर याकुब आली होपोन जहुदा, आउर जहुदा इसकारयोती, जे ईसु के ससःब चिई वाला पाड़ी नेनाय।
सिकछा एमोअ तेकर छुछुटाव
(संत.मत्ती 4:23–25)
17तेकर ईसु हुंकू लोः बुरु तरअः अड़गु केते मियांड साम ठाँव रे तिंगु नेनाय। तेकर होनाःड़े हुनी आलकु चेला आला तुन्दरा हेतरअ गोटा जाहुदिया राईज आउर जिरोसलेम तेकर सूर हेतरअ सैदा रिनकु होड़ डाहा दौंड़ी तरअः जवार नेनाकु; 18हुंकू होनाःड़े हुनी आला आ-आयुम तेकर अपन बेमार तरअः बेसोः लःअय जवार थिनाकु। तेकर असुध आतमा तरअः जकड़ाल उनकु होड़ केहोः छुटकारा भेटाव नेना। 19हुनी तरअः समरथ उडुंग केते जामा के छुटाव कुकेनाय, लःअय हुनी के जामा होड़ छुछुवाँव नाम केनाकु।
दुख आउर सुख
(संत.मत्ती 5:1–12)
20तेकर ईसु चेला ताय पखी लुड़ीःग केते नोकान कंहड़ी लःअय,
“आपे धनया एदान पेआ जे गरीबापे,
हिना लःअय परमेसर आला राईज आपे आला हेके!”
21“आपे धनया एदान पेआ नहाअः राँगेगा पे,
आपे के बी केपेआय!”
“धनया एदान पेआ जे नहाअः ईयाम दापे,
आपे लन्दा केआपे!”
22 #
1 पत 4:14
“धनया एदान पेआ, जे बेरा होड़ होपोन रआ चलते होड़ आपे के घींड़ कोआकु, तेकर आपे के उडुंग केपेआकु, हेतरअ आपे आला सिकाईत केआकु, तेकर आपे आला नुमू के गादुस पाड़ी केते काटाव केआकु, 23#2 इति 36:16; प्रे.कामी 7:52होना हिला रिझते डेगाःपे, एतान लःअय ची नेलेपे आपे लःअय बड़े इनाम सिरमा रेआ। हुंकू आलकु आजा-बाबा आगमजानीकु लोः होः हेकाने केनाकु।
24“हाय आपे, जे नहाअः गीरहातापे,
एतान लःअय ची आपे अपन सुख-चैन नाम चुकाव नापे!”
25“हाय आपे, जे नहाअः बी तनापे,
एतान लःअय ची रांगेःग कोआपे!”
“हाय आपे जे नहाअः लन्दा यापे,
आपे हदियाव कोआपे हेतरअ ईयाम केआपे!”
26“हाय आपे लःअय जे बेरा आपे के जामा होड़ आपे आला बड़ाईयाकु; एतान लःअय हुंकू आलकु आजा-बाबा, झुठा आगमजानीकु लोः होः हेकाने केनाकु गी।
बैरीकु के दुलार कुपे
(संत.मत्ती 5:38–48; 7:12)
27“बकिर ईङ आपे आ-आयुमकु के बेताः दिपीईङ, ची बैरी तापे कु के दुलार कुपे, जे आपे के घिंड़ोः पेआकु हुंकू के बेसोः कुपे, 28जे आपे के सरपाव पेआकु हुंकू के आसीस एमा कुपे, जे आपे केकु माया पेआकु हुंकू लःअय बिनती पे। 29जे आम आला मियांड जोहा रे चाटकांड़े आय दो, हुनी पखा एटाअ जोहा के होः हुनी पखा गुल तामे; तेकर जे आम आला पेछोड़ी के रेगेआय दो, हुनी के कुड़ताः के होः ईइदी रे आलपे बधराई। 30जाहें आम तरअः कोयाय हुनी के एमाई मे, तेकर जे आम आला जिनीस के रेगेआय, होना के आम आलुम कोय के। 31#सं.मत्ती 7:12तेकर आपे होड़कु तरअः जाईसन चहाअ पे हुंकू लोः आपे होः हेकानेपे।
32“जदि आपे अपन दुदुलार कु लोः दुलार दोहोयापे, दो आपे आला एतान बड़ाई कोआ? एता लःअय ची पापीकु होः अपन दुदुलार कु के दुलार कुआकु! 33जदि आपे अपन भभलाई कु लोः भलाई यापे दो, आपे आला एतान बड़ाई एदनाअ? एतान लःअय ची पापीकु होः दो हेकाने आकु! 34जदि आपे हुंकू के रूरुवाड़ रेनअः आसरा रे रींड़ पे एमा कुआ दो, आपे आला एतान बड़ाई? एतान लःअय ची पापीकु होः हिमने गी रूवाड़ कोआ मेन केते, पापीकु के रींड़ एमा कुआकु। 35बकिर अपन बैरीकु लोः होः दुलार से ताहिन पे तेकर भलाई कुपे। रूरुवाड़ रेनअः आसरा आलु दोहो केते रींड़ एमा कुपे, होले आपे बड़े ईनाम पे नाम केआ; तेकर आपे परम परधान आलकु होपोन पाड़ी कोआपे। एतान लःअय ची जे हुनी के धन्यवाद काय एमाईया आउर बु-बुराई कु तेङ रे होः हुनी माया कुआय। 36आपे आली आपा जाईसन माया रे पेरेःग उनी एदानिया हेंकान गी आपे होः माया रे पेरेःग उनी पड़ीयोः पे।
दोस आलपे लगाव के
(संत.मत्ती 7:1–4)
37“ओके के होः हुनी बेस कनियाँ, नोकानाय मेन केते आलपे न्याय के; जेकर से ची परमेसर होः आपे आला न्याय एरेया, ओके के होः दोस आलपे लगाव के; होले आपे के होः परमेसर दोसी एरे ठहराव पेआ, छमा यापे होले आपे के होओ परमेसर छमा केपेआय। 38एमा कुआपे होले, आपे केहोः परमेसर एमा केपे आय। परमेसर पुरा सोसोङ रे जनताव-जनताव हेतरअ हिलाव-हिलाव केते तेकर पेरेःग केते, गिड़ी याःते आंजली रे पुरा सोङ-उकेपेआकु। एतान लःअय ची जे नाप रे एटाअकु के सोङओ कुआपे हिना नाप रे आपे लःअय होः सोङ-उकेपेआय।”
39 #
सं.मत्ती 15:14
आउर हुनी हुंकू के मियांड गाम कंहड़ी उदूः लिकुआय, “अंधरा, अंधरा के होरा उदूः दाड़ी कियाय एतान? बनाहोड़ गड़हा रे, एरकीन नुरोआ एतान? 40#सं.मत्ती 10:24,25; सं.जोह 13:16; 15:20चेला अपन गुरू तरअः बड़े काकु ताहिनोआँ; पुरा-पुरा सिकछा नाम केते, होना तयोम हुनी गुरू लकान बनाव सकाआय।
41-42“आपे बोको-बोयहा आला छोटे गलती के दो, झट के सबेआपे बकिर अपन बड़े गलती के कापे सोंचाया? आम के अपन आला गलती का नेलोआ, तेकर अपन बोको आला गलती सुसुधराव सेनाम? ए ढोंगी! पहिल अपन आला बड़े गलती सुधराव केमे, तब सेन केते आउरो कु आला छोटे-छोटे गलती के चिचिनहा रे तेकर होना के सुसुधराव लःअय आउरो कु आला मदाईत सकायाम फिन एला बोको ईङ आम आला गलती के सुधराईङ एता लकान कंहड़ी सकायाम।
जाईसन सिंङ ताईसन जोअ
(संत.मत्ती 7:16–20; 12:33–35)
43“बेस सिंङ बेस जोयोआ, तेकर जहान का बेस सिंङ बेस का जोयोआ। 44#सं.मत्ती 12:33हिना लःअय जेतना सिंङ जोअ तेरे चिनहायोआ; एता लःअय ची होड़ जानुम झुंड़ सिंङ तरअः अंजीर काकु गोडेआ आउर ना दो जानुम तेकर ना जानुम सिंङ तरअः अंगुर जोअ काकु गोडेआ। 45#सं.मत्ती 12:34बेस होड़ अपन मन तरअः बेस बात ऊड़ुङेआय तेकर गादुस होड़ अपन मन तरअः गादुस बात ऊड़ुङेआय; एता लःअय ची जे विचार भीतरी रे ताहिनोआँ, हिना गी आहा तरअः बाहरी ऊड़ुङोआ।
ओड़ाअ बनाव किन बनहोंड़
(संत.मत्ती 7:24–27)
46“आपे ईङ आला कंहड़ी के कापे मनाआ दो एता लःअय ईङ के, ‘ए परभु, ए परभु,’ कंहड़ीआपे? 47जे ईङ दुबाःड़े हिजोआय तेकर ईङ आला कंहड़ी के आयुम केते होना के मनाआय हुनी ओके लकान एदानिया के ईङ आपे के उदूः पेईङ। 48हुनी, हुनी होड़ लकान एदानिया, जे ओड़ाअ बाबानाव बेरा ओत के गड़हा ला केते सेरेंग रे नेव बनाव लःअय। आउर जे बेरा बाईढ़ हीःग नेना तेकर बाईढ़ दाअः होना रे बजड़ाव नेना बकिर होना के काय हिलाव दाड़ी लआ, होना मुरुक केटेःग पाड़ी ताही नेना। 49बकिर जे आयुम केते काय मनाआ हुनी, हुनी होड़ लकान एदानिया जे ओत रे बेगार नेव रे ओड़ाअ बनायाय; जे बेरा बाईढ़ दाअः बजड़ाअ-तोरन होना तुरते नुर जुनोआ!”
اکنون انتخاب شده:
संत.लुकास 6: ASR
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0
संत.लुकास 6
6
सथाअ हिला रिनी परभु
(संत.मत्ती 12:1–8; संत.मरकुस 2:23–28)
1 #
कन 23:25
सथाअ हिला ईसु आउर चेला ताय खिती ओत ताला-ताला रे सेनोः केनाकु हेतरअ चेला ताय गेले के होःड-होःड, तीः रे तीरहोल-तीरहोल जोम याःते सेनोः केनाकु 2हिमीन रे मिहोंड़-बनहोंड़ फरीसीकु, “आपे होना काम एता लःअय कामीयापे जे कनहुन रआ मोताबिक सथाअ हिला ककामी उचित कनोआँ कंहड़ी तानाकु?”
3ईसु हुंकू के कंहड़ी रूवाड़ोः लिकुआय, “आपे नोःआँ कापे पढ़ाव ताना एतान दाऊद जे बेरा आएंग हेतरअ गाती ताय रांगेःग ताहिनाकु दो हुनी एतान ताही लःअय? 4#लेवी 24:9#1 समु 21:1–6हुनी एता लकान परमेसर आला ओड़ाअ रे बोलो केते, परमेसर लःअय रकाःब लआ लाःड के ईदी केते जोम लःअय, हेतरअ गाती ताय के होओ एमा लिकुआय। जेके जोजोम पुरोहित के बाई केते ओके के होः उचित का ताही नेना।”
5तेकर ईसु हुंकू के, “होड़ होपोन सथाअ हिला रिनी होः परभु हेके,” बेता लिकुआय।
रोहोड़ तीः ऊनी होड़ के बेस लियाय
(संत.मत्ती 12:9–14; संत.मरकुस 3:1–6)
6नोकान नेना ची मुसिङ एटाअ सथाअ हिला ईसु बिनती ओड़ाअ रे सेन केते सि-सिखाव लगाव नाय। तेकर होंड़े मिहोंड़ होड़ ताही नाय जेकर जोम तीः रोहोड़ ताही ना। 7धरम पुथी सि-सिखावकु हेतरअ फरीसीकु नेलीयाबु सथाअ हिला बेसीयाय ची कोवान, मेन केते हुनी रे दोस ललगाव लःअय घाईत नाम रेनअः ताक रे ताहिनाकु। 8बकिर हुनी हुंकू आला बिचार के पाड़ी केनाय, हिना लःअय हुनी रोहोड़ तीः ऊनी होड़ के “बिरिःड मे, ताला रे तिंगुन मे,” बेता लियाय। तेकर हुनी बिरिःड केते तिंगु नेनाय। 9तब ईसु होड़कु के बेता लिकुआय, “ईङ आपे के कुलीः दिपीईङ, सथाअ हिला ए-एतान उचित एदनाआ? बुबुराई ची भभलाई? जीव के बा-बंचाव ची नानास?” 10तेकर हुनी चाईरो पखा तिनकु के लुड़ीःग केते; हुनी होड़ के “तीः ताम के दरसाने मे,” बेता लियाय, हुनी हेंकान लःअय, तेकर हुनी आला तीः पहिल लकान बेस आमीन ना।
11बकिर हुंकू नोःआँ नेल केते खीस केते आबु ईसु के एतानीयाबु मेन केते आकु ताला रे कंहड़ीयोः तानाकु।
बारह कुलगोःड उनकु के दोहो लिकुआय
(संत.मत्ती 10:1–4; संत.मरकुस 3:13–19)
12हिमीन बेरा ईसु बुरु तेङ रे बि-बिनती सेन नेनाय, तेकर परमेसर तरअः बि-बिनती रे गोटा निदा बिताव लःअय। 13तेकर आँगा नेना, हिमीन रे हुनी चेला ताय के रअः केते हुंकू रे बारह झन के निबाड़ लिकुआय, तेकर हुंकू के प्रेरित नुमू लिकुआय, 14तेकर हुंकू नुकू हेके सिमोन जेकर नुमू ईसु पतरस होः दोहो लःअय। तेकर हुनी आली बोको अंध्रियस; तेकर याकुब तेकर जोहन, तेकर फिलिप्पुस हेतरअ बरथोलोमी, 15तेकर संत.मत्ती आउर थोमस, आउर आलफाई आली होपोन याकुब, आउर सिमोन जे जुरजुट बेताईयाकु, 16तेकर याकुब आली होपोन जहुदा, आउर जहुदा इसकारयोती, जे ईसु के ससःब चिई वाला पाड़ी नेनाय।
सिकछा एमोअ तेकर छुछुटाव
(संत.मत्ती 4:23–25)
17तेकर ईसु हुंकू लोः बुरु तरअः अड़गु केते मियांड साम ठाँव रे तिंगु नेनाय। तेकर होनाःड़े हुनी आलकु चेला आला तुन्दरा हेतरअ गोटा जाहुदिया राईज आउर जिरोसलेम तेकर सूर हेतरअ सैदा रिनकु होड़ डाहा दौंड़ी तरअः जवार नेनाकु; 18हुंकू होनाःड़े हुनी आला आ-आयुम तेकर अपन बेमार तरअः बेसोः लःअय जवार थिनाकु। तेकर असुध आतमा तरअः जकड़ाल उनकु होड़ केहोः छुटकारा भेटाव नेना। 19हुनी तरअः समरथ उडुंग केते जामा के छुटाव कुकेनाय, लःअय हुनी के जामा होड़ छुछुवाँव नाम केनाकु।
दुख आउर सुख
(संत.मत्ती 5:1–12)
20तेकर ईसु चेला ताय पखी लुड़ीःग केते नोकान कंहड़ी लःअय,
“आपे धनया एदान पेआ जे गरीबापे,
हिना लःअय परमेसर आला राईज आपे आला हेके!”
21“आपे धनया एदान पेआ नहाअः राँगेगा पे,
आपे के बी केपेआय!”
“धनया एदान पेआ जे नहाअः ईयाम दापे,
आपे लन्दा केआपे!”
22 #
1 पत 4:14
“धनया एदान पेआ, जे बेरा होड़ होपोन रआ चलते होड़ आपे के घींड़ कोआकु, तेकर आपे के उडुंग केपेआकु, हेतरअ आपे आला सिकाईत केआकु, तेकर आपे आला नुमू के गादुस पाड़ी केते काटाव केआकु, 23#2 इति 36:16; प्रे.कामी 7:52होना हिला रिझते डेगाःपे, एतान लःअय ची नेलेपे आपे लःअय बड़े इनाम सिरमा रेआ। हुंकू आलकु आजा-बाबा आगमजानीकु लोः होः हेकाने केनाकु।
24“हाय आपे, जे नहाअः गीरहातापे,
एतान लःअय ची आपे अपन सुख-चैन नाम चुकाव नापे!”
25“हाय आपे, जे नहाअः बी तनापे,
एतान लःअय ची रांगेःग कोआपे!”
“हाय आपे जे नहाअः लन्दा यापे,
आपे हदियाव कोआपे हेतरअ ईयाम केआपे!”
26“हाय आपे लःअय जे बेरा आपे के जामा होड़ आपे आला बड़ाईयाकु; एतान लःअय हुंकू आलकु आजा-बाबा, झुठा आगमजानीकु लोः होः हेकाने केनाकु गी।
बैरीकु के दुलार कुपे
(संत.मत्ती 5:38–48; 7:12)
27“बकिर ईङ आपे आ-आयुमकु के बेताः दिपीईङ, ची बैरी तापे कु के दुलार कुपे, जे आपे के घिंड़ोः पेआकु हुंकू के बेसोः कुपे, 28जे आपे के सरपाव पेआकु हुंकू के आसीस एमा कुपे, जे आपे केकु माया पेआकु हुंकू लःअय बिनती पे। 29जे आम आला मियांड जोहा रे चाटकांड़े आय दो, हुनी पखा एटाअ जोहा के होः हुनी पखा गुल तामे; तेकर जे आम आला पेछोड़ी के रेगेआय दो, हुनी के कुड़ताः के होः ईइदी रे आलपे बधराई। 30जाहें आम तरअः कोयाय हुनी के एमाई मे, तेकर जे आम आला जिनीस के रेगेआय, होना के आम आलुम कोय के। 31#सं.मत्ती 7:12तेकर आपे होड़कु तरअः जाईसन चहाअ पे हुंकू लोः आपे होः हेकानेपे।
32“जदि आपे अपन दुदुलार कु लोः दुलार दोहोयापे, दो आपे आला एतान बड़ाई कोआ? एता लःअय ची पापीकु होः अपन दुदुलार कु के दुलार कुआकु! 33जदि आपे अपन भभलाई कु लोः भलाई यापे दो, आपे आला एतान बड़ाई एदनाअ? एतान लःअय ची पापीकु होः दो हेकाने आकु! 34जदि आपे हुंकू के रूरुवाड़ रेनअः आसरा रे रींड़ पे एमा कुआ दो, आपे आला एतान बड़ाई? एतान लःअय ची पापीकु होः हिमने गी रूवाड़ कोआ मेन केते, पापीकु के रींड़ एमा कुआकु। 35बकिर अपन बैरीकु लोः होः दुलार से ताहिन पे तेकर भलाई कुपे। रूरुवाड़ रेनअः आसरा आलु दोहो केते रींड़ एमा कुपे, होले आपे बड़े ईनाम पे नाम केआ; तेकर आपे परम परधान आलकु होपोन पाड़ी कोआपे। एतान लःअय ची जे हुनी के धन्यवाद काय एमाईया आउर बु-बुराई कु तेङ रे होः हुनी माया कुआय। 36आपे आली आपा जाईसन माया रे पेरेःग उनी एदानिया हेंकान गी आपे होः माया रे पेरेःग उनी पड़ीयोः पे।
दोस आलपे लगाव के
(संत.मत्ती 7:1–4)
37“ओके के होः हुनी बेस कनियाँ, नोकानाय मेन केते आलपे न्याय के; जेकर से ची परमेसर होः आपे आला न्याय एरेया, ओके के होः दोस आलपे लगाव के; होले आपे के होः परमेसर दोसी एरे ठहराव पेआ, छमा यापे होले आपे के होओ परमेसर छमा केपेआय। 38एमा कुआपे होले, आपे केहोः परमेसर एमा केपे आय। परमेसर पुरा सोसोङ रे जनताव-जनताव हेतरअ हिलाव-हिलाव केते तेकर पेरेःग केते, गिड़ी याःते आंजली रे पुरा सोङ-उकेपेआकु। एतान लःअय ची जे नाप रे एटाअकु के सोङओ कुआपे हिना नाप रे आपे लःअय होः सोङ-उकेपेआय।”
39 #
सं.मत्ती 15:14
आउर हुनी हुंकू के मियांड गाम कंहड़ी उदूः लिकुआय, “अंधरा, अंधरा के होरा उदूः दाड़ी कियाय एतान? बनाहोड़ गड़हा रे, एरकीन नुरोआ एतान? 40#सं.मत्ती 10:24,25; सं.जोह 13:16; 15:20चेला अपन गुरू तरअः बड़े काकु ताहिनोआँ; पुरा-पुरा सिकछा नाम केते, होना तयोम हुनी गुरू लकान बनाव सकाआय।
41-42“आपे बोको-बोयहा आला छोटे गलती के दो, झट के सबेआपे बकिर अपन बड़े गलती के कापे सोंचाया? आम के अपन आला गलती का नेलोआ, तेकर अपन बोको आला गलती सुसुधराव सेनाम? ए ढोंगी! पहिल अपन आला बड़े गलती सुधराव केमे, तब सेन केते आउरो कु आला छोटे-छोटे गलती के चिचिनहा रे तेकर होना के सुसुधराव लःअय आउरो कु आला मदाईत सकायाम फिन एला बोको ईङ आम आला गलती के सुधराईङ एता लकान कंहड़ी सकायाम।
जाईसन सिंङ ताईसन जोअ
(संत.मत्ती 7:16–20; 12:33–35)
43“बेस सिंङ बेस जोयोआ, तेकर जहान का बेस सिंङ बेस का जोयोआ। 44#सं.मत्ती 12:33हिना लःअय जेतना सिंङ जोअ तेरे चिनहायोआ; एता लःअय ची होड़ जानुम झुंड़ सिंङ तरअः अंजीर काकु गोडेआ आउर ना दो जानुम तेकर ना जानुम सिंङ तरअः अंगुर जोअ काकु गोडेआ। 45#सं.मत्ती 12:34बेस होड़ अपन मन तरअः बेस बात ऊड़ुङेआय तेकर गादुस होड़ अपन मन तरअः गादुस बात ऊड़ुङेआय; एता लःअय ची जे विचार भीतरी रे ताहिनोआँ, हिना गी आहा तरअः बाहरी ऊड़ुङोआ।
ओड़ाअ बनाव किन बनहोंड़
(संत.मत्ती 7:24–27)
46“आपे ईङ आला कंहड़ी के कापे मनाआ दो एता लःअय ईङ के, ‘ए परभु, ए परभु,’ कंहड़ीआपे? 47जे ईङ दुबाःड़े हिजोआय तेकर ईङ आला कंहड़ी के आयुम केते होना के मनाआय हुनी ओके लकान एदानिया के ईङ आपे के उदूः पेईङ। 48हुनी, हुनी होड़ लकान एदानिया, जे ओड़ाअ बाबानाव बेरा ओत के गड़हा ला केते सेरेंग रे नेव बनाव लःअय। आउर जे बेरा बाईढ़ हीःग नेना तेकर बाईढ़ दाअः होना रे बजड़ाव नेना बकिर होना के काय हिलाव दाड़ी लआ, होना मुरुक केटेःग पाड़ी ताही नेना। 49बकिर जे आयुम केते काय मनाआ हुनी, हुनी होड़ लकान एदानिया जे ओत रे बेगार नेव रे ओड़ाअ बनायाय; जे बेरा बाईढ़ दाअः बजड़ाअ-तोरन होना तुरते नुर जुनोआ!”
اکنون انتخاب شده:
:
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0