संत.लुकास 7
7
मियांड रोमी सुबेदार आला बिसवास
(संत.मत्ती 8:5–13)
1ईसु होड़कु के नोःआँ जामा बात कंहड़ी पुराव केते, कफरनहुम रे सेन नेनाय। 2होनाःड़े मि-साव रोमी सिपाहीकु आली सुबेदार आली बंधाउवा जे हुनी आली दुलार ताहिनाय; बेमार रे गोजोः लकान ताहिनाय 3हुनी सुबेदार ईसु आला खभाईर आयुम केते, जाहुदीकु रे मिहोंड़-बनहोंड़ पुरखाकु के “आम हीःग केते बंधाउवा तिंग के चंगाई मे” नोःआँ गोहराअ लःअय हुनी दुबाःड़े कुलगोःड लिकुआय। 4हुंकू ईसु दुबाःड़े हीःग नेनाकु, तेकर हुनी तरअः “मुरुक गोहराव केते कंहड़ी तानाकु हुनी सुबेदार नोःआँ लकान एदानिया ची आम हुनी लःअय नोःआँ लकानेमे। 5एता लःअय ची हुनी आले जाईत के दुलार कुआय तेकर हिनी गी आले आला बिनती ओड़ाअ के बनाव तदाय।”
6ईसु हुंकू लोः सेन नेनाय। बकिर हुनी ओड़ाअ तरअः थोड़ेक लंका रे ताहिनाय, हिमीन रे सुबेदार हुनी दुबाःड़े ढेर गातीकु के कंहड़ी भेजाव लिकुआय, “ए परभु, आम दुख आलुम उठाय ईङ आला साड़ुम लतार रे हिजोअ लकान होः ईङ कनियाँ 7निआँ चलते ईङ अपन के नोःआँ जुकूर होः काईङ समझाव नेना, ची आम दुबाःड़े हिजोईंग, बकिर वचन गी कंहड़ी गुलतामे, होले ईङ आली धाँगड़ छुटाव कोआय। 8ईङ होः, हाकिम आला लतार रे एदानिङा। सिपाहीकु ईङ आला हक रे एदान कुआ, आउर मिहोंड़ के, ‘जु!’ बेतायींग होले हुनी सेनाय; हेतरअ एटाअ के, ‘एला!’ बेताईङ होले हिजोआय। अपन जाहें बंधाउवा के, ‘नोःआँ!’ कामी मे बेताईङ दो हुनी होना के कमीयाय।”
9ईसु नोःआँ के आयुम केते छकित नेनाय। आउर हुनी हुंकू तुन्दरा होड़ जे हुनी तयोम-तयोम हिजोअ केनाकु हुंकू पखी मुहांड़ केते, “ईङ आपे के कंहड़ीओ दिपीईङ, ची ईङ इसराइल रे होः नुमिन बड़े बिसवास काईङ नाम लआ!” बेता लिकुआय।
10तेकर भेजाव लिनकु होड़ ओड़ाअ रूवाड़ केते हुनी बंधाउवा के छुटाव ऊनी नेल लियाकु।
ईसु राँड़ी आउराईत आली होपोन के जिवीःड लियाय
11दोसरा हिला ईसु नाईन नुमू रेनअः मियांड सहर सेन नेनाय, हुनी आलकु चेला हेतरअ मुरुक तुन्दरा होड़ हुनी लोः सेनोः केनाकु 12जब हुंकू सहर रेनअः दुवार दुबाःड़े सोदोर नेनाकु, दो नेल कुपे होड़ मियांड मुरदा के सहर तरअः बाहरीते ईदी केते सेनोः केनाकु जे आयाते आली मियांड ठुका बाबु ताहिनाय, तेकर हुनी राँड़ी ताहिनाय तेकर सहर रिनकु ढेर होड़ हुनी लोः ताहिनाकु। 13हुनी के नेल केते, परभु के सोग आदा नेना, तेकर हुनी के, “आलुम ईयामे!” बेता लियाय। 14तेकर हेनाःड हीःग केते, सरहा के छुवाँव लःअय तेकर गोगोःकु तिंगुः नाकु। तेकर हुनी, “ए जवान! ईङ आम के बेताः दिमीईंङ, बिरिःड मे!” बेता लियाय। 15तेकर हुनी मुरदा बिरिःड दुड़ूः नाय हेतरअ कंहड़ी तनाय, आउर ईसु हुनी के हुनी आली आया तेके जिमाउ लियाय।
16नोःआँ चलते जामाकु रे बोर भिनाव ना तेकर हुंकू परमेसर आला बड़ाई केते। “आबु तलारे मियांड बड़े आगमजानी बिरिःड तनाय!” तेकर “परमेसर अपन होड़कु के बंचाव लःअय हीःग तनाय!” मेन लअकु।
17तेकर ईसु रअः बारे रे नोःआँ बात गोटा जाहुदिया तेकर हिना हेनाःड तअः राईज रे गोटा फैलाव ना।
जोहन बतिस्मा एमोई आला सवाल
(संत.मत्ती 11:2–19)
18जोहन के चेला ताय नोःआँ जामा बात के उदूः लियाकु, 19होले जोहन अपन चेलाकु रे बनहोंड़ के राअः केते परभु दुबाःड़े नोःआँ कुकुली लःअय, “हिजोई ख्रीस्त आम गी हेके एतान, ची आले जाहें एटाअ आला होरा नेलेआले?” मेन केते भेजाव लिकिनाय।
20तब हुंकिन ईसु दुबाःड़े हीःग केते कंहड़ी लआकिन, “जोहन बतिस्मा एमोई आले के आम दुबाःड़े नोःआँ कुकुली लःअय भेजाव तदलेआय ची हिजोई ख्रीस्त आम गी हेके एतान, ची आले जाहें एटाअ आला होरा नेलेआले?”
21हिमीन रेगी ईसु ढेर होड़ के बेमार तरअः आउर बाथा तेकर मुवाँ आतमा तरअः बेस लिकुआय, आउर ढेर काना कुके, नेल ची किदकुआय। 22#जसा 35:5,6; जसा 61:1तेकर हुनी हुंकिन के बेता लिकुआय, “आपे जे नेल लआपे हेतरअ आयुम लआपे होना के सेन केते जोहन के कंहड़ीओई पे, ची काना नेलेआकु लंगड़ाकु डिड़ो गोआकु, छुँत घाव ऊनकु के सुध कुआकु, बहिरा आयुमेआकु, मारा-मुरदा के जिवीःड कुआकु, तेकर रांगेःगकु के बेस खभाईर सुनाओ कुआकु। 23हुनी धनया एदानिया जे ईङ चलते ठोकोर काकु जोमेआ!”
24जोहन भेजाव लिनकु खखाभाईर कु सेनोः नाकु हिमीन रे, ईसु होड़कु के कुली लिकुआय, “आपे जोहन के बुरु रे नेनेल सेन ताहीनापे हिमीन रे एतान नेल लआपे? होय रे हिलाः केना ढुढ़ी के एतान? 25दो फिन आपे एतान नेल सेन ताही नेनापे? एतान जेलेःड गेन्दरअ सोलोंग लिनकु होड़ के? नेलेपे जे सुन्दर गेन्दरअ सोलोंगेआकु के? कोवान! जेलेःड गेन्दरअ सोलोंग लिनकु बंगला रे सुख से ताही नोआकु। 26दो फिन, एतान नेल सेन ताहीनापे? जाहें आगमजानी के एतान? हाँ ईङ आपे के बेताः दिपीईङ, बकिर बेस खभाईर एमोई तरअः होः बड़े के। 27#मला 3:1नुई हिनी हेके, जेकर बारे धरम पुथी रे लिखा लअः एदनाअ, ‘नेलेपे ईङ अपन दूत के आम तरअः मड़ांग-मड़ांग कुलगोःडियीङ जे आम तरअः मड़ांग आम आला होरा के तेयार केआय।’ 28ईङ आपे के बेताः दिपीईङ,” ची जे आउराईतकु तरअः जनमाव तानाकु, “हुंकू रे जोहन तरअः ओके होः बड़े कानी कुआ। बकिर परमेसर आला राईज रे छोटे तरअः छोटे होड़ एदानिया हुनी जोहन तरअः होः बड़ेआय।”
29 #
सं.मत्ती 21:32; सं.लुका 3:12 हिना लःअय जामा होड़ हेतरअ मालगुजारी ताइसलावकु होः आयुम केते जोहन आला बतिस्मा ईदी केते परमेसर के सचा मनाव नेनाकु। 30बकिर फरीसीकु हेतरअ धरम पुथी सि-सिखावकु हुनी तरअः बतिस्मा बे ईदी केते परमेसर आला जोजना के अपन बारे रे ओचोः केदाकु।
31ईसु फिन बेता लिकुआय, “ईङ नोःआँ जुग रिनकु होड़ आला तुलना एतान लोः एमा केपिईङ? ची हुंकू एतान बराबईर एदान कुआ? 32हुंकू, हुंकू चेंगा बराबईर एदान कुआ। जे बजार रे दुड़ूः केते एटाअ होड़ के हकाव केते कंहड़ीआकु, ‘आले आपे लःअय बाजा बजाव लआले, तेकर आपे कापे नचाव नेना! आले बिलाप रआ सिरिंग लआले, तेकर आपे कापे ईयाम लआ।’ 33जोहन बतिस्मा एमोई ना जोमेआय आउर ना अंगुर रस नुयाय, तेकर आपे हुनी रे, ‘मुवाँ आतमा एदानिया’ मेन गेआपे। 34नोःआँ तयोम होड़ होपोन हीःग नेनाय, जे जोम नुयाय, जेके आपे ‘नेलीपे पेटु! हेतरअ पियांकड़ होड़, मालगुजारी ताइसलावकु हेतरअ पापीकु आली गाती हेके,’ कंहड़ीआपे। 35बकिर परमेसर आला बुधी, रआ मोताबिक चलाअ परजाकु दोवासते, परमेसर आला बुधी के सही साबित तदाकु।”
पापी आउराईत के छमा
36तेकर मियांड फरीसी ईङ लोः घोटो जोमेमे मेन केते हुनी तरअः गोहराव नेनाय, तेकर ईसु हुनी फरीसी आला ओड़ाअ रे सेन केते घोटो जोम दुड़ूः नेनाय। 37#सं.मत्ती 26:7; सं.मर 14:3; सं.जोह 12:3होना सहर रिनी मियांड पापी आउराईत नोःआँ पाड़ी केते, ची ईसु फरीसी आला ओड़ाअ रे घोटो जोम दुड़ूः तनाय, संगमारमर टुकू रेनअः बसान रे सोहों सुनूम आगु लःअय 38तेकर हुनी पछली पखा तरअः हीःग कोअते, ईसु आला जांगा दुबाःड़े ईकड़ुम केते, तेकर जांगा तेके मेःड दाअः रे लुटु लःअय, तेकर बोहोअ ताय रेनअः ऊःब रे जोःड दाय, हेतरअ हुनी आला जांगा के घड़ी-घड़ी चुमा केते, होना रे सोहों सुनूम ओजाः लःअय। 39नोःआँ नेल केते हुनी के राअः ताही लियाय, हुनी फरीसी आएंग मन रे कंहड़ी लःअय, “जदि नुई होड़ आगमजानी ताही कोआय होले पाड़ी गुल ताकेआय, ची जे हुनी के छुवाँव दियाय हुनी ओके हेतरअ एतान लकान आउराईत हेके सेके; एता लःअय ची हुनी दो पापी आउराईत हेके।”
40तेकर ईसु हुनी फरीसी के बेता लियाय, “ए सिमोन, ईङ के आम लोः जहान कंहड़ी एदनाअ।”
हुनी “ए गुरू कंहड़ी मे,” मेन केते कंहड़ी रूवाड़ोः लियाय।
41“मियांड साऊह तरअः बनहोंड़ रींड़ ईदी लिनकिन ताही नाकिन, मिहोंड़ पाँच साव, हेतरअ मिहोंड़ पचास चाँदी ठर्ड़रा रिंड़ ईदी ताही लआकिन। 42जे बेरा रूरुवाड़ लःअय एतान होः हुंकिन दुबाःड़े का ताहीना, दो हुनी बनाहोड़ के माफोः लिकनाय। दो हुंकिन रे हुनी लोः, ओके जादे दुलार कियाकिन?”
43सिमोन, कंहड़ी रूवाड़ोः लियाय, “ईङ आला समझ रे जेकर आला बगरा माफोः लियाय।”
ईसु हुनी के बेता लियाय, “आम ठीक फैसला तदाम।” 44तेकर हुनी आउराईत पखी मुहांड़ केते हुनी सिमोन के बेता लियाय, “एतान आम नुई आउराईत के नेल दियाम? ईङ आम आला ओड़ाअ रे हीःग निनिंग, बकिर आम ईङ आला जांगा आबुन लःअय दाअः काम एम लआ, बकिर नुई ईङ आला जांगा के मेःड दाअः रे लुटु लःअय तेकर ऊःब ताय रे जोःड लःअय। 45ईङ आला सो-सोवागत लःअय ईङ के काम चुमा लिङा, बकिर ईङ हीःग निनिंग ची नुई जांगा तिंग के चुचुमा काय बाई लआ। 46आम बोहोअ तिंग रे सुनूम काम ओजाः लआ, बकिर नुई जांगा तिंग रे बेस सोहों सुनूम ओजाः तदाय। 47हिना लःअय ईङ आम के कंहड़ीओ दिमीईंङ, ची नुई आला पाप जे बगरा ताहीना छमाः ना एता लःअय ची नुई बगरा दुलार लःअय। बकिर जेकर थोड़हे छमा ताना हुनी थोड़हे पेरेमेआय।”
48तेकर ईसु आउराईत के कंहड़ीओ लियाय, “आम आला पाप छमाः ना।”
49तेकर जे होड़ ईसु लोः घोटो जोम दुड़ूः ताहिनाकु हुंकू अपन-अपन मन रे नोकान सोंचाव दाकु, “नुई ओके हेके, जे पाप के होः छमायाय?”
50बकिर हुनी आउराईत के बेता लियाय, “आम आला बिसवास आम के बंचाव ताद मेआय, सानती से सेनोः जुनोःमे।”
اکنون انتخاب شده:
संत.लुकास 7: ASR
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0
संत.लुकास 7
7
मियांड रोमी सुबेदार आला बिसवास
(संत.मत्ती 8:5–13)
1ईसु होड़कु के नोःआँ जामा बात कंहड़ी पुराव केते, कफरनहुम रे सेन नेनाय। 2होनाःड़े मि-साव रोमी सिपाहीकु आली सुबेदार आली बंधाउवा जे हुनी आली दुलार ताहिनाय; बेमार रे गोजोः लकान ताहिनाय 3हुनी सुबेदार ईसु आला खभाईर आयुम केते, जाहुदीकु रे मिहोंड़-बनहोंड़ पुरखाकु के “आम हीःग केते बंधाउवा तिंग के चंगाई मे” नोःआँ गोहराअ लःअय हुनी दुबाःड़े कुलगोःड लिकुआय। 4हुंकू ईसु दुबाःड़े हीःग नेनाकु, तेकर हुनी तरअः “मुरुक गोहराव केते कंहड़ी तानाकु हुनी सुबेदार नोःआँ लकान एदानिया ची आम हुनी लःअय नोःआँ लकानेमे। 5एता लःअय ची हुनी आले जाईत के दुलार कुआय तेकर हिनी गी आले आला बिनती ओड़ाअ के बनाव तदाय।”
6ईसु हुंकू लोः सेन नेनाय। बकिर हुनी ओड़ाअ तरअः थोड़ेक लंका रे ताहिनाय, हिमीन रे सुबेदार हुनी दुबाःड़े ढेर गातीकु के कंहड़ी भेजाव लिकुआय, “ए परभु, आम दुख आलुम उठाय ईङ आला साड़ुम लतार रे हिजोअ लकान होः ईङ कनियाँ 7निआँ चलते ईङ अपन के नोःआँ जुकूर होः काईङ समझाव नेना, ची आम दुबाःड़े हिजोईंग, बकिर वचन गी कंहड़ी गुलतामे, होले ईङ आली धाँगड़ छुटाव कोआय। 8ईङ होः, हाकिम आला लतार रे एदानिङा। सिपाहीकु ईङ आला हक रे एदान कुआ, आउर मिहोंड़ के, ‘जु!’ बेतायींग होले हुनी सेनाय; हेतरअ एटाअ के, ‘एला!’ बेताईङ होले हिजोआय। अपन जाहें बंधाउवा के, ‘नोःआँ!’ कामी मे बेताईङ दो हुनी होना के कमीयाय।”
9ईसु नोःआँ के आयुम केते छकित नेनाय। आउर हुनी हुंकू तुन्दरा होड़ जे हुनी तयोम-तयोम हिजोअ केनाकु हुंकू पखी मुहांड़ केते, “ईङ आपे के कंहड़ीओ दिपीईङ, ची ईङ इसराइल रे होः नुमिन बड़े बिसवास काईङ नाम लआ!” बेता लिकुआय।
10तेकर भेजाव लिनकु होड़ ओड़ाअ रूवाड़ केते हुनी बंधाउवा के छुटाव ऊनी नेल लियाकु।
ईसु राँड़ी आउराईत आली होपोन के जिवीःड लियाय
11दोसरा हिला ईसु नाईन नुमू रेनअः मियांड सहर सेन नेनाय, हुनी आलकु चेला हेतरअ मुरुक तुन्दरा होड़ हुनी लोः सेनोः केनाकु 12जब हुंकू सहर रेनअः दुवार दुबाःड़े सोदोर नेनाकु, दो नेल कुपे होड़ मियांड मुरदा के सहर तरअः बाहरीते ईदी केते सेनोः केनाकु जे आयाते आली मियांड ठुका बाबु ताहिनाय, तेकर हुनी राँड़ी ताहिनाय तेकर सहर रिनकु ढेर होड़ हुनी लोः ताहिनाकु। 13हुनी के नेल केते, परभु के सोग आदा नेना, तेकर हुनी के, “आलुम ईयामे!” बेता लियाय। 14तेकर हेनाःड हीःग केते, सरहा के छुवाँव लःअय तेकर गोगोःकु तिंगुः नाकु। तेकर हुनी, “ए जवान! ईङ आम के बेताः दिमीईंङ, बिरिःड मे!” बेता लियाय। 15तेकर हुनी मुरदा बिरिःड दुड़ूः नाय हेतरअ कंहड़ी तनाय, आउर ईसु हुनी के हुनी आली आया तेके जिमाउ लियाय।
16नोःआँ चलते जामाकु रे बोर भिनाव ना तेकर हुंकू परमेसर आला बड़ाई केते। “आबु तलारे मियांड बड़े आगमजानी बिरिःड तनाय!” तेकर “परमेसर अपन होड़कु के बंचाव लःअय हीःग तनाय!” मेन लअकु।
17तेकर ईसु रअः बारे रे नोःआँ बात गोटा जाहुदिया तेकर हिना हेनाःड तअः राईज रे गोटा फैलाव ना।
जोहन बतिस्मा एमोई आला सवाल
(संत.मत्ती 11:2–19)
18जोहन के चेला ताय नोःआँ जामा बात के उदूः लियाकु, 19होले जोहन अपन चेलाकु रे बनहोंड़ के राअः केते परभु दुबाःड़े नोःआँ कुकुली लःअय, “हिजोई ख्रीस्त आम गी हेके एतान, ची आले जाहें एटाअ आला होरा नेलेआले?” मेन केते भेजाव लिकिनाय।
20तब हुंकिन ईसु दुबाःड़े हीःग केते कंहड़ी लआकिन, “जोहन बतिस्मा एमोई आले के आम दुबाःड़े नोःआँ कुकुली लःअय भेजाव तदलेआय ची हिजोई ख्रीस्त आम गी हेके एतान, ची आले जाहें एटाअ आला होरा नेलेआले?”
21हिमीन रेगी ईसु ढेर होड़ के बेमार तरअः आउर बाथा तेकर मुवाँ आतमा तरअः बेस लिकुआय, आउर ढेर काना कुके, नेल ची किदकुआय। 22#जसा 35:5,6; जसा 61:1तेकर हुनी हुंकिन के बेता लिकुआय, “आपे जे नेल लआपे हेतरअ आयुम लआपे होना के सेन केते जोहन के कंहड़ीओई पे, ची काना नेलेआकु लंगड़ाकु डिड़ो गोआकु, छुँत घाव ऊनकु के सुध कुआकु, बहिरा आयुमेआकु, मारा-मुरदा के जिवीःड कुआकु, तेकर रांगेःगकु के बेस खभाईर सुनाओ कुआकु। 23हुनी धनया एदानिया जे ईङ चलते ठोकोर काकु जोमेआ!”
24जोहन भेजाव लिनकु खखाभाईर कु सेनोः नाकु हिमीन रे, ईसु होड़कु के कुली लिकुआय, “आपे जोहन के बुरु रे नेनेल सेन ताहीनापे हिमीन रे एतान नेल लआपे? होय रे हिलाः केना ढुढ़ी के एतान? 25दो फिन आपे एतान नेल सेन ताही नेनापे? एतान जेलेःड गेन्दरअ सोलोंग लिनकु होड़ के? नेलेपे जे सुन्दर गेन्दरअ सोलोंगेआकु के? कोवान! जेलेःड गेन्दरअ सोलोंग लिनकु बंगला रे सुख से ताही नोआकु। 26दो फिन, एतान नेल सेन ताहीनापे? जाहें आगमजानी के एतान? हाँ ईङ आपे के बेताः दिपीईङ, बकिर बेस खभाईर एमोई तरअः होः बड़े के। 27#मला 3:1नुई हिनी हेके, जेकर बारे धरम पुथी रे लिखा लअः एदनाअ, ‘नेलेपे ईङ अपन दूत के आम तरअः मड़ांग-मड़ांग कुलगोःडियीङ जे आम तरअः मड़ांग आम आला होरा के तेयार केआय।’ 28ईङ आपे के बेताः दिपीईङ,” ची जे आउराईतकु तरअः जनमाव तानाकु, “हुंकू रे जोहन तरअः ओके होः बड़े कानी कुआ। बकिर परमेसर आला राईज रे छोटे तरअः छोटे होड़ एदानिया हुनी जोहन तरअः होः बड़ेआय।”
29 #
सं.मत्ती 21:32; सं.लुका 3:12 हिना लःअय जामा होड़ हेतरअ मालगुजारी ताइसलावकु होः आयुम केते जोहन आला बतिस्मा ईदी केते परमेसर के सचा मनाव नेनाकु। 30बकिर फरीसीकु हेतरअ धरम पुथी सि-सिखावकु हुनी तरअः बतिस्मा बे ईदी केते परमेसर आला जोजना के अपन बारे रे ओचोः केदाकु।
31ईसु फिन बेता लिकुआय, “ईङ नोःआँ जुग रिनकु होड़ आला तुलना एतान लोः एमा केपिईङ? ची हुंकू एतान बराबईर एदान कुआ? 32हुंकू, हुंकू चेंगा बराबईर एदान कुआ। जे बजार रे दुड़ूः केते एटाअ होड़ के हकाव केते कंहड़ीआकु, ‘आले आपे लःअय बाजा बजाव लआले, तेकर आपे कापे नचाव नेना! आले बिलाप रआ सिरिंग लआले, तेकर आपे कापे ईयाम लआ।’ 33जोहन बतिस्मा एमोई ना जोमेआय आउर ना अंगुर रस नुयाय, तेकर आपे हुनी रे, ‘मुवाँ आतमा एदानिया’ मेन गेआपे। 34नोःआँ तयोम होड़ होपोन हीःग नेनाय, जे जोम नुयाय, जेके आपे ‘नेलीपे पेटु! हेतरअ पियांकड़ होड़, मालगुजारी ताइसलावकु हेतरअ पापीकु आली गाती हेके,’ कंहड़ीआपे। 35बकिर परमेसर आला बुधी, रआ मोताबिक चलाअ परजाकु दोवासते, परमेसर आला बुधी के सही साबित तदाकु।”
पापी आउराईत के छमा
36तेकर मियांड फरीसी ईङ लोः घोटो जोमेमे मेन केते हुनी तरअः गोहराव नेनाय, तेकर ईसु हुनी फरीसी आला ओड़ाअ रे सेन केते घोटो जोम दुड़ूः नेनाय। 37#सं.मत्ती 26:7; सं.मर 14:3; सं.जोह 12:3होना सहर रिनी मियांड पापी आउराईत नोःआँ पाड़ी केते, ची ईसु फरीसी आला ओड़ाअ रे घोटो जोम दुड़ूः तनाय, संगमारमर टुकू रेनअः बसान रे सोहों सुनूम आगु लःअय 38तेकर हुनी पछली पखा तरअः हीःग कोअते, ईसु आला जांगा दुबाःड़े ईकड़ुम केते, तेकर जांगा तेके मेःड दाअः रे लुटु लःअय, तेकर बोहोअ ताय रेनअः ऊःब रे जोःड दाय, हेतरअ हुनी आला जांगा के घड़ी-घड़ी चुमा केते, होना रे सोहों सुनूम ओजाः लःअय। 39नोःआँ नेल केते हुनी के राअः ताही लियाय, हुनी फरीसी आएंग मन रे कंहड़ी लःअय, “जदि नुई होड़ आगमजानी ताही कोआय होले पाड़ी गुल ताकेआय, ची जे हुनी के छुवाँव दियाय हुनी ओके हेतरअ एतान लकान आउराईत हेके सेके; एता लःअय ची हुनी दो पापी आउराईत हेके।”
40तेकर ईसु हुनी फरीसी के बेता लियाय, “ए सिमोन, ईङ के आम लोः जहान कंहड़ी एदनाअ।”
हुनी “ए गुरू कंहड़ी मे,” मेन केते कंहड़ी रूवाड़ोः लियाय।
41“मियांड साऊह तरअः बनहोंड़ रींड़ ईदी लिनकिन ताही नाकिन, मिहोंड़ पाँच साव, हेतरअ मिहोंड़ पचास चाँदी ठर्ड़रा रिंड़ ईदी ताही लआकिन। 42जे बेरा रूरुवाड़ लःअय एतान होः हुंकिन दुबाःड़े का ताहीना, दो हुनी बनाहोड़ के माफोः लिकनाय। दो हुंकिन रे हुनी लोः, ओके जादे दुलार कियाकिन?”
43सिमोन, कंहड़ी रूवाड़ोः लियाय, “ईङ आला समझ रे जेकर आला बगरा माफोः लियाय।”
ईसु हुनी के बेता लियाय, “आम ठीक फैसला तदाम।” 44तेकर हुनी आउराईत पखी मुहांड़ केते हुनी सिमोन के बेता लियाय, “एतान आम नुई आउराईत के नेल दियाम? ईङ आम आला ओड़ाअ रे हीःग निनिंग, बकिर आम ईङ आला जांगा आबुन लःअय दाअः काम एम लआ, बकिर नुई ईङ आला जांगा के मेःड दाअः रे लुटु लःअय तेकर ऊःब ताय रे जोःड लःअय। 45ईङ आला सो-सोवागत लःअय ईङ के काम चुमा लिङा, बकिर ईङ हीःग निनिंग ची नुई जांगा तिंग के चुचुमा काय बाई लआ। 46आम बोहोअ तिंग रे सुनूम काम ओजाः लआ, बकिर नुई जांगा तिंग रे बेस सोहों सुनूम ओजाः तदाय। 47हिना लःअय ईङ आम के कंहड़ीओ दिमीईंङ, ची नुई आला पाप जे बगरा ताहीना छमाः ना एता लःअय ची नुई बगरा दुलार लःअय। बकिर जेकर थोड़हे छमा ताना हुनी थोड़हे पेरेमेआय।”
48तेकर ईसु आउराईत के कंहड़ीओ लियाय, “आम आला पाप छमाः ना।”
49तेकर जे होड़ ईसु लोः घोटो जोम दुड़ूः ताहिनाकु हुंकू अपन-अपन मन रे नोकान सोंचाव दाकु, “नुई ओके हेके, जे पाप के होः छमायाय?”
50बकिर हुनी आउराईत के बेता लियाय, “आम आला बिसवास आम के बंचाव ताद मेआय, सानती से सेनोः जुनोःमे।”
اکنون انتخاب شده:
:
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0