जोहन 8
8
बेलाज क-कामी लंञी रआ छमा
[ 1बदे ईसु जयतुन टोंगरी रे सेनलेनय। 2ञीन्दवा फिन सेंड़ा बिनती ओड़ाः रआ राच रे वेज्लेनय; जोटोः गोटे होड़ हुँनि एडे वेज्लेनाकु; जोटोः दुड़ूः कोते सिछा एम सुरु लअय। 3तब परमेसर रआ बचन सि-सिखावकु जोटोः फरीसीकु मियड् लंञी अगु लेदियाकु, जे बे-लाज काम रे एर सब् दोहोनय, जोटोः हुँनि होड़कु तला रे तींगु केते ईसु एडे कथा लआकु, 4“ओय गुरु, नुई लंञी बे-लाज काम करावेते, एर सब् तनय। 5#लेबी 20:10; नियम 22:22–24मुसा रआ नियम आले हुकुम ओवालेअय चि नोंकन लंञी दो दीरी ते ढेचोम गोजे। अमः चितानम मेनगीआ?” 6हुँकू हुँनि परखावी तआ नोआँ दुखमा सोधाव लिदियाकु, ताकि हुँनि एडे दोस लगावे तआ ओका दुखमा ञमोः, बदे ईसु किंड़ु केते अँगरी ते ओत रे ओल लअय। 7जब हुँकू हुँनि सोधव इञोः यति दोहोनाकु, दो हुँनि सोज कोते हुँकूइ कथावा लआ, “आपे मे से जे काय पाप तड्आ, पहिल हिनी हुँनि टुकुते ढेचोमी।” 8जोटोः हुँनि फिन किंड़ुँ कोते ओत रे, अँगरी ते ओल लअय। 9बदे हुँकू नोआँ अयुम केते होंडे एतेन मि-मियड् ते सेंड़ा एतेन लिके हुडिञ तक उडुङ यनाकु जोटोः ईसु एसकार ते बंचाव यनय, जोटोः लंञी हेनेन रे तींगु यानय। 10ईसु सोज कोते हुँनि लंञी एतेन कथालअय, “ओय लंञी, हुँकू गोटे ओकाते सेनोः यनाकु? तना अमः ओके हों डन्ड ककु ओवा लिडमिआँ?” 11हुँनि कथालअय, “ओय परभु, ओके हों कोवन।” ईसु कथालअय, “इञः हों डन्ड एरोञ ओवालेमा, जू जोटोः फिन अलोम पापके।”]#8:11 तब गोटे अपन-अपन ओड़ाः सेनोःलेनाकु नोआँ पद थोड़ेः एकेन मारी पोथी रे ओल लआ कोनाआँ
ईसु दुनियाँ रेनि मरसाल
12 #
मती 5:14; जोह 9:5 तब ईसु फिन होड़कु एडे कथालअय, “दुनियाँ रेनिञ मरसाल इञः हके; जे इञः तयोम सेनेअकु हुँकू ञोता रे एरोकु सेन लेए, बदे जीवन रआ मरसाल ञमेअकु।” 13#जोह 5:31फरीसीकु हुँनि कथावा लआकु, “अमः अपन गोवाही अपनेम एमेआ, हिनाते अमः रआ गोवाही सनारी कोनाआँ।” 14ईसु हुँकूइ कथा रुवड़वा लआ, “अगर इञः अपन गोवाही अपनेञ एमेआ, सेकरो रे इञः रआ गोवाही सनारीआ, चितानतआचि इञः ठुवा वनइञ चि इञः ओका एतेनाइञ वेज्तना जोटोः ओकाइञ सेनोगोना? बदे आपे कापे ठुवावना चि इञः ओका एतेनाइञ वेज्तना, जोटोः ओकाइञ सेनोगोना। 15आपे दो होड़कु रआ मोताबिक नेयायेअपे; इञः ओकेरआ हों कइञ नेययेए। 16जोटोः अगर इञः नेययेअइञ, दो इञः रआ नेयय सनारीआ; बदे नोआँ बारे इञः एसकार ते कइञ नेयय यतेआ, बदे इञः बिदा-ई बबा हों इञः सुधा नेयय यतेअय। 17#नियम 19:15आपे रआ नियम रे ओल तड्अय चि बारहोड़ रआ गोवाही जुटाव कोते सनारी होयावओ। 18इञः खुद अपन बारे गोवाहिञ इमेआँ, जोटोः बबा इञः रआ बारे गोवाही एमेअय जे इञःअय बिदा तड्आ” 19होड़कु हुँनि एडे कथा लआकु, “अमः रेनि बबा ओकारिया?” ईसु कथारुवड़ लअय, “आपे न इञः पे ठुवायतिञ जोटोः न इञः रेनि बबा, अगर आपे इञः पे ठुवा लेदिञ, दो इञः रेनि बबा हों ठुवा किदयापेअने।” 20नोआँ दुखमा हुँनि सेंड़ा बिनती ओड़ाः रआ दान भन्डार रे सिछा एमे घनी कथा दोहोलअय, जोटोः ओके हों ककु सब् लिदिया, चितानतआचि हुँनि रआ बेरा का वेज् दोहोना।
जे ठँव रे इञः सेनोगोनञ आपे एरोपे सेनलेना
21ईसु फिन हुँकू एडे कथालअय, “इञः सेनोः जुनोअइञ, जोटोः आपे इञः ञमेञापे जोटोः अपन पाप रे गोजोअपे, जे एडे इञः सेनोगोनइञ, होंडे आपे एरोपे वेज् बेजाना।” 22नोआँ रे जहुदी नेताकु कथा लआकु, “तना हुँनि अपन अप गोजोअय, चितानतआचि हुँनि कथायय, ‘जे एडे इञः सेनोगोनइञ होंडे आपे एरोपे वेज् बेजालेना?’” 23हुँनि हुँकूइ कथावा लआ, “आपे ओतेत रेनपे हके, इञः उसुल रेनिञ हके; आपे दुनियाँ रेनपे हके, इञः दुनियाँ रेनिञ नालगे। 24हिनाते इञः आपे अडेञ कथा लआ चि आपे अपन पाप रे गोजोअपे, अगर आपे कपे सारीयोः चि इञः हेनेनीञ हके, दो आपे अपन पाप रे गोजोअपे।” 25हुँकू ईसु सोधाव लेदियाकु, “अमः ओके हके?” ईसु हुँकूइ कथा रुवड़वा लआ, “इञः हेनेनिञ हके जे लेका चि पहिल एतेन ही इञः आपे अडेञ कथा दरायाड्आ। 26आपे रआ बारे इञः गोटा कथायञ जोटोः फयसला करेक इदानआँ, बदे इञः बिदा-ई सनारीअय जोटोः जे इञः हुँनि एतेन अयुम तड्आ हेनेना दुनियाँ रेञ कथाया।” 27हुँकू नोआँ ककु समझावलेना, चि अबुन एडे बबा रआ बारे रे कथायय। 28तब ईसु हुँकूइ कथावा लआ, “जब आपे मनवाँ होपोन तेङ रे रकाबियापे, तब ठुवायापे चि इञः हेनेनी हके; इञः अपन पड़ा एतेन चितानहों कइञ करावेए, बदे जे लेका इञः बबा इञःअय सिखाव तड्आ हेंका नोआँ दुखमाञ कथाया। 29इञः बिदा-ई इञः तुलीया; हुँनि इञः ओका हिला एसकार ते काय बय तदिञा, चितानतआचि इञः हरघरी हिनाञ कामेआँ जेकर से हुँनि खुसोअय।” 30अगम होड़ नोआँ गोटा कथाय अयुम लआ जोटोः हुँनि एडे सारी लेनाकु।
सचाइ आपे आजाद पेअय
31तब ईसु हुँकू जहुदीकु एडे जे हुँनि एडे सारी दोहोनाकु, कथालअय, “अगर आपे इञः रआ बचन रे बनाल दोहोनापे, दो सनारी इञः रेनपे चेला ठहरावओपे। 32आपे सचाइ ठुवायापे, जोटोः सचाइ आपे आजाद पेअय।” 33#मती 3:9; लुका 3:8हुँकू हुँनिकु कथा रुवड़वा लिदिया, “आले दो अबराहम रेनले बंस हके,” जोटोः ओके रेनकु बन्धुवा कले होयावना, फिन “अमः चिलकम कथाया चि आपे आजाद एंडायोओपे?”
34ईसु हुँकूइ कथा रुवड़वा लआ, “इञः आपे एडे सनारी कथा यतेअइञ जे ओके पापेअकु, हुँकू पाप रेनकु बन्धुवा हके। 35बन्धुवा गोटा हिला ओड़ाः रे काय दोहोना; होपोन हरघारी दोहोनय। 36हिनाते अगर होपोन आपे आजाद पेअय, दो आपे सनारी आजाद एंडायोओपे। 37इञः ठुवावनञ चि आपे अबराहम रेनपे बंस हके; सेकरो रे इञः रआ बचन आपे रआ हिरदय रे ठाँव काय ञमेआँ हिनाते आपे इञः गोजेञ तआपे अरावओ। 38इञः हेनेनाइञ कथाया जे अपन बबा एतेनीञ ञेल तड्आ; जोटोः आपे हिनापे करावा जे अपन बबा एतेन अयुम तड्आपे।”
39हुँकू हुँनि कथा रुवड़वा लेदियाकु, “आले रेनि बबा अबराहम हके।” ईसु हुँकूइ कथावा लआ, “अगर आपे अबराहम रेनपे होपोन कथायोः रेदो अबराहम जे काम कराव लअय हेंका कराव केदापेअने। 40बकिन अब आपे इञः लेकानी होड़ गोज् तआपे अरावओ, जे आपे तआ सचा बचन बतलाव लअय, जे परमेसर एतेन अयुम तड्आ; नोंका दो अबराहम काय कराव दोहोलआ। 41आपे अपन बबा लेकापे कामेआँ।” हुँकू हुँनि कथावा लिदियाकु, “आले बे-लाज काम ते कले जनम तना, आले रेनि मियड् बबा इदानियाँ मनेकी परमेसर” 42ईसु हुँकूइ कथावा लआ, “आपे रेनि बबा परमेसर दोहोलेन, दो आपे इञः सुधा दुलार केदापेअने चितानतआचि इञः परमेसर पड़ा एतेन वेज्तनाइन, इञः नोंडेञा अपन ते कइञ वेज्तना, बदे हिनी ही इञः बिदा तदिञाय। 43आपे इञः रआ दुखमा चितान तआ कपे समझावओ? चितानतआचि आपे इञः रआ सिछा एरोपे अयुम बेजालेए। 44आपे अपन बबा सयतान एतेन इदानपेआ, जोटोः अपन बबा रआ हिछा पुरा अरावओपे, हुँनि दो पहिल एतेन गो-गोज्-ई हके, जोटोः सचाइ रे काय टिकाव लेना, चितानतआचि हुँनि रे सचाइ कोनाआँ, जब हुँनि झुठ कथायय, दो अपन सोवाभाव ही ते कथायय; चितानतआचि हुँनि झुठाअय, जोटोः झुठ रेनि बबा हके। 45इञः सनारी कथायाइञ, बदे आपे इञः एडे कपे सारीयोओ। 46आपे मे से ओके इञः तेङ रे पाप रआ दोस लगावेआपे? अगर इञः सनारी कथायाइञ, दो आपे इञः रआ तन तआ कपे सारीयोओ? 47जे परमेसर रेनि हके, हुँनि परमेसर रआ बचन अयुमय; जोटोः आपे परमेसर रेनपे नालगे हिनाते कपे अयुमेंए।”
ईसु जोटोः अबराहम
48जहुदीकु ईसु कथावा लआकु, “आले सनारी कथायतेअले चि अमः सामरिया#8:48 जहुदी होड़कु सामरिया रेनकु होड़कु घीनाव यतकु दोहोनाकु रेनमी हके, जोटोः अमः एडे मुवाँ आतमा समाव तना” 49ईसु कथारुवड़ लअय, “इञः एडे ओके मुवाँ आतमा कोनीयाँ; बदे इञः अपन बबातीञ इजाता, जोटोः आपे इञः रआपे बेमाइन। 50इञः अपन बड़ाइ कइञ चहावओ; बदे मियड् इदानियाँ जे चहावओय, जोटोः हुँनि नेयय चहावओय। 51इञः आपे एडे सच कथा यतेअइञ, चि अगर ओके होड़ इञः रआ बचन रे सेनेआकु, दो हुँकू कहियो एरोकु गोज् लेना।” 52जहुदीकु हुँनि एतेन कथा लआकु, “अब आले ठुवा केदाले चि अमः एडे मुवाँ आतमा समाव तना, अबराहम गोज् यनाय जोटोः परमेसर पड़ा एतेन दुखमाय अवला होड़ हों गोज्यनाकु; जोटोः अमः कथायम, अगर ओके इञः रआ बचन रेकु सेनेआँ दो हुँकू कहियो एरोकु गोज् लेना। 53आले रेनि बबा अबराहम दो गोज् यनाय, तना अमः हुँनि एतेन सेंड़ाअँम? जोटोः परमेसर पड़ा एतेन दुखमाय अवला होड़ हों गोज्यनाकु, दो अमः अपन अप चितानीम समझावओ?” 54ईसु कथा रुवाड़ लअय, “अगर इञः अपन रआ इजातेअइञ दो इञः रआ बड़ाइ चितानहों कोवन; बदे इञः बड़ाइ ओवाञ अवला दो इञः रेनि बबा हके, जेकर बारे आपे कथायपे चि हुँनि आपे रेनि परमेसर हके। 55आपे दो हुँनि कपे ठुवालेदिया, बदे इञः हुँनिञ ठुवावना। अगर इञः नोआञ कथाय चि इञः हुँनि कइञ ठुवावना, दो इञः हों आपे ही लेका ठ-ठक ठाहरावओञ; बदे इञः हुँनि अछातेञ ठुवायतिया जोटोः हुँनि रआ बचन रेञ सेनेआँ। 56आपे रेनि बबा अबराहम इञः रआ वेजोः दिन ञेले रआ असरा रे अगम खुसी दोहोनय; जोटोः हुँनि ञेल लिदियय जोटोः खुस लेनय।” 57जहुदीकु हुँनि एतेन कथा लआकु, “नहाः हमाः अमः पचास बरीस रेनमी हों नालगे, सेकरो रे अमः अबराहम चिलकम ञेल तदिया।” 58ईसु हुँकू एडे कथालअय, “इञः आपे एडे सनारी कथा यतेअइञ, चि अबराहम जनम लेना रआ पहिल एतेन इञः इदानिञा।” 59तब हुँकू हुँनि रुवे तआ दीरी हलाङ लआकु, बदे ईसु उकु-उकु सेंड़ा बिनती ओड़ाः एतेन उडुङ यनाय।
اکنون انتخاب شده:
जोहन 8: BIX
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0