लुका 18
18
अधरमी फयसला एमी जोटोः रंडियाही रआ हुडिञ गाम
1फिन ईसु सिखाव यतकु दोहोनय चि रोज हीला बिनतीए जोटोः अलो हदरावोः चही, चेलाकु नोआँ हुडिञ गाम कथावा लिड्कुअय। 2“मियड् सहार रे मियड् फयसला एमी दोहोनय, हुँनि न परमेसर सुधा बोरोयोन दोहोलेनय, न ओके होड़ रआ खेयाल दोहोयन दोहोनय। 3हेनेना सहार रे मियड् रंडियाही दोहोलेना, जे हुँनि ठँव रे वेज्-वेज् ते कथायते दोहोनय, इञः रआ नेययेमी जोटोः इञः रेनि मुदय एतेन बंचावेञमी। 4थोड़ेक रोज हमिज् दो हुँनि अनाकनी इञोःनय बकिन अखरी रे मन रे बिचार केते कथालअय, ‘इञः ना परमेसर बोरोवायाइञ जोटोः न होड़कु रआ खेयाल दोहोयइञ, 5सेकरो रे नुई रंडियाही इञः बितलाव इञोगीञय, हिनाते हुँनि रआ नेययइञ चुकावा, कोवन दो नुई जिधा-जिधा वेज् कोते इञः परेसन किञय।’”
6परभु ईसु कथालअय, “अयुमेपे, नुई बेधरमी फयसला एमी चितानय मेंनगिआ। 7हिनाते चिताना परमेसर अनेज् रींबड़ लिड्कु तेङ रे नेयय एरोय एम लेए? जे हुँकू ञीन्द न सीञ परमेसर रआ दोहाइ एमेआकु चिताना हुँनि हुँकू नेयय तआ देरीयय? 8इञः आपेञ कथावा यना, हुँनि झठहेले हुँकू रआ नेयय चुकावेए, सेकरो रे जब मनवाँ होपोन वेजोअय, दो चिताना ओत रे हुँकू सारी ञमेअकु।”
फरीसीकु जोटोः मलगुजारी अँगावकु रआ हुडिञ गाम
9ईसु हुँकू होड़कु जे अपन तेङरे भरोसा दोहोयते दोहोनाकु जोटोः आले धरमी अले जोटोः एटाःकु चितानहों ककु समझावओन दोहोना नोआँ हुडिञ गाम कथावा लिड्कुअय। 10“बारहोड़ सेंड़ा बिनती ओड़ाः रे बिनती तआकिन सेनलेना, मिहोड़ फरीसी दोहोनय जोटोः मिहोड़ मलगुजारी अँगावी दोहोना। 11फरीसी तींगु कोते अनेज् मन रे नोंकय बिनती लआ, ‘ओय परमेसर इञः अमः रआ धनियाबाद यनइञ चि इञः एटाः होड़कु लेका रे-रेज् अवला, अनयय जोटोः बे-लाज काम करावी न लगे, जोटोः न नुई मलगुजारी अँगावी लेकाअइञ। 12इञः हपता रे बार इसा उपासेअइञ; इञः गोटा कमइ रआ दसवाँ हिसा होंञ एमेआ।’ 13बकिन मलगुजारी अँगावी संगीञ रे तींगु कोते सिरमा पड़ा मेड् अलगाव हों काय चहावना, बकिन अनेज् बोहोः थपड़ी-थपड़ी ते कथालअय, ‘ओय परमेसर इञः पापी एडे मयायोमी।’ 14#मती 23:12; लुका 14:11इञः अमः कथावा यनइञ चि हुँनि फरीसी कोवन, बकिन परमेसर मलगुजारी अँगावी ही धरमी ठहराव कीदी ते अनेज् ओड़ाः सेनलेनय; चितानतआचि जे अपन अप सेंड़ा कथायोओय, हुँनि हुडिञ बनाविया जोटोः जे अपन अप हुडिञ कथायोओय, हुँनि गोटे एतेन सेंड़ा बनाविया।”
ईसु सेंगोज् कुइ असिरबाद लआ
(मती 19:13–15; मरकुस 10:13–16)
15फिन होड़कु ईसु ठँव रे सेंगोज्कु अगु लिड्कुअकु ताकि हुँकू तेङ रे अती दोहो केते असिरबाद एमे; बकिन चेलाकु हुँकू ञेल केते हुँकू डपोट लिड्कुआकु, 16बकिन ईसु सेंगोज्कु ठँव रे राअ् केते चेलाकुइ कथावा लआ, “सेंगोज्कु इञः एडे इकाएर वेज् वाकुपे अलोपे बरजावकु, चितानतआचि परमेसर रआ राइज नीकु सेगोःज् लेकनकु रआ हके। 17इञः आपे सनारी कथावाइत पेअइञ चि जे ओके हों परमेसर रआ राइज सेंगोज् लेका ककु अताङेए दो होंडे कहियो एरोकु परोम बेजाना।”
मोंडोल होड़ जोटोः का चबायोः अवला जीवन
(मती 19:16–30; मरकुस 10:17–31)
18मियड् जहुदी हकिम ईसु सोधाव लअय, “ओय बढ़ियाँ गुरु का अन्तोः अवला जीवन ञम तआ इञः चितानाइञ चिलकाआ?”
19ईसु हुँनि कथावा लअय, “अमः इञः चितान तआ बढ़ियाँ मी कथावाइञा? परमेसर सेवाय ओके हों बढ़ियाँ कुनीकुआ। 20#उठलु 20:14; नियम 5:18; उठलु 20:13; नियम 5:17; उठलु 20:15; नियम 5:19; उठलु 20:16; नियम 5:20; उठलु 20:12; नियम 5:16‘अमः हुकुम दोम ठुवावना बे-लाज काम अलो करावे, अलो गो-गोज्, अलो लोकड़े, ठक गोवाही अलो एमे, अया-बबा रआ इजातेमी।’”
21हुँनि कथालअय, “इञः दो नोआँ गोटा हुडिञ एतेना मनव दरा तड्आइञ।”
22नोआँ अयुम केते ईसु हुँनिए कथावा लआ, “अमः एडे मियड् दुखमा रआ घटी इदानआँ, अपन रआ गोटा केजा केते रंगिज् होड़कु हटिञ वाकुमी; जोटोः इञः तयोम सेनेमी अमः तआ सिरमा रे धनखुरजी ञमोआँ।” 23हुँनि नोआँ अयुम केते अगम माकुल यनाय, चितानतआचि हुँनि अगम मोंडोल दोहोनय।
24ईसु हुँनि ञेल केते कथालअय, “मोंडोल होड़ तआ परमेसर रआ राइज रे परोमोः चिलका मसकीला। 25परमेसर रआ राइज रे मोंडोल होड़ सेन एतेन सुवा रआ फोंक रे ऊँट परोमोः सेबाहा।”
26नोआँ आ-अयुमकु कथा लआ, “दो फिन ओके पाप एतेन बंचावओ?”
27ईसु कथालअय, “जे होड़ ते का होयव सकावोओ होना परमेसर सुधा होयव बोजायोओ।”
28पतरस कथालअय, “ञेलेमी आले दो ओड़ाः दुवार बय केते अमः रआ तयोम रे वेज्तनाले।”
29ईसु हुँनि कथावा लअय, “इञः अमः एडे सनारी कथा यतेअइञ चि अगर ओकेकुन परमेसर राइज तआ ओड़ाः चहे लंञी चहे कोड़ा बोयहा कुड़ी बोकोकु चहे अया-बबाकु चहे सेंगोज्कु बाय एंडा तड्कुआ 30दो नहाः बेरा कइ गुना बेसते ञमोः जोटोः वेजोः अवला जुग रे का अन्तोः अवला जीवन ञमेआँ।”
ईसु अपन गोजोः रआ बारे परमेसर पड़ा एतेन तीसरा खेप दुखमा लअय
(मती 20:17–19; मरकुस 10:32–34)
31फिन ईसु बरहो चेलाकु एटाः रे राअ् इदी केते हुँकूइ कथावा लआ, “ञेलेपे अबुन जेरुसलेम बुन सेनोगोना, जोटोः जे तना दुखमा मनवाँ होपोन बारे परमेसर पड़ा एतेन दुखमाय अवला पबितर होड़कु चितानाहोंकु ओल तड्आ होना गोटा पुरा योओ। 32चितानतआचि गैर-जहुदीकु एडे सोपावियाकु, जोटोः हुँनि लंदावइयाकु, जोटोः हुँनि रआ नींदायाकु, जोटोः हुँनि तेङ रेकु थुगेआ। 33जोटोः हुँनि कोड़रा तिकु हुमागिया, जोटोः गोजेयाकु, बकिन पे रोज रे जीवेड् बिरीदोओय।”
34बकिन चेलाकु नोआँ दुखमा ककु समझावलेना; जोटोः नोआँ दुखमा रआ माने हुँकू एतेन उकु एंडाना चि ईसु चितान बारे रे कथायतेअय।
भीख कोयी अन्धरा ञे-ञेलना
(मती 20:29–34; मरकुस 10:46–52)
35ईसु जरीहो नगर ठँव रे सोदोरनय, दो मियड् अन्धरा संडक डुरी रे दुड़ूः कोते भीख कोययान दोहोनय। 36हुँनि होड़कु सेन परोमोः रआ सडी अयुम केते सोधव लिड्कुअय, “नोआँ चिताना चिलका योना?”
37हुँकू हुँनी कथावा लिदियाकु “नासरत रेनि ईसु सेनोगोना।”
38हेनते हुँनि हकाव केते कथालअय, “ओय दाऊद रेनि बंसज ईसु, इञः तआ मया योमी!”
39जे मड़ाङ-मड़ाङ सेनो गोन दोहोनाकु हुँकू हुँनि डपोट लिदियाकु चि चुपचाप दोहोन, बकिन जोटोः हों जोड़ते हकाव लअय, “ओय दाऊद रेनि बंसज इञः तआ मया योमी!”
40हेनते ईसु तींगु कोते हुकुम एम लअय, चि मुनी इञः ठाँवरे अगुइपे, अन्धरा ठँव रे अगु लेदियाकु दो ईसु हुँनि सोधव लिदियय, 41“अमः चितानम चहावओना चि अमः तअइञ करावेए?”
“ओय परभु, इञः फिन ञेल बेजय।”
42ईसु हुँनि कथावा लअय, “ञेलेमी; अमः रआ सारीयोः ते ही अमः नपाय यनाम।”
43हेनते हुँनि झठहेले ञे-ञेलनय जोटोः परमेसर रआ बड़ाइ केते ईसु रआ तयोम सेन केदय, जोटोः गोटे होड़ ञेल केते परमेसर रआ इसतुति लआकु।
اکنون انتخاب شده:
लुका 18: BIX
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0
