मती 11
11
ईसु जोटोः बतिसमा एम अवला जोहन
(लुका 7:18–35)
1ईसु अनेज् बरहो चेलाकु नोआँ सिछा एमकेड् तयोम हुँनि होंडे एतेन हुँकू रआ ढेर सहार रे सिछा एम यते जोटोः परचारेते सेनोः यानय।
2जेहेल ओड़ाः रे जोहन मसी रआ काम रआ चरचा अयुम केते, अनेज् चेलाकु ताय नोआँ सोधावी तआ बिदा लिड्कुअय। 3“अमः हेनेनी हके ‘जे वेजोः अवला दोहोलेनाम’ चि आले एटाः-ई रआ असरा ञे-लाले?”
4ईसु हुँकू कथा रुवाड़ लिड्कुअय, “जू सेनोःपे, आपे जे अयुम यतेअपे, जोटोः ञेल यतेअपे होना जोहन कथावाइपे, 5#जसा 35:5,6; जसा 61:1अँधराकु ञे-ञेल यनाकु, लंगड़ाकु से-सेन यनाकु, छेवड़ा रोग अवला सुध यतकुआ, बहिराकु अयुम यतेअकु, गोज्लेनकु जीवेड् यतकुआ रंगिज् लेनकु बढ़ियाँ दुखमा अयुमवा यतकुआ। 6जोटोः धन्य इदानियाँ हुँनि, जे इञः बारे रे ठोकोर काय जोमेआ।”
7जब हुँकू होंडे एतेन सेन ही यते दोहोलेनाकु चि ईसु जोहन रआ बारे कथावा लिड्कुअय, “आपे टोंगरी रे चितान ञेल तआ सेन दोहोलेनापे? चिताना होय ते हिलहोलेना ढोड़ही बीर चि? कोवन! 8दो फिन आपे चितान ञेल सेन दोहोलेनापे? बढ़ियाँ झुला होड़हड् लेनी होड़? कोवन चितानतआचि जे कीमती झुला होड़हड्अकु हुँकू राजमहल रे दोहोनाकु! 9दो फिन अखीर चितान तआ सेन दोहोलेनापे? परमेसर पड़ा एतेन दुखमाय अवला होड़ ञेल तआ? आँ! इञः जरुड़ आपेञ कथावा यना, परमेसर पड़ा एतेन दुखमाय अवला होड़ एतेन हों मियड् सेंड़ा-ई होड़। 10#मला 3:1नुई हेनेनी हके जेकर बारे रे नोंका ओल लआ इदानआँ, ‘ञेलेपे! इञः रआ खभाइर एम अवला आपे रआ मड़ाङ रेञ बिदाया, हुँनि आपे रआ मड़ाङ रे तआ होरा तेयारेअय।’”
11इञः सनारी आपेइञ कथावायना चि होड़कु मे से जोहन बतिसमा एमी एतेन सेंड़ा ओके हों ककु पयदा तना। तीयोरे, सिरमा राइज रे जे गोटे एतेन होडिञय, हुँनि जोहन एतेन सेंड़ाआय। 12#लुका 16:16बतिसमा एमी जोहन रआ बेरा एतेन तीहिञ हमाः सिरमा राइज तआ जोड़ होयाव इञोगोना, जोटोः तकातवार होना रेज् एंडायाकु। 13जोहन वेजोः हमाः परमेसर पड़ा एतेन दुखमाय अवला गोटे होड़कु जोटोः मुसा रआ नियम अगामजानी यते दोहोनकु; 14#मला 4:5; मती 17:10–13; मर 9:11–13आपे चहावओपे, दो इञः रआ दुखमा अयुमेपे हेनेनी वेजोः अवला एलियाह जोहन हके, 15जेकर आ-अयुम तआ लुतुर इदानआँ हुँकू अयुमेपे!
16“इञः नोआँ पीढ़ी रेनकु होड़ ओके तुलीञ घुरी कुआ? हुँकू बाजार रे दुड़ूः लेनकु सेंगोज्कु लेका अकु, जे अपन गतिकु हकाव केते कथायाकु, 17‘आले आपे तआ मुरली सडी लआले जोटोः आपे कपे रुचुः लेना, आले खोभराव लेनाले जोटोः आपे बोहोः हों कपे हबुड् जुड़ू लेना!’ 18चितानतआचि जोहन बतिसमा एमी वेज्लेनय, हुँनि न जोमोः यनदोहोनय जोटोः न ञू यते दोहोलेनय जोटोः हुँकू कथायाकु ‘मुनी एडे मुवाँ आतमा इदानआँ!’ 19मनवाँ होपोन वेज्लेनय, जे जोम ञू लेनय जोटोः हुँकू कथायाकु, ‘ञेलेपे! नुई होड़ पेटु जोटोः पियाङकड़ाय, मलगुजारी अँगावकु जोटोः पापीकु रेनि गति हके।’ बकिन बुधि अपन काम रे सनारी ठहराव तदियय।”
का सारीयोःकु रआ सहार
(लुका 10:13–15)
20ईसु होना पेने सहार रेनकु होड़कुइ घुड़काव लआ, होंडे हुँनि अगम सकती रआ काम कराव दोहोलअय सेकरो रे होंडे रेनकु होड़ अपन मन ककु रुवाड़ लआ। 21#जसा 23:1–18; हेज 26:1—28:26; जोवे 3:4–8; आमो 1:9,10; जख 9:2–4“हाय खुराजीन रेनकु होड़; हय बयतसयदा रेनकु होड़! जे सकती रआ काम अमः तआ कराव लअय, अगर होना सुर जोटोः सयदा रे कराव लेड् दो, हुँकू न जने ओका घनी एतेन सोकित गेन्दराः उयू कोते, ओब् रे दुड़ूः कोते मन रुवाड़ केदाअकु अने! 22हिना तआ इञः आपेञ कथावा यतपेआ चि नेयय हिला सुर जोटोः सयदा रआ दसा एतेन आपे रआ दसा अगम सहावे लेका होयावओ!
23 #
जसा 14:13–15;
अँगन 19:24–28
“जोटोः ओय कफरनहूम! चिताना आपे नोंका सोचाव यतेआपे चि सिरमा हमिज् अलगाव पेआ? कोवन! आपे दो पताल रे गिडी एंडा पेआ, चितानतआचि जे सकती रआ काम आपे रआ तला रे होयाव दोहोना अगर सोदोम रे होयव दोहोलेन दो होना तीहिञ हमाः बनाल दोहोकनाअने! 24#मती 10:15; लुका 10:12हिना तआ इञः आपे कथावा यतपेअइञ, नेयय हिला आपे रआ दसा अलावा सोदोम देस रआ दसा कहीं नोआँ एतेन अगम सहावे लेका होयावओ!”
ईसु ठँवरे रुड़ु
(लुका 10:21–22)
25हेनेन घनी ईसु कथालअय, “ओय बबा, सिरमा जोटोः ओत रेनि परभु! इञः अमः रआ महिमा यतेअइञ, चितानतआचि अमः नोआँ गोटा दुखमा गेयानीकु जोटोः समझदारकु एतेन उकु केते सेंगोज्कु एडे दिसतार तड्अम। 26आँ, ओय बबा, निआँ ही अमः तआ अछा सचालेना।”
27 #
जोह 3:35;
जोह 1:18; 10:15 “इञः रेनि बबा दो इञः गोटय जिमावा तदिया; हेनते ओके हों ककु ठुवावना चि होपोन ओके हके, सिरीप बबा, जोटोः होपोन बयकेते ओके हों ककु ठुवावना चि बबा ओके हके सिरीप होपोन, जोटोः हुँनि जेकर एडे होपोन ते हुँनि दिसतारी अरावओ।”
28“ओय थकाव लेनकु जोटोः हमाल ते जनताव लेनकु होड़, आपे गोटे इञः ठँवरे वेजोःपे, इञः आपे रुड़ु ओवापेअइञ। 29#जिर 6:16इञः रआ जुवाट आपे रआ खंद रे अलगावेपे जोटोः इञः एतेन सिखावओपे, चितानतआचि इञः मन रे सोझा जोटोः मन रे दीन इदानिञा। नोंकय ते आपे अपन आतमा रे सांति ञमेअपे, 30चितानतआचि इञः रआ जुवाट सेबाहा जोटोः बोझा हलुका।”
اکنون انتخاب شده:
मती 11: BIX
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0