ROM 4
4
अब्राहामदी उदाहरण
1तर मंग मनाम यहुदी आंका मना पुर्वज अब्राहाम बद्दल येम आनाला? आदी याद कारण उंड्या यादानता वाड नितीमान ठराशा. 2येनटीक की अब्राहाम शिंगार फनुलाता नितीमान ठराशिन्टे तर वाड घमंड शेशी शकास्तुन्या; पण परमेश्वर मुंदार लेद. 3येनटीक की पवित्र शास्त्रला राशीनेद उंडाद? अब्राहाम परमेश्वर मिंदा विश्वास फेट्या इंगा परमेश्वर वान नितीमान ठरायमत्या.#उत्पत्ती 15:6; याकोब 2:23; गलती 3:6.
4यवाड पण फनी शेस्ताड वानदी कुली इच्चेद दान लेद, पण वानदी अधिकार उंडाद. 5पण यवाड फनी शेयाड, यवाड अधर्मी मंदीन नितीमान ठराय मतेतोन परमेश्वर मिंदा विश्वास फेटताड, परमेश्वर वान विश्वासता नितीमान ठराय मतताड, 6परमेश्वर यवान कर्मलान इडशी नितीमान ठराय मतताड इल्लोन मनशीन दाविद राजा पण धन्य आंटाड;
7“परमेश्वर यवार पापलाद क्षमा शेशीनाड, इंगा यवार पापलान मुशी फेटनाड वार धन्य उंडार.”#स्तोत्रसंहिता 32:1-2.
8“यवार हिशोबला परमेश्वर पापलु कोलवाड वाड मनशी धन्य उंडाड.” 9मंग इदी धन्य वचन सुंता आयनोर इचांग उंडाद की, सुंता कालेनोर इचांग पण उंडाद? येनटीक की पवित्र शास्त्रला राशीनेद उंडाद आंका मनाम आंटाम की, “विश्वासता अब्राहामनी परमेश्वर नितीमान ठरायमत्या.”#उत्पत्ती 17:10-14. 10मंग वाड यल्ला इंगा यप्पुड नितीमान ठराय मतेदेंक वच्या? वानदी सुंता आयनेंका का सुंता कावा काना मुंची? सुंता आयनेंका लेद, पण सुंता कावा काना मुंची. 11इंगा, वाड सुंता आयनोड लेकुंड्या आप्पुड विश्वासता वानकी नितीमत्वद शिक्का इचांग सुंता इदी चिन्ह शिक्या. यादानता वाड वार आंदार आब्बाड कावाला यवार सुंता कावांदे विश्वास फेटतार, दिनिचांग की वार नितीमान ठरायाला.#उत्पत्ती 17:10-11; कलस्से 2:11. 12इंगा यवार सुंता आयनोर उंडार वार फक्त सुंता आयनोर उंडार इंते लेद, पण मना आब्बाड अब्राहाम इनदी सुंता कालेकुंड्या आप्पुड वान दिंटल्या उंडीने विश्वासला विश्वास फेट्टीगास यवार नडस्तार वारकी पण वाड पुर्वज कावाला.
13येनटीक की नु दुन्यामकी वारीस आय्याव, इदी वचन अब्राहामकी लेकाते वान बिळ्ळाक नियमशास्त्र तीकेल लेकुंड्या, पण विश्वास नितीमत्व तीकेल उंड्या. 14येनटीक की नियमशास्त्र पाळाशेतोर वारीस आयते तर विश्वासदी येमीच अर्थ लेद इंगा परमेश्वरदी अभिवचन पण व्यर्थ उंडाद. 15येनटीक की यवार पण पुर्ण नियमशास्त्र पाळायाक फोयार वारकी परमेश्वर शिक्षा इच्ची. दिनिचांग यंदु नियमशास्त्र लेद आंदु आज्ञा तेम्पेद पण लेद.
16इंगा दिनिचांग इदी अभिवचन विश्वासता आंटे कृपाता इच्चीनेद उंडाद; दिनिचांग की, आदी आंदार इचांग खात्रीता उंडाला, फक्त नियमशास्त्रटोर इचांग लेद, तर यवार अब्राहाम विश्वास इचांग उंडार वारकी पण, वाडे तर मना आंदार पुर्वज उंडाड. 17येनटीक की पवित्र शास्त्रला यल्ला राशीनेद पण उंडाद की, “निन निन्नु आन्नी राष्ट्रला पुर्वज शेशीनान.” या परमेश्वर मिंदा वाड विश्वास फेट्या, यवाड सच्चीनोरनी जित्ता शेस्ताड इंगा याय माटलु लेव आटलान उंडीने लेका फिलस्ताड.
18अब्राहामकी आशा लेकुंड्या की वाड आब्बाड आय्यी, पण वाड आ परमेश्वर मिंदा विश्वास फेट्या यवाड आनीन्या की, “मोडामलोन सुक्काल इन्नी नी बिळ्ळु आय्यार.” आंका वाड शेंगेम राष्ट्रला पुर्वज आय्या. 19इंगा वाड नुर यंडलावोड उंड्या इंगा साराद गोड्डु उंड्या इदी वानकी यरका उंडी पण वाड विश्वासला कमजोर कालेद. 20वाड परमेश्वर अभिवचन मिंदा अविश्वास सुपीयालेद; पण वाड विश्वासला मजबुत आय्यी परमेश्वरकी गौरव इच्या. 21इंगा वानकी पुर्ण विश्वास उंड्या की, परमेश्वर वानदी अभिवचन पुर्ण शेशेदेंक पण समर्थ उंडाड. 22इंगा दिनिचांग अब्राहाम विश्वास इचांग नितीमान ठराशा. 23इंगा इदी वचन “विश्वासता परमेश्वर वान नितीमान ठरायमत्या,” इदी फक्त वान इचांग पवित्र शास्त्रला राशेदेंक दालेद. 24तर मना इचांग पण यवार विश्वासता नितीमान ठरास्तार, आंटे मना इचांग यवार आ परमेश्वर मिंदा विश्वास फेटतार, यवाड मना प्रभु येशुन सच्चीनोर लोन्केल लेप्या. 25वाड मना अपराधला इचांगे फट्टी इच्चेदेंक वच्या इंगा मतेशेदेंक वच्या इंगा मनाम नितीमान ठरायाला आंका वान जित्ता शेशेदेंक पण वच्या.#यशया 53:5,12.
اکنون انتخاب شده:
ROM 4: WNT
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید