Mbandukulu 4
4
Kaayini bo na Abele
1Adami wayaaba Eva mukasi waandi. Eva wabaka yimi na wabuta Kaayini, na waleele ti : « Me mbutiri mwaana wamubakala mu bweese bwa Nzaambi. » 2Nde wabuta Abele, mpaangi Kaayini.
Abele waba mutwiilisi bibulu, na Kaayini muhati-manseke. 3Biluumbu bu byalabuka, Kaayini wanata bimbutu bya manseke mu kikabu kuri Yaave. 4Abele nde se wanata mu kikabu, baala batete ba bibulu bya nde, bikuuku bibvuriri bubwe, kuri Yaave. Yaave wataambula Abele na kikabu kyaandi. 5Ngo kikabu kya Kaayini Yaave wahele kukitaambula. Mu didyo, Kaayini wabaka nkesi dzalaka, na wasoongo kidziri kyangebe. 6Yaave waleele kuri Kaayini ti : « Bukuri nki ye wuri na nkesi, na kidziri kya ngebe ? 7Mbuti ye wuyirikaa mamabwe, buri lo ye wahele kusiimbila busu ? Ngo mbuti ye wahele kuyirika mamabwe, lo sumu diri mu kukukete ha mweelu ; ngo ye twaalisa dyo. »
8Kaayini wadzoonso kuri mpaangi yaandi Abele. Bu batuula ku manseke, Kaayini watelemene Abele na wamudzusa.
9Yaave wafuula Kaayini ti : « Mpaangi yaaku Abele kuri kari ? » Kaayini wabvutula ti : « Me nyaari ko ! Buri me nyiri mukebi mpaangi yaami ? » 10Yaave wamufuula : « Buri siiri mya bu ? Makila ma mpaangi yaaku mari mu kufula misaakulu kuri me kunsa butoto. 11Mu lu ye neti mpopi, sa ba la na butoto bu dziburyee munwa waandi mu kunwa makila ma mpaangi yaaku, wu dzusiryee. 12Ye wubweese kubwiisa byandya ko mu butoto. Ye weki mayiima kwahele mpuumunu ha nsi. »
13Kaayini wabvutula kuri Yaave ti : « Nseembulu yaami yibvuri makwa mu kunata. 14Mono ye bingiri me lolo di ha butoto, la na kidziri kya ye, me sa nyesweeme na kweyiima kwahele mpuumunu ha nsi. Mpisi muutu wubwaana me lo sa kanzusa. » 15Yaave waleele kuri nde ti : « Pele, ka buba bubwo ko, bukuri mbuti badzusiri ye, lo bamvuumbi nsaamu tumi lo kitete kibvutukiri. »
Yaave wasa kidiimbu mu Kaayini, mpisi wunde wumubwaana kahele kumulata. 16Kaayini wayende kwetuunga kwahele bebele na Yaave, ku nsi ya noode, ku mpele ya esete dya Edeni.
Bilesi bya Kaayini
17Kaayini wayaaba mukasi waandi, mukasi wabaka yimi na wabuta Henoke. Kaayini watuunga bvula na waha bvula didyo nkuumbu mwaana waandi, Henoke. 18Henoke wabuta Irade, Irade wabuta Mehuyahele, Mehuyahele wabuta Metusahele, Metusahele wabuta Lemeke.
19Lemeke wakweele bakasi boolo. Mosi mu bo nkuumbu yaandi Ada, waboolo nkuumbu Tsila. 20Ada wabuta Yabale, wuri taayi dya babo bakwedzakalaa mu manzo ma mansaanda, bakwetwiilaa bibulu. 21Nkuumbu mpaangi yaandi yaba Yubale, taayi dya babo bakwesikaa mangoomfi na mamvumvuri. 22Tsila, nde se wabuta mwaana wamubakala, wamuluka Tubale-Kayini, mutsuri ngiinu na bitari, na kibusi kyaandi Naamani.
23Lemeke waleele kuri bakasi baandi ti :
« Ywiilee me, bakasi baami,
taambee kutu mu manyiluleele :
Me nyadzusa muutu mu ntoono boko dyaami,
na nyadzusa mwaana mu ntoono kiwa ki bansiiri.
24Bukuri mu kubvutula kitete,
lo baatu nsaamu bayelemene kudzusa
mu ntoono Kaayini, baatu makuumi nsaamu
mpisi heki babvutula kitete mu ntoono me. »
25Adami wabweese kuyaaba mukasi waandi, na wabuta mwaana, nkuumbu yaandi Sete : « Bukuri mu ntoono me, Nzaambi mpeeri mwaana mukimi ha kibeendu kya Abele, wafwiiri mu myooko mya Kaayini. »
26Sete, nde se wabuta mwaana wamubakala, wuri nkuumbu Enose. Haho babaandika mu kuyingikila nkuumbu Yaave.
اکنون انتخاب شده:
Mbandukulu 4: ATBABC
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Alliance Biblique du Congo 2024