KALATE METATAʼA 15
15
Ngakaʼa e be Abraham a e mvoñe bôte jé
(Rm 4; Ga 3:6-9; Neh 9:6-7; Mm 7:2-7)
1Mvuse mam mete, ajô Nti e nga toteban e be Abram e ñyenan éziñ été na: Te ko woñ a Abram! Mamiene me ne ébene jôé, a maʼane môé ma ye bo étua anen. 2Abram a nga yalane na: A Nti nyô a ne Nti, wo ye ve ma jé? Me nga ke teke bon , a miene yʼEliʼi jam a ne Eliézer ya Damas. 3A nga beta jô na: Ô nji ve ma mvoñe bôt, a nyô a nga bialé e nda jam a ye bo miene yʼEliʼi jam. 4Ve Nti a nga kobô nye a jô na: Saake nye a ye bo miene yʼéliʼi jôé. 5A nga kee ma atan a jô na: Fombôʼô ñhe yôp a lañek ateté nge ô ne lañe de. A nga beta jô na: E nne mvoñe bôte jôé ja ye bo nalé. 6Abram a nga buni Nti, nye ki ve lañe nye de ane zôsôôô.
7A nga beta jô nye na: Me ne Nti, nyô a nga bo na ô kôlô Ur Bekaldééñ, asu ya ve wo si nyô na ô bi je. 8Abram a nga yalane na: A Nti, nyô a ne Nti, ma ye yem a jé na ma ye nyoñe je? 9A nga jô nye na: Nyoñe ngal éjakas a ntoo mimbu milaa, ngal ékela a ntoo mimbu milaa, nnôme ntômba a ntoo mimbu milaa, ôdu wua a étoñe zum asu ya ve ma bie. 10A nga nyoñe betite bete bese a tyiʼi be zañ a kele a bôôé étun ése é tôbaʼane ji évok, ve a nji tyiʼi anone zañ. 11Ane anon e ne beze yôbe e nga ku mimbime yôp; Abram a nga titane de. 12Eyoñe jôbe da dim, ôyo ô nga bi Abram, nalé fe woñ afibe dibi été.
13Nti a nga jô Abram na: Yeme na mvoñe bôte jôé ja ye bo mintabe e si é nji bo énjap; ba ye bo alo été a ba ye tibili be tañe mimbu mintete minyin. 14Ve ma ye tyiʼi ayoñ ba ye boban alo ajô, wôna ba ye kôlô be bili abui akum. 15Wo wo ye wu mvoʼé , wo ye jambane soñ mvuse mevaʼa éto nnôm. 16Eyoñe miaé nyini wo ye bo, ba ye beta so va; amu éyoñe te étam e nje mbia mboone Beamorééñ a ye tulan ôkup.
17Eyoñe jôp é nga dim, dibi e nga bo afip; mbeʼe nduan ô kuik ôtita a minkabaʼa mi nduan mi nga lôt e zañe betit be mbe ntyiʼane zañ. 18Môs ôte, Nti a nga bo élat a Abram a jôʼô na: Ma ve si nyô e be mvoñe bôte jôé; ataté ôsôé yʼEjipte a kui beta ôsôé Efrat, 19si Bekénieñ, Bekénizieñ, Bekadmônééñ, 20Behittite, Beférézieñ, Berefayim, 21Beamorééñ, Bekanééñ, Begirgazieñ, Beyébuzieñ.
اکنون انتخاب شده:
KALATE METATAʼA 15: BULU09
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© LʼAlliance Biblique du Cameroun, 2009