Suosittuja jakeita Raamatun kirjasta MATIU 9

Jaa

Hikani mo kwaha mana nona ngwalagelo mo viti kwara, “A makuriana u lakua haburu, vae a tangaloi boloki he rusa tea kwara rana vileki na hinaka tilolo ingwa. Vae tulu ne kwaha mana hugwe na makuriana kwara ne hora a tangaloi boloki rana vile tilolo ingwaki.”

Tulu vano tulu soro haro na domiana na Uliuli* Kokona hika hinea i God u viti kwara, ‘Nahe lengai tea kwara a tangaloi rana kwohi mate a boboroa kwara rana vai hura boniboni lakweau, vae nu lengaia kwara a tangaloi a hahakaviga ne eia.’ ” Vunu i Jisas mo viti kwara, “Nu viti kwehini huri nahe vanamai tea kwara na kware na tangaloi hinea rau bakoto, vae aira hinea a tangaloi vaivai hati tavalavarea.”

Lolona mo tagai na vao, lolo domina u hakavira haburu, huri a domiga rau kwalao laliki, a noga huirana tikei. Aira hoki na sivsivi hinea a kaitagahuriki tikei.

I Jisas mo rongora mo daraki lakwara mo viti kwara, “A tangaloi hinea rau rongo karea rahe lengai na tokita tea, vae aira kehekeheki hinea rau lenga rau lengai na tokita.

Vunu i Jisas mo lakao laliki mo tiroki na gwatuivanua lalakua mana gwatuivanua kwaririgi. Mo huhui lolo noga vale* na tiutangaroa, mo kwalahaki na Roro Karea kwara i God u tuku boloki vae ne hugwe koro na tangaloi doluaki na varamana, mo vakahiki na tangaloi tina kaga lengeana a gwatuki u rusa.