Suosittuja jakeita Raamatun kirjasta Marko 14

Jaa

Oo Baba, mɔ lengbi ti lingɔ ye zu, wa hã mbi na ya pɛnɔ olo mɛ mbi na hũngɔ mɔ zi. Wa ta mɔ li nga ma se mɛ bɛ mbi aye ma, kanda li nga ma se mɛ bɛ mɔ aye.”

Ale ĩ du lɛ ĩ ngɛ̃, ĩ sambela Nzapa, so Satana atara bɛ ĩ, ko ĩ ti. Bɛ zo ndoye lingɔ nzɔ̃ ye, kanda tɛrɛ lo adu woni.”

Mbi pa hɛ̃ ĩ ti beta tɛnɛ ya, na ndo kwe zu mɛ gbanda azi apa Nzɔ̃ Pa tɛ Nzapa da ge le sese ko, apa nga gbanda pa ti ye mɛ zo wali olo ali, ko ta bɛ azi ali nga gbanda na lo ma.”

Ko lo pa hɛ̃ la ya: “Vundu ti kwa mɛ mbi na kpingɔ agbɔ̃ mbi. Wa ĩ ngba so ndo mɛ, ta ĩ la langɔ ma.”

Ngoi mɛ ala so ndotɛ ye ko, Yezo amu mapa, lo ĩ hɛ̃ sia kɔli hɛ̃ Nzapa we ko, lo kongbi ya ni, lo kangbi na ava lo, lo pa hɛ̃ la ya: “ĩ mu mapa olo ĩ tɛ, tɛrɛ mbi la.”

So pɛni, lo mu kangu mɛ vinɔ ya ni, lo ĩ hɛ̃ sia kɔli hɛ̃ Nzapa we ko, lo hɛ̃ ni hɛ̃ ava lo, ala zu anyɔ ni. Lo pa hɛ̃ la ya: “Vinɔ olo adu mɛnɛ tɛrɛ mbi mɛ asa so azi gba. Mɛnɛ ni afa ngbanga mɛ Nzapa na azi agbe.

Ngoi mɛ ala ĩ si ka ndo hɔtɔ ko, Yezo apa hɛ̃ ava lo ya: “Ĩ zu na dɔngɔ mbi ziangɔ, ta sanga ma, Buku tɛ Nzapa apa ya: ‘Mbi ho gbanda wa batangɔ angasã ngbaga, ko angasã ngbaga ni na ngbãngɔ wawa.’

Ĩ longa, é gwe! Ĩ ba zo mɛ aka mbi aga wɛ.”

Yezo agbinya hɛ̃ lo ya: “Mbi pa hɛ̃ mɔ ti beta tɛnɛ ya, ndɛ na bi olo mɛ, uzu ti kɔndɔ tongɔ mbela ti fani sɛ ko, mɔ bɛrɛ ndɛ fani ta ya, ta mɔ hĩnga mbi ma.”