Suosittuja jakeita Raamatun kirjasta मरकुस 14

Jaa

अर कयौ, “पिता, हे पिता, थारै ऊं हैंग हो सकै, इण दुख भरयोड़े कटोरा नै म्हारै खनै ऊं आगौ ले लौ, तौभी जैड़ौ में चावूं वो नीं, पण जिकौ थै चावौ वो हीज हो।”

जागता अर पराथना करता रैवौ की, थै परीकसा मे नीं पड़ो। आतमा तो तैयार है, पण सरीर कमजोर है।”

म्हैं थौरे ऊं साचौ कहूं की सगळै संसार में जठै कठै ई सुभ संदेस परचार कियो जावैला वठै इण लुगाई रा कांम री चरचा उणरी याद में की जावैला।”

अर यीसु चेला नै कयौ, “म्हारौ मन घणौ दुखी है, अठै तांई म्हैं मरण माथै हूं, थै अठै रुको, अर जागता रैवौ।”

अर जद वे खा ही रिया हा तो वो रोटी ली, अर परमेसर नै धन्यवाद देने तोड़ी, अर उणौ नै दी, अर कयौ, “लौ, आ म्हारी देह है।”

पछै वो कटोरो लेने धन्यवाद करयौ अर उणौ नै दियौ, अर वे हैंग उण मे ऊं पीयो। अर वो उणौ नै कयौ, “म्हारौ ओ लोई परमेसर रा नए वाचा री सरूआत है, जिकौ घणा रै पाप माफी वास्तै बहायौ जावै।

तो यीसु चेला नै कयौ, “थै हैंग आपरा विसवास ऊं डिग जावोला, क्यूंकै लिख्योड़ौ है, ‘म्हैं रुखाळा नै मारूंला, अर लरड़ियां बिखर जावैला।’

उठो, चालौ देखौ, म्हारै विसवासघात करनै वाळौ नैड़ौ आई गियौ है।”

यीसु उण ऊं कयौ, “म्हैं थौरे ऊं साची कैवूं, की आज ही इणी रात रा कुंकड़े रै दो बार बांग दैणै ऊं पैला, थूं तीन बार म्हनै ओळखणै ऊं मना करैला।”