ROMETE 10
10
1Unaute, Israelte diinga ka lungtang deihpen leh Pathian kawma ka haamteina pen chu, hutdama ahung um theihna diing uh ahi. 2Ajiahchu Pathian lamah phatuamngaihna a nei uh chih ka heetpih hi, ahihvangin heetna dungjuiin chu ahi sih uh. 3Bang jiahin ahiai i chih leh Pathian dihtatna he lou in, amahuh dihtatna suhkip tum in, Pathian dihtatna ah a kituluut nuam sih uhi. 4Ajiahchu a gingta photmahte diingin Khrist chu dihtatna muhna diingin daan suhtawpna ahi.
Dihtatna lampi thah chu mi zousiah diing ahi
5Ajiahchu Mosi in, daan a dihtatna juitu chu hu dihtatna in a hing diing, chih a gial hi. 6Hizongleh ginna a dihtatna in chu hichi'n a chih hi, Na lungsim in, Vaan ah koi a kaltou diai? (huchu, tunglam apat Khrist puikhiah diing chihna ahi; ) 7Ahihlouhleh, Lei nuaiah koi a kumsuh diai? (huchu, misi lah apat Khrist puidoh diing, chihna ahi;) chi sin, chi in. 8Hizongleh bang ahiai a soi? Thu in ahung naih hi, na kam leh na lungtang ah a um hi; huchu ginna thu ka soi uh chu ahi. 9Na kama Jesu chu Lalpa ahi chia na phuan a, misi laha kipan Pathian in a kaithou chih na lungtang a na gintaat leh hutdam in na um diing hi, chih. 10Bang jiahin ahiai i chih leh mi’n lungtang in a gingta va, dihtatna a mu veu uh; huleh ka min a phuang va, hutdamna a tang veu uhi. 11Ajiahchu Pathian lehkhathu in, Koipouh amah gingta chu a zahtasah sih diing, a chih hi. 12Ajiahchu Judate leh Grikte kilimdanna bangmah a um sih hi; a bawnva tunga Lalpa chu khat ahi a, huleh amah kou zousiahte tungah hoihna a hau hi. 13Bang jiahin ahiai i chih leh Lalpa min kou photmah chu hutdam in a um diing uhi. 14Ahihleh a gintaat louhpi uh bangchi’n a min a kou diviai? huleh a thu a jah louhpi uh bangchi’n a gingta diviai? huleh a soitu um louin bangchi’n a ja diviai? 15Huleh sawl ahih louh uleh bangchi’n thu a soi diviai? Ha muanna tanchinpha leh, silhoih kipaahhuai hung utte keeng kilawm hina e! chia gelh bangin. 16Hizongleh tanchinpha a bawnun a ngaikhe sih uhi. Ajiahchu Isaiah in, Lalpa ka thusoi uh kua’n ahiai gingta? ana chi hi. 17Huchi'n ginna chu jahna jiahin ahung um a, huleh jahna chu Pathian thu jiahin ahung um hi. 18Hizongleh ka chi ahi, Israelte’n a ja sih va ahiai mah? Ja tham e, a thawm uh leitung pumpi ah a thangsuaah a, a thu uh kawlmong tandongin a thangta hi. 19Hizongleh ka chi ahi, Israelte’n a he sih va ahiai mah? A masapenin Mosi in, Nam a soi thamlouhte zangin ka hung thangsesah diing a, huleh nam ngolte zangin ka hung sulungthah diing hi, ana chi hi. 20Huleh Isaiah in, haangsantahin, Ahung hawlloute kawmah muhdohin ka um a; ahung kouloute kawmah suhlatin ka umta hi, a chi hi. 21Hizongleh Israelte kawmah chu, Mi thumangloute leh nialhaatte diingin suun nitum in ka baan ka jah hi, chi'n a soi hi.
Tällä hetkellä valittuna:
ROMETE 10: SIMTBSI
Korostus
Jaa
Vertaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.