Marka Biehmaasa
Biehmaasa
Thuophaabie Marka hingta “Khazing Saacapaa Zingsuv Khrih kaw Thuophaabie” tapata a patha. Zingsuv hing re a hrie khupa hne naw a hnyipa tapata a paluo sa. A nawhnyina ca a pacuvna, khachie papyana hne cawsaa sue a ngiethena lieta aa luo. Zingsuv ta ama hne ama kha Cawsaa Saacapaa, cawsaa zaw ama suena taata a ngiethe riypata a hringna a pi riypata a zuvpa aa ta.
Marka ta Zingsuv kaw a cape tiyta a bie hne a pacuvna laata a hriepa kaw kha biepuv vie ta a chi. Tiynawtuv Johan kaw, Zingsuv tiy aa nawna kaw hne pasupaliy a angna kaw a pachangta tah a cape khu pahne Zingsuv pacuvna hne patluosana kaw kha a cape paluo. Cuo a vya syi vie taata Zingsuv ziytuv tie ta ama kha ama vya pachang the viele, cuorasala Zingsuv a dutuv tie taca ama hue hryly. Marka caa-uv a chuona luo hingta Zingsuv alyi lie a hring chung a hnangcawce zaa hne a hlyi vie ta vieluo lie taa yite a thiyna kaw hne a thupakhaana kaw kha a ri.
Marka thuophaabie hing ta bie pachuosana suohning hnyi te bareket (cadungkhuopa) chunglie chipa ta ama cuo. Hingpa tie hing Marka cuo li pata cawsaa hrang ta ama capepa tana a cuo thlu'a mang tapata ruepa a cuo.
Abietluopuv
Thuophaabie hruothu 1:1-13
Galilee ruo zaapuv hrawlie Zingsuv rehriena 1:14—9:50
Galilee taata Jerusalem te 10:1-52
Jerusalem hne a cahriy a cake lie a chuonapa ningzaa chunglie Zingsuv a tue a hriepa 11:1—15:47
Zingsuv thupakhaana 16:1-8
A thupakhaapa Zingsuv aa luonapa 16:9-20
Tällä hetkellä valittuna:
Marka Biehmaasa: LNT1
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.