Juan 2
2
Tu utzag'na' lu yëdz Caná ki Galilea
1Kati guk tson dza gyu'u tu utzag'na' Caná tu yëdz ki Galilea. Na' zuaanu xhne'e Jesús, 2ati Jesús len bënni useed kie' lekz'ka' gululiidz'ke leke naar tzjake utzag'na' ni. 3Bubiidx nup uva len xhne'e Jesús guudx'nu'ne:
—Tir de kieke nup uva.
4Jesús bubi'e kieenu diidza:
—Nguul, ¿Bixhkia' reu' neda le ni? Ti rdxiini dza glui'a nuxh naka.
5Leenu re'nu'ne bënni'a taga'a'ke la'wa'gu:
—Gulgun yugute' le Jesús gie' lbi'ili.
6Nakua' na' xop yu'su giaj ga tage'e nis le tuguu'ne dxin bënni Judea ka chi naleeb'kde tuune kati tupa'a kuin'ke. Tu tu yu'su ni raki ka tu gayua' yë'ën nis. 7Jesús gudxe bënni'a taga'a'ke la'wa'gu:
—Guludza' nis yu'su giaj ni.
Guludza'ra'ke ley, 8ati Jesús gudxe leke:
—Na'a gulkuiaj lati ati gultzajua' len bënni'a nak lu ne'e lni ni.
Ati ka gluune. 9Bënni nak lu ne'e lni ni byue' nis'a chi nu'ueak nup uva zala ti nëëz'de gaxh broj, leez'ke bënni'a taga'a'ke la'wa'gu nëëzi'kde koma leke gulabiaj'ke nis'a, lena'a bënni'a nak lu ne'e lni ni bliidze bënni'a rtzag'ne'e. 10Len gudxe le':
—Yugute' bunach tage'e zia'a nup uva le rdui'r zxhi' len kati chi tazuudxi'de rge'e nup uva le ti nak'tek. San li' na'ar zia'a gliiju nup uva zxhi'a.
11Le ni beene Jesús lu yëdz Caná ki Galilea guk le zia'al ki yugute' le glunn'be' yëla wak xhën le blui' yëla xhën kie' Jesús; len bënni useed kie' gulayajle'ke Le'.
12Gdëëd le ni zuwëëje Cafarnaúm, zudzaage'nu xhne'e, bënni bë'che'e len bënni useed kie'; len ni' gulakua'ke chop tson dza.
Jesús rpe'e yu'u gdou'
(Mt 21:12-13; Mr 11:15-18; Lc 19:45-46)
13Jesús gyiije Jerusalén koma chi za' ga'la lni ki Pascua kieke bënni Judea. 14Ati lu gdou'a budzëël'de bënni tuti'i'ke'ba beedx, bëku'xhiila, palom len lekz'ka' bënni tutza'ke dumi kieke bënni. 15Kati ble'i'de le ni, Jesús gde'le'e baada' ati bulaage yugute'ke ki gdou'a gdu'leen bëku'xhiila len beedx kieke'a. Bes'lasie dumi laz kieke bënni'a tutza'ke dumi len brixe ga nudxia'ke xhdumi'ke'a. 16Ati bënni'a tuti'i'ke'ba palom'a gudxe leke:
—¡Gulubiaj le ni! ¡Ti gun'li ye'i liidxe Xuuza!
17Na' bënni useed kie' gyajnei'kde Diidza La'ay le rna: «Reegi'rlátzka laadxi'dau'a nia'a ki le tuune liidxu.»
18Bënni Judea gulunaab'de le':
—¿Nakxh gunn gak'be'i'tu ki napu yëla rnabe' guunu le ni?
19Jesús bubi'e diidza:
—Gulukin'j gdou' ni, len na' gak tson dza ulisa ley.
20Bënni Judea gle'ke le':
—Xop'un iz gulayui'i'de dxin gluune gdou' ni, ¿Ati rna tson dza'z ulisu ley li'?
21San gdou'a lea rue'e ki diidza Jesús nak larakz kuine. 22Lena'a kati Jesús bubaane lu yëla gut, bënni useed kie' gyajnei'kde diidza'a be'e zia'a len gulayajle'ke Diidza La'ay len diidza be'e Jesús.
Jesús numbe'e yugute' bunach
23Tzal Jesús ni zue' Jerusalén lu lni ki Pascua bënni zian gulayajle'ke le' kati gulale'i'de yëla wak xhën le le' ruune. 24San Jesús ti rxhënilaadxe'e leke koma numbe'e yugute'ke. 25Ti nayaadzji'de nu kixhji'i le' ka tabëëz bunach, koma le' numbe'e ikj'laadxi'dau'e bënni.
Tällä hetkellä valittuna:
Juan 2: PZD
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Sociedad Biblica de México AC
