Versets bibliques populaires de Mak 13

Partager

Bi lava matabudi sa dabokemi, banina temi tagu ko wai sumaḡegu. Bi aiyai i moito didina te damonemo ba ya yawasana.

Koi kita kauwa bi koi mayavai, banina temi mote ko sibe te bai laḡannemo mba laḡanna ya tava.

Bi laḡannemo sa panimi bi sa nawemi ko etalena, mote komai nuwaboya dolidoli te bainewa ko giu. Mba laḡannemo bai Maimaituwa ya vitevitemina ko giuwe. Mba mote temi koma giugiu bi Aluwa Waiyawa noḡota ya vitemi te ko giu.

Galewa bi dobu salau neḡaneḡa bi giugu mote ima launeḡaneḡa.

Bada ena nato munaḡa laḡanina bi suwelina mote aiyai i sibe. Mote aneya galewemo, mote natuna bi tamana taunaḡa i sibe.

Laḡannemo waiḡasiḡasi daguguna maidemo bi manekemo wasana ko vaiyena, ba koma naila. Niga kauwidi sa gei tubuḡa bi mba taunana mote damona.

Koi kita kauwa bai aubaina, mote ko sibe te bai laḡannemo vanuwa taniwagina ya tava, bamoda aubigamo ee dudubala modonemo ee kamkam ya ḡabaḡaba ee olaolalemo suwala ya lovolovotava. Mote koma kena komai nuwayavuḡa, bamoda yai nuwasilimi. Bai yea giugiuwemina ba mainana lava ḡesaudi yea giugiuwedi: koi kita kauwa!”

Dam bi dam sai ḡasiḡasi, bi guyau palona guyau vaitena sai ḡasiḡasi. Bi dobu ḡesaudiḡa yoyo bi gomala sa tubuḡa. Niga kauwidi sa tubuḡana mai bena waivini bwagabwagana wainatuna yavina ya waitubuna.

Muliḡa kaka laḡan damona ya tava, dolina taukaiwatagu giugu visuvisuna sa lauguguyae dobu matabunemo.

Muliḡa male lava wapewapedi sa tava bi isagumo sa giuna gado, ‘Tagu taunana Maimaituwa ena vinevine’ bi lava wapewapedi sa'ai wai eta doliyedi.

Temi ko kita kauwa, lava male sa panimi bi sa etalemi, bi bolu vanuwidimo sa kwapumi. Banina temi tagu taukaiwatagu. Temi babada matedimo ko moito bi tagu giugu ko giuwedi.

Mba laḡannemo bamoda aiyai ya giuna gado, ‘Kwa kita Vinevinena niga!’ ee ‘kwa kita tana nanoi,’ mote kumai sumaḡe. Banina Vinevinena kaikaiyovudi bi taugiuwatana kaikaiyovudi sa laumaḡata te mataila bi anisove kauwidi sa voiyedi bi bamoda ḡemoḡemotina te Maimaituwa ena vinevine lavedi sa'ai waietadoliyedi.

“Mba pilipilidi laḡanidi mulidimo ‘suwala yai dudubala bi nawalai mote ima yana. Bi kota kipola yadamo sa kuluva bi ḡaiḡailisidi sawasawamo matabudi sa gusu.