Versets bibliques populaires de तोलिङ्‌सोमु 6

Partager

इक्‍सादिङ् खाम्‍बेःक्‍मो मे़न्‍छाम् याप्‍मि चोगुबाओ यहवे दाङ्‌बाल्‍ले़ कुनिङ्‌वाॽ पङे़, हे़क्‍क्‍याङ् साॽरिक् कुनिङ्‌वाॽ तुगे़॥

यहवे दाङ्‌बाल्‍ले़ इक्‍सा खाम्‍बेःक्‍कोबा मे़न्‍छाम् याप्‍मिहाॽ साॽरिक् कुइमे़भे़रे़बा नु खे़ङ्‌हाॽरे़ निङ्‌वाॽओ मे़इःत्तुबा पाःन्‍हाॽ आभे़ल्‍ले़साङ् ताप्‍फे़ःम्‍बारक् चोगे़बा निसु॥

कर यहवे दाङ्‌बे़ल्‍ले़ कुमिक्‍साओ नुहःल्‍ले़ लुङ्‌दुक्‍मा खोसु॥

नुहःल्‍ले़ नु कुहिम्‍सयङ्‌ङिल्‍ले़ कुस्‍साप्‍मुःन्‍धुम्‍मिन् हाबा कल्‍लो॥ खुने़ॽ कुये़म्‍मोबा मनाहाॽओ नुहन् साम्‌योबा नु कुदोःप्‍मा मना वये़॥ खुने़ॽ निङ्‌वाॽफुमाङ्‌ङिन्‍नु सोसोरिक् लाङ्‌घेगे़॥

खे़ल्‍ले़चोगुल्‍ले़ यहवे दाङ्‌बाल्‍ले़ पाःत्तु, “आङ्‌गाॽ नावागे़न् चइःत् चोगुङ्‌बा मे़न्‍छाम् याप्‍मिन् इक्‍सादिङ् खाम्‍बेःक्‍कोलाम् मे़क्‍खुङ्‌ॽ, मे़न्‍छाम् याप्‍मि, के़उःङ्‌सिङ्‌बा कुबु थक्‍सा, के़बे़बा पुसा के़रे़क् मे़क्‍खुङ्‌सिङ्‌ॽ, थेआङ्‌भे़ल्‍ले़ आङ्‌गाॽ खे़ङ्‌हाॽ चोगुङ्‌सिङ्‌बाओ आनिङ्‌वाॽ तुगे़आङ् वाॽ॥”

इक्‍सादिङ् खाम्‍बेःक्‍मो मे़न्‍छाम् याप्‍मिहाॽ यरिक् मे़बोःन्‍दे़र मे़बे हे़क्‍क्‍याङ् खे़ङ्‌हाॽरे़ खुन्‍छिॽ सा मे़न्‍छुमाहाॽ मे़वये़, निङ्‌वाॽफुमाङ्‌साहाॽरे़ मनाहाॽरे़ खुनिॽ मे़न्‍छुमा साहाॽ नुमा मे़निसुसि, हे़क्‍क्‍याङ् खुन्‍छिॽ सिराॽथाङ्‌धाङ् मे़ल्‍लिङ्‌गे़न् मेःत् मे़दारुसि॥ खे़ब्‍याङ् यहवे दाङ्‌बाल्‍ले़ पाःत्तु, “मे़न्‍छाम् याप्‍मिहाॽनु आयाम्‍साम्‍मिन् सदादिङ् मे़वाॽने़न्, थेआङ्‌भे़ल्‍ले़ खे़न् नासिगे़न् थक्‍लारक्‍लो॥ खे़न् किप् थिक्‍काङ् निबोङ् तङ्‌बे थारिक् हिङ्‌लो॥” खे़न् ये़म्‍मो नु खे़न् एगाङ्‌ङाङ् इक्‍सादिङ् खाम्‍बेःक्‍मो होरुहाॽ मे़वये़॥ निङ्‌वाॽफुमाङ्‌साहाॽ मे़न्‍छाम् याप्‍मिहाॽरे़ खुन्‍छिॽ मे़न्‍छुमा साहाॽरो पेःक्‍मा मे़हेःक्‍ते़, हे़क्‍क्‍याङ् सामे़गत्ते़॥ खे़ङ्‌हाॽरे़ मे़गत्तुसिबा साहाॽए उन्‍छेःन्‍बा ये़म्‍मोबा मुक्‍के़गुबा नु कुमिङ् के़इङ्‌बा मनाहाॽ मे़वये़॥

निङ्‌वाॽफुमाङ्‌ङिल्‍ले़ इङ्‌जाःङ् पिरुबा इसिःक् नुहःल्‍ले़ के़रे़क् पाःन्‍हाॽ चोगु॥

खे़ल्‍ले़चोगुल्‍ले़ निङ्‌वाॽफुमाङ्‌ङिल्‍ले़ नुहन् मे़त्तु, “के़रे़क् मे़न्‍छाम् याप्‍मिहाॽ मे़ङ्‌मासि निङ्‌वाॽ चोगुङ्‌ङाङ् वाॽ, थेआङ्‌भे़ल्‍ले़ खे़ङ्‌हाॽरे़ मे़जोगुल्‍ले़ इक्‍सादिङ् खाम्‍बेःक्‍मान् थक्‍सिङ्‌मा से़त्‍छिङ्‌माल्‍ले़ तिम्‍से़आङ् ने़ःॽ॥ ओमे़त्ते़ॽ, खे़ङ्‌हाॽ आङ्‌गाॽ इक्‍सादिङ् खाम्‍बेःक्‍मान्‍नु सोरिक् मे़क्‍खुङ्‌सिङ्‌ॽ॥

आल्‍ल खे़ने़ॽ सैप्रस मे़प्‍मनाबा सिङ्‌ङे़ल्‍ले़न् वालाधाधिक् चोगे़ॽ॥ वालाधाओ याक्‍फाङ्‌हाॽ चोगे़से़ॽ, हे़क्‍क्‍याङ् कुसिगाङ् नु लाःक्‍कात् अलकत्राःल्‍ले़ ले़ङे़ॽ॥

यहवे दाङ्‌बाल्‍ले़ इक्‍सादिङ् खाम्‍बेःक्‍मान् ओमे़त्तु, हे़क्‍क्‍याङ् फे़त्‍लाॽरे़बा निसु, थेआङ्‌भे़ल्‍ले़ इक्‍सादिङ् खाम्‍बेःक्‍मो के़वाॽबा के़रे़क् मे़न्‍छाम् याप्‍मिहाॽ फे़त्‍मे़लाॽरे़ मे़बेआङ् मे़वये़॥

के़रे़क् कुहिङ्‌वे़त् थक्‍सा पुसाहाॽओ कुम्‍बाबा नु कुम्‍मामा ने़त्‍ने़त्‍छि वालाधाओ केःत्ते़से़ॽ, हे़क्‍क्‍याङ् खे़ङ्‌हाॽ खे़ने़ॽनु सोरिक् मे़हिङ्‌ल॥