Versets bibliques populaires de Lúkasɛ 21

Partager

Nɔ lɛ ákáná ɔ hinó, nɔ́ bɛ́kálákɛ́ná ikúílí tɛ́á; nɔ́yɛ́, nɔ ŋɔ iŋgínə́ kusənə ɔ bɛkɔa bikimə ɔ yáyɛ́na ɔbɛ́á bɛ́ lɛ́á ɔsákɔna ɔkɛaka ɔwá, nɔ bínə́níə́ bátaká ɔ busíə́ bɔ́ Mɔná wa mɔndɔ.»

«Nɔ́ bɛ́tátáká ɔkɛaka ɔwá, yə́núə́ mɛlɛ́má yɛ́ lɛ lɛmá na ɛmbáta yɛ ɔnɛ́á, yɛ ɔnyɛ́na, na bisə́hísə́hí bɛ́ buɔmɔ́, bɔ́táyɛ́ buɔsɛ́ bɔ́ lɛ bənú fámɛ́ná həmə́tu.

Nɔ ŋɔ búə́núə́ buɔmɔ́ nuəkəniə ábá nɔ ná tiŋímínə.»

Ɔ taká mɛaŋɔ́á bɛ́múɛ́tɛ́ mɛ ŋɔ bənú bɛtambá índiə ɔ nindínə́ ɔnɛ́á ata ɔmɔtɛ́ wənúə́ mukóyíkoyi a sɔ́ ŋɔ bɛɛ́ta nuəsiə, ata ɔ bɛɛ́ta ɔsáŋɔ́na.

Nɔɔ́mɛná na misí bɛ́ ŋɔ tɔ́mba, mba, bɛ́ámɛ́á bɛtambá bɛ́ sá ndátɔmba.»

«Tɔŋgɛtɛ́nɛ́á tɔ́ yələ́mənə tɔ́ ŋɔ báá ɔ hiɔtɔ́tɔ́, ɔ muilí, na tusənji, ɔ misí, mɔnɔŋɔ má ŋɔ báá ɔ bɔkɔ́lɔ́ma bɔŋɛ́ŋa, ɛlɔ́áyɛ́ məkumbəki má iŋgínə́ má nɔmɔ́, na iŋunu. Bɛndɔ bá ŋɔ wə́kunə na bɔkɔ́lɔ́ma bɔŋɛ́ŋa ikúílí bá ŋɔ bɛ́kɔ́lɔmɔna yatɛ́ ɔyɛ́á yɛ́ ŋɔ ndafámá ɔ misí bɔkɔasɛ́á, Huɛlɛ́ a ŋɔ tundondoní tɔ́ nɔɔ́mɛná ndəndəməkiə. Nɔ́yɛ́, bɛndɔ bá ŋɔ Mɔná wa mɔndɔ siəkinə ɔsákɔna tálɛ́mátɔ́ ɔ ɛlɔndɔ́, ɔ injiŋə, na tuúmə tɔŋɛ́ŋa.

Bɛndɔ bəkimə bá ŋɔ bənú kóyokiə ɛlɔ́áyɛ́ ámɛ.

Misí yɛ́ ŋɔ ndandɛmaka mɔŋɛ́ŋa ɔ bɛ́mɔtɛ́ bɛbɔ́ka, mɛtaná na bilibi bɛ́ mɛɛ́mbɔ bɛ́ ŋɔ báá; bɛkɔa bɛ́ bɔkɔ́lɔ́ma uwitiəsiə, ɛnyɛnya yɛ́ tɔŋgɛtɛ́nɛ́á tɔŋɛ́ŋa tɔ́ ŋɔ húlə́kinə ɔ ɔmbáŋá.»

Ikúílí nɔ ŋɔ ɔ́kɔ́kɛna bɛndɔ bá ndɔ hɛ́ɛ́na ɛlɔ́áyɛ́ bilə́ na mətuŋulə, nɔ lɛ kɔ́lɔ́má bɔkɔasɛ́á, nɔ́yɛ́ yɛ́ ŋɔ ndafámá ɔ busíə́ bɔ́ ikúílí; mba, nɔ́yɛ́ yɛ́ sɔ́ ŋɔ bá ɔ umisíúmə́ nisúki nɛ́ misí.» A ná manyɔ́ laa a sɛ́á: «Bɔnɔŋɔ bɔ́mɔtɛ́ bɔ́ ŋɔ ɔsɔ́kɔ́ bɔnɔŋɔ nuəkiə, nɛ́mɔtɛ́ nɛmanɛna nɛ́ ŋɔ ɔsɔ́kɔ́ nɛmanɛna kumunə.

«Tɔŋgɛtɛ́nɛ́á tɔ́ yələ́mənə tɔ́ ŋɔ báá ɔ hiɔtɔ́tɔ́, ɔ muilí, na tusənji, ɔ misí, mɔnɔŋɔ má ŋɔ báá ɔ bɔkɔ́lɔ́ma bɔŋɛ́ŋa, ɛlɔ́áyɛ́ məkumbəki má iŋgínə́ má nɔmɔ́, na iŋunu. Bɛndɔ bá ŋɔ wə́kunə na bɔkɔ́lɔ́ma bɔŋɛ́ŋa ikúílí bá ŋɔ bɛ́kɔ́lɔmɔna yatɛ́ ɔyɛ́á yɛ́ ŋɔ ndafámá ɔ misí bɔkɔasɛ́á, Huɛlɛ́ a ŋɔ tundondoní tɔ́ nɔɔ́mɛná ndəndəməkiə.

A ná manyɔ́ laa a sɛ́á: «Bɔnɔŋɔ bɔ́mɔtɛ́ bɔ́ ŋɔ ɔsɔ́kɔ́ bɔnɔŋɔ nuəkiə, nɛ́mɔtɛ́ nɛmanɛna nɛ́ ŋɔ ɔsɔ́kɔ́ nɛmanɛna kumunə.

Yə́susu a sɛ́á: «Nɔ manyaka, nɔ lɛ bɛ́níása ɔwá bá bənú nə́nə́síə́. Ɔ taká, bɛndɔ bəəŋí bá ŋɔ ndasá bá nɛ́ámɛ́á niínyə bɛ́kɛ́ákɛ́na, bá ŋɔ laaka bá sɛ́á, ɔwámɛ á Huɛlɛ́ a ná lɔma: “Ikúílí yɛ́ nɔ ndafámá!” Nɔ lɛ bəə́bu ɔŋgɔ.