Versets bibliques populaires de Lúkasɛ 22

Partager

a sɛ́á: «Á Isə́, ábá ɔ ndɔ nɔ́yɛ́ hikiə, ə́kə́nə́síə́ yɛ́ɛ́yɛ́ ɛnyɛ́ná yɛ́ məsə́kə hata na mɛaŋɔ́á. Tátá ɛ́sɛ́á mɛ ndɔ hikiə, mba ɛ́sɛ́á ɔ ndɔ siə.» [

Mba, mɛ ná bɛ́kálákɛ́na ɛlɔ́áyɛ́ áwɔ ɔkɛaka ɔwá yáwɔ́á ilumininə yɛ́ lɛ nimə. Ikúílí ɔyɛ́á ɔ ŋɔ ndahíáná, ónókíníə́ báwɔ́á bənínyə́.»

Nɔ́yɛ́, a ná bɛlɛ́tɛ ɛtá, a ná Huɛlɛ́ mohóloniə híə́níníə́, a ná mɛɛ́ta bísə́kə́níə́, a ná bəə́bu mɛɛ́ta índíə́ a sɛ́á: «Yɛ́ɛyɛ́ yɛ́ lɛa yamɛ́á mɛɛ́lɔ ɔyɛ́á mɛ ná índíə́ ɛlɔ́áyɛ́ ənú. Nɔ́ nɔ́yɛ́ kɛ́áka ɔ ɔwámɛ ɛbɛ́kɔ́lɔmɔna.»

Əlimə yɛ ɔnɛ́á, a ná nɔ́yɛ́ híə́núlíníə́ na ɛnyɛ́ná yɛ́ məluku, a sɛ́á: «Yɛ́ɛyɛ ɛnyɛ́ná yɛ́ məluku yɛ́ lɛa nɛtɔana niɔ́sɔ nɛ́ máámɛ́á manɔ́ŋɔ́ ɔmá má ná ólókókíə́ ɛlɔáyɛ́ ənú.

Bɔkɔ́lɔ́ma bɔ́ ná Yə́susu itíə́, a ná botólíə́ ɔ ubíyə́bə a bɛ́kálákɛna mɔŋɛ́ŋa. Ilúhə́ ɔyɛ́á yɛ́ ná bá yɛ́ ndɔ wɛɛ́ya fáma, yɛ́ ka báá ɛ́sɛ́á mətə́bí má manɔ́ŋɔ́ ɔmá má ndɔ kɔa ɔ misí].

Mba, nɔ́yɛ́ yɛ́ sá hɔ́ánana ɔbá ɛlɔáyɛ́ ənú, wɛ́ɛ́yɛ́ ɔwá a lɛ́á mɔŋɛ́ŋa ɔ uwənú ətíə́, a ná hɔ́ánána ɔbáá ɛ́sɛ́á mɔná mɔtɛ́tɛ́á, wɛ́ɛ́yɛ́ ɔwá a ndɔ manɛna, á bámɛ́nɛ́ná ɔ́maná ɛ́sɛ́á ɔwá a lɛ́á mɔnyɛna.

Yə́susu a sɛ́á: «Á Bíə́lə, mɛ ndɔ aŋɔ́á lɛna, miɔkɔ́ yɛ́ sɔ ŋɔ lɔ́ŋɔ niɔfɛ́nɛ, ɛŋaná ɔwámɛ ɔbɛ́sáŋɔ́na bikúílí bɛ́lálɔ́ na ɔlaa ɔwá, ɔ lɛ ndɔ mɛaŋɔ́á manya.»