Versets bibliques populaires de मरकुस 2

Partager

बाकी बाता सुणर ईसु बाऊँ बोल्यो, “निरोगा मिनखानै बेद की जुर्त कोनी होवै। रोगलानैई बेद की जुर्त पड़ै ह। म धरम्या ताँई कोनी आयो पण पाप्या अर अछूता ताँई आयो हूँ।”

ईसु बाकाळा बिस्वासनै देखर बि हवा भेयड़ा मिनखऊँ बोल्यो, “बेटा तेरा पाप धुपगा।”

अर ईसु बाऊँ बोल्यो, “अरामहाळो दिन मिनखा क भला ताँई बणायो गयो ह मिनख अरामहाळा दिन ताँई कोनी बणायो गयो।

पण घणीसारी भीड़ की बजेऊँ बे बिनै ईसु कनै कोनी लेज्या सक्या। जणा बे अंय्यां कर्या क बे बि कोठा की छात प चढगा अर जठै ईसु हो बठैऊँ बि छातनै हटाया अर बे बिनै खाटली प सुवार रस्सा क बळ ईसु कनै लटका दिओ

पण म थानै सची बोलुँ हूँ क, मिनख का बेटानै इ धरती प पाप धोबा को हक ह।” अर ईसु हवा भेयड़ा मिनखनै बोल्यो, “म तनै बोलुँ हूँ खड़्यो होर तेरी गुद्ड़ी लेर तेरै घरा चल्यो जा।”

सोरो काँई ह, इ हवा भेयड़ानै ओ खेबो क तेरा पाप धुपगा। नहिस ओ ओडाबो क खड़्यो हो अर तेरी खाटली उठार चाल पड़।

अर बो खड़्यो होर तावळोसो आपहाळी खाटलीनै उठार सगळा की आँख्या क आगैई चलेगो। अंय्यां को काम देखर बाकै ताजूब होयो अर बे आ बोलर परमेसर की जे-जैकार करी क, “म्हें अंय्यां को कार कदैई कोनी देख्या।”