Versets bibliques populaires de Juan 4

Partager

Man i Dios lik Tewal, xaq pachin kkikoj u'ij, rajwaxik chi lik kkiya ni kib' che utewal i Dios re krok'aj ni utzam ronojel ni'pa i kkaj u'anik.

Xwiri kuriq ni ij, xaq lik are chik i ij iri, chi konojel ni'pa kkikoj u'ij i Ta chikaj, lik chkikojo na pacha kmajawik xaq lik pacha kub'ij i utewal i Dios man i Ta chikaj keje ile kraj chke ni'pa i kkikoj u'ij Ire.

Xwiri jun we kutu' i ya chi kinya yin che, lik kpe ti chik uk'atik, man i ya chi kinya yin, ku'an ni pacha jun ralaxb'al ya puk'ux re i k'aslemal chi kk'is ti chik.

I Jesús xula' uwach che: —Wetene aweta'am wach kuya i Dios, xaq wetene aweta'am pachin taq kutz'onoj uya' chawe, yet neri katz'onoj aya' che. Ire kuya neri k'aslik ya chawe —xcha.

Xwiri i Jesús xub'ij chke: —Inwa yin, are u'anik pacha kraj i xintaqaw loq, xaq kink'is ni uchak chi uya'om chwe.

I ixoq xub'ij che: —Nim laj winaq, lik nti ne kawesb'ej li re i ya xaq i k'otom lik naj upam; ¿Ipa kak'am wi uri i k'aslik ya chi kasujuj chwe?

Are uri i ixoq xub'ij che i Jesús: —Weta'am chi kk'un i Cristo chi taqtal li rumal i Dios chi Cristo ub'i. Are kk'un Ire kusaqij ni ronojel chqe. Are uri i Jesús xub'ij: —I Cristo chi kab'ij le are yin, chi kinlapan awu' —xcha.

—Chixpet chrilik jun achi chi xub'ij chwe ni'pa in-anom. ¿Moqxa are i Cristo?