Versets bibliques populaires de Mataayo 6

Partager

Mbe bhoono, mutune mbere obhukama bhwa Waryubha, na obhuheene bhwaye. Hayo nho, muryongeribhwa agandi gayo gonsego.

Mbe bheenyu, mutanyanka eguru ya ejo, kwa okubha ejo iina enyanko yaayo. Na kira orusiku ruuna enyanko yaarwo ya okwisa.

“Mbe, ndabhakeerya ega, mutanyankira obhuhoru bhwenyu ega, murirya-ki, kasi murinywa-ki, kora mutanyankira emibhiri gyenyu ega, muriibhoha-ki. Bhoono, obhuhoru bhutakukira ebhyakurya, na omubhiri gutakukira emyenda?

Nawe, uuwe hanú orasabha, osohe mukinyumba kyaho na osiike ekiseku. Kimwi omusabhe Eseweenyu unú atakumaahikana, weeki aramaaha gonsego ganú geebhisiri, na arakuhaana omutuho.

Mbe, bhoono mureenderwa mumusabhe Waryubha ega, Taata weetu owa murwire, eriina ryaho rigungibhwe, obhukama bhwaho bhuuje, obhwendi bhwaho bhukoreke mukyaro hanu, kya murwire eyo.

Otuhaane ebhyakurya bhya kira orusiku.

Otwabhire obhusarya bhwetu, kya ego na bheetu turabhaabhira bhanú bharatusarirya.

Otakaatutiga tusohe mumasakyo, nawe, otutuurye na omusarya urya Erisambwa. [Kwa okubha obhukama na eginguru na obhukuru, m-byaho, koko na koko! Amina.]”

Yeesu akagendererya okugamba ega, “Nyoore muraabhira abharikyenyu obhusarya bhwabho, Eseweenyu owa murwire arabhaabhira bheenyu obhusarya bhwenyu.

Mbe, mumaahe ebhinyonyi. Bhitakuhamba, bhitakugesa kora bhitakubhiika ebhyakurya mubhitara. Nawe, Eseweenyu owa murwire, arabhiriisya. Bhoono bheenyu, mutaringi abha obhwera obhunene okukira ebhinyonyi bhiyo?

“Mbe bhoono, muteetuurira ekibhumbiko mukyaro kinu. Muyo mmo ebhibhungi na obhukerebheru bhirasarya, na abheebhi bharahaanyura enyumba, naho bheebhe. Nawe, mwituurire ekibhumbiko murwire hanú ebhibhungi na obhukerebheru bhitakusarya, na abheebhi bhatakuhaanyura, naho bheebhe. Mukore ego, kwa okubha hanú ekibhumbiko kyaho kiringi, nho na omutima gwaho gonse guribha.

“Atariho omuntu unú aratura okukorera emirimu abhakuru bhabhiri kwa eribhaga rimwi, kwa okubha araamujimire oumwi na okumuhanja oundi, kasi okugwatana na oumwi na okumujeera oundi. Ego na bheenyu, mutakunagya okukorera emirimu Waryubha na ebhintu kwa eribhaga rimwi!

Bhoono, nyoore Waryubha areebhohya ego obhunyanki bhwa mwisisi, bhunú reero bhuriho na ejo bhureeswa mumururo, mbe bhoono, Waryubha ataritura okubheebhohya bheenyu abhantu bha eimani enke?

Ndabhakeerya obhuheene ega, bhamariri okunyoora omutuho gwabho. Nawe, uuwe hanú orabheera abhatobhu, kora okubhoko kwaho kwa obhumosi kutamanya kinú okubhoko kwa obhuryo kuraruusya, naho obhubheeri bhwaho, bhubhe kwa ekinyerera. Na okaakora ego, Eseweenyu unú ararora ganú garakoreka kwa ekinyerera, arikuhaana omutuho.

“Mwiyangararire! Mutakora amakorwa amajomu, naho abhantu abhandi bhabharore. Nyoore muraakorenga ego, mutakunyoora omutuho gogonse okurwa kwi Eseweenyu owa murwire.

“Kweki hanú mureeyima ebhyakurya, obhusu bhwenyu bhutoorokya okusurumbara kya ego bhanyarwambe bharakora. Bheeki bharakunya obhusu bhwabho, naho abhantu bharore ega, bheeyimiri ebhyakurya. Ndabhakeerya obhuheene ega, bhamariri okunyoora omutuho gwabho. Nawe, uuwe hanú oreeyima ebhyakurya, woogye obhusu bhwaho na okwihaka amaguta mumutwe gwaho, naho otamaahikana kubhantu ega, wiyimiri ebhyakurya. Nho, Eseweenyu unú atakumaahikana, ngʼo omwenego aramanya. Weeki aramaaha gonsego ganú geebhisiri, na arakuhaana omutuho.