Versets bibliques populaires de Zenez 6

Partager

LESEGNER regrete ki li finn met bann imin lor later. Sa fer so leker fermal.

LESEGNER trouve ki bann dimoun finn vinn bien move lor later. Zot leker touletan ranpli ar lemal.

Me Noe gagn lestim LESEGNER.

Ala zistwar Noe. Parmi bann zenerasion dan so lepok, Noe enn zom zis, san repros, e li mars avek Bondie.

Li dir: “Mo pou detrir tou dimoun lor later. Mo pou balye zot tou, dimoun, zanimo, bebet, ek zwazo. Mo regrete ki mo finn kre zot.”

Kan dimoun pe ogmante lor later, boukou tifi pe pran nesans. Bann abitan lesiel trouv bann tifi la bien zoli. Zot vinn marye avek seki zot swazire. Lerla, LESEGNER dir: “Mo souf lavi pa pou res dan bann imin pou touzour, parski zot zis enn bann mortel. Zot lavi pa pou depas 120 an.” Sa lepok la, e mem apre, ena bann zean lor later. Zot desandan bann abitan lesiel ek bann tifi imin. Zot bann gran gerye e zot bien renome.

Noe fer tou seki Bondie komann li.

Lerla, Bondie dir Noe: “Mo finn desid pou eliminn tou dimoun. Akoz zotmem ki later finn ranpli ek violans. Asterla, mo pou detrir zot tou ansam ar later.

Pran bann meyer dibwa e aranz enn bato. Met plizir kabinn ladan. Mastik so plans andan ek deor avek koltar.

Bondie trouv tou lezot dimoun koronpi, e ena laviolans partou lor later. Zot tou pe swiv sime lemal.

Pran enn mal ek enn femel dan sak lespes parmi tou bann kreatir vivan. Met zot dan bato pouki zot res vivan avek twa.