Versets bibliques populaires de Piancilna 6

Partager

Leitungah mihing a bawl pen TOPA khial kisa a, tua thu in ama' lungsim dahsak hi.

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu TOPA in mu hi.

Ahih hangin Noah in TOPA’ maipha mu hi.

Hihte in Noah’ suan-le-khakte tangthu ahi hi. Noah in a thuman mi khat hi a, ama' khang-ah paubang lo hi; Noah in Pasian tawh lam paikhawm hi.

Tua ahih ciangin TOPA in, “Ka piansaksa mihing, ganhing, a bokvak ganhingte leh huih lak vasate, lei maitang panin ka phiatkhia ding hi, bang hang hiam cih leh amaute ka bawl ka khial hi,” ci hi.

Lei maitang tungah mite tam dingin hong kipanin, amau’ sung panin tanute hong suah ciangin, Pasian’ tapate in mite’ tanute hoih hi, ci-in mu uh hi; amaute in a deih bangun tuate zi-in la uh hi. Tua ciangin TOPA in, “Ka Kha inmi tawh buai paisuak lo ding hi, bang hang hiam cih leh mihing pumpi in a si thei ci-le-sa hi a, a khan’ in kum za leh kum sawmnih hi ding hi,” ci hi. Pasian’ tapate in mihing' tanute luppihin, amaute in ta a neih hun laitak hita leh tua khit hita leh, amau’ suan-le-khak Nefilim a kici mite leitungah om hi. Hih mite in tang lai-a mi thahat, mi minthangte ahi uh hi.

Noah in tua mah bangin hih hi; amah in Pasian’ thupiak khempeuh hih hi.

Pasian in Noah’ kiangah, “Mi khempeuh beisak ding ka khentat zo hi; bang hang hiam cih leh amau’ hangin leitung in ngongtatna tawh kidim hi; en in, leitung tawh amaute ka susia khawm ding hi.

Nang adingin noah-taaksing tawh teembaw khat bawl in; teembaw sungah a deite bawl in la, a sung leh a pua kultal tui tawh zut in.

Pasian in leitung mu hi, en un, kisia hi; bang hang hiam cih leh leitungah mi khempeuh a sia-in a gamta lo kuamah om lo hi.

Nuntakna a nei khempeuh nang tawh a nungta dingin nam khatah nih ciat teembaw sungah na paipih ding hi; tuate pen a nu leh a pa hi ding hi.