Versets bibliques populaires de Мф 6

Partager

Эн чот Юмын Кугыжанышым да Тудын чынжым кычалза, тунам чыла тиде тыланда пырля пуалтеш.

Тугеже, эрласе кече нерген ида тургыжлане, вет эрласе кечын шкенжын азапланымыже уло: кажне кечылан шке тургымжо сита.

Сандене тыланда ойлем: мом кочкына да мом йӱына манын, чонда верч ида азаплане, ӱмбакына мом чиена манын, капда нергенат ида ойгыро. Кочкыш деч чон да чием деч кап шергырак огыл мо?

А тый, кунам кумалат, пӧлемышкет пуро, омсатым петыре, пеленет улшо ужаш лийдыме Ачатлан кумал. Еҥлан койдымым ужшо Ачат тылат шинчаш койшын пӧртылта.

А те тыге кумалза: Пылпомышто улшо мемнан Ачана! Тыйын святой лӱмет мокталтше, Тыйын Кугыжанышет толжо, Тыйын эрыкет мланде ӱмбалнат пылпомышсо гаяк лийже.

Мемнан илышаш киндым, тачылыкым, мыланна пу.

Еҥ-шамычын мыланна ыштыме языкыштым кудалтымына гаяк мемнан языкнамат кудалте.

Языкышке мемнам ит пурто, осал дечын мемнам утаре. Вет Тыйын Кугыжанышет, куатет, чапет курым-курымеш. Аминь.

Еҥ-влакын сулыкыштым кудалтеда гын, Пылпомышсо Ачада тенданымат кудалта.

Кавасе кайык-влакым ончалза: нуно огыт ӱдӧ, огыт тӱред, амбарышкат огыт опто, тендан Пылпомышсо Ачада нуным пукша. Те нунын деч шергырак огыдал мо?

Шкаланда мланде ӱмбалсе поянлыкым ида пого, тыште тудым когарш ден рӱдаҥыш пытарат, вор-влак кӱнчен пурат да шолыштыт. Пылпомышсо поянлыкым шкаланда погыза, пылпомышто когаршат, рӱдаҥышат огыт пытаре, вор-влакат кӱнчен огыт пуро да огыт шолышт. Кушто тендан поянлыкда, туштак шӱмдат лиеш.

Нигӧ кок озалан тарзыланен ок керт: иктыжым ужмышудымо лиеш да весыжым йӧрата, але иктыжлан чоным пуэн ышта, весыжым ок шотло. Те ик жапыштак Юмылан да поянлыклан служитлен огыда керт.

Таче пасушто кушшо, а эрла коҥгашке шуышаш шудымат Юмо тыге чикта гын, тендам, шагал ӱшаныше-влак, Тудо утларакат сайын ок чикте мо?

А кунам тый йорлылан полшет, пурла кидетын мом ыштымыжым шола кидет ынже пале, тыйын полшымет тек шолып лиеш. Еҥлан койдымым ужшо Ачат тылат шинчаш койшын пӧртылта.

Шекланыза, йорлылан полшымыда годым калык ончылно, шкендам еҥ-влаклан ончыкташ тӧчен, нимом ида ыште, уке гын, Пылпомышсо Ачада деч суапым огыда нал.

Пӱтым кучымыда годым сайла кояш тӧчышӧ-влак семын шӱлыкан тӱсым ида нал. Нуно ойгырышыла коймышт дене пӱтым кучымыштым еҥ-влаклан ончыктынешт. Тыланда чынак ойлем: нуно шке суапыштым ынде налыныт. А тый пӱтым кучымет годым вуешет ӱйым шӱрӧ да шӱргетым муш. Тунам пӱтым кучыметым еҥ-влак огыл, а пеленет улшо ужаш лийдыме Ачат пала. Тудыжо еҥлан койдымым ужеш да тылат шинчаш койшын пӧртылта.