Mphattuwelo 10
10
Maloko a Nowee
1Ala phi mayaranacelo aya asaana a Nowee: Seemu, Kaamu, ni Yafeti. Ni ayo yahoyaranaca uvira wawe naphuvu o maasi.
2Ala ph'asaana a Yafeti: Komeri, Makoki, Mattaayi, Yavani, Tupali, Mesekhi ni Tirasi. 3Ni asaana a Komeri yaari ph'ala: Asikenasi, Rafiki ni Tokarima. 4Asaana a Yavani yaari ph'ala: Elisa, Tarisisi, Kitimi, ni Tamini. 5Wo yaala, phikhumilyaya atthu ankhala mmaacivirini, akawanacaka ncoko aya ni nuulumo naya, wo khula ntthu ni nihimo neelapo awe.
6Ala phaari asaana a Kaamu: Kuusi, Misirayimi, Fuute ni Kanaa. 7Ala phaari asaana a Kuusi: Sepaa, Havila, Sapita, Ramaa ni Sapiteka. Ala phaari asaana a Ramaa: Sapaa ni Tetaa. 8Kuusi ciicammo ahonnyara Ninroti, nlopwana oopacera ookhomaala cinene mwiilaponi. 9Ule aari nlupa muulupale wamiithoni wa Mwanene Nluku, phimaana wiiriyaka: Nlupa toko Ninroti wamiithoni wa Mwanene Nluku. 10Wiipaceroni umwene awe wamphiya uPapeli, Ereki, Akate ni Kalineha, ilapo yo'Sinari. 11Ukhuma wawe yeela ilapo ela ahorwaa wAssiriya wantekilyawe Ninive, Riyopoti-Iri, Kalaa 12ni Resemi, inkhala ncoko wo'Ninive ni uKalaa, iparasa yuulupale.
13Misirayimi ahaayara annaluta, annamita, annaleyapa, annafutuwa, 14annapaturusa, annakasuluwa, mwa yaala phikhumelenle annafilisitiya ni annakaftori. 15Kanaa ahonnyara Sitoni, mwana omuulupale, ni Hete, 16ciicammo toko annayepusi, annamori, annakirkasi, 17annahivi, annarki, annasini, 18annarivati, annasemara ni annahamati. Wahoolo mahimo o annakanani yahomwaryaca. 19Miinano co'Kanaa caakhuma uSitoni, ni carwaa mpaka uKerari, ni caamphiya uKasa ni, ukhuma wonwo, canrwaa mpaka uSotoma, uKomora, wAtama ni Sepoyimi ciphiyaka mpaka uLaasa. 20Ala phi mayaranacelo a Kaamu, ni mahimo aya ni moolumo aya, mmicokoni ni mwiilaponi mwaya.
21Seemu aari nhimawe Yafeti ni ciicammo ahaayaraca asaana. Ule phaari mayapaapa a atthu othene a Heperi. 22Ala phaari asaana a Seemu: Elamu, Assuri, Arifacate, Luuti ni Aramu. 23Ala phaari asaana a Aramu: Usi, Huli, Kether ni Meseki. 24Arifacate ahonnyara Selah, ni Selah ahonnyara Heperi. 25Heperi ahaayarela asaana eeli: Mmoca uyo eehaninya Peleki, kontha ukati awe ilapo yahokawaninya, ni nhimawe eehaninya Yokitani. 26Yokitani ahonnyara Almotati, Salefi, Hasaramarvete, Yerah, 27Haturami, Usaali, Tikala, 28Opal, Apimayeli, Sapaa, 29Ofiri, Havila ni Yopapi. Ala othene ala yaari asaana a Yokitani. 30Ncoko wakhalacaya uyo weecatala ukhuma uMeesa mpaka uSefari, mmwaakoni uri mphantte unkhuma ncuwa. 31Ala phi mayaranacelo a Seemu, ni mahimo aya ni moolumo aya, mmicokoni ni mwiilaponi mwaya.
32Ala phi mahimo a asaana a Nowee, ookawanacene mwiilaponi mwaya, toko ciriyaya mayaranacelo aya. Ukhuma wo yaayo, atthu ahomwareela mwiilaponi, uvira wawe naphuvu o maasi.
Sélection en cours:
Mphattuwelo 10: NNI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2021, Wycliffe Bible Translators, Inc. All rights reserved.