Juan 1
1
1Mai anglal saia o Alav, ta o Alav saia e Devlea ta o Alav saia o Del. 2Vou saia mai anglal e Devlea. 3Sa e ezgode letar cherdile, a bi leko niso katar so si cherdo ni cherdiloia.#Jen 1.1-3; Sal 33.6; Pr 8.22-31; Kol 1.15-17; Ebr 1.2; 1 Jn 1.1; Apo 19.13. 4Ande le saia o zivoto, ta o zivoto saia o villelo e manusengo. 5O villelo ando truniariko klichil, ta o truniariko nasti mundarda le.
6Saia iek manus bichaldo e Devletar, kai ikhardola Juan.#Mt 3.1; Mk 1.4; Lk 3.1-2. 7Vou avilo pala e orba e chachi, te sai del e orba e chachi katar o villelo, te sai pachan ande le sa e manusa pala e orba kai vou dela. 8Vou ni saia o villelo, vou avilo te sai del orba chachi katar o villelo. 9O villelo chachuno kai kletosarel suakone llene avela pe gava sueto.
10Ando sueto saia, ta o sueto letar cherdilo, a o sueto ni llangla ko saia vou. 11Pala piro avilo, a leke ni lie le. 12A sa golen kai lie le, golen kai pachan ande leko anav dia len e dragostia te sai cherdon chave e Devleke. 13Von ni biandile katar e volia e maseki, ni rateki, ni e manuseki, von biandile e Devletar. 14Ta gua Alav cherdilo manus ta zivisarda maskar amende, pherdo volipe ta chachipe, ta dikhlam leki dragostia,#Mt 11.27; Lk 10.22; 1 Jn 1.2.
dragostia sar o edino Chavo e Devleko. 15O Juan dia orba chachi letar kana phenda:
Gava si kai me phenava letar: Kai avel pala mande, kai si mai anglal mandar, soke saia mai anglal mandar.
16Soke saurre liam katar leko barvalipe ta katar leko chachipe, 17soke o zakono diale katar o Moises, a o volipe ta o chachipe avile katar o Jesukristo. 18E Devle niko ni dikhla le nikada. O edino Chavo kai si lea, vou cherda te pinllaren le.
Alava katar o Juan kai kristil
Mt 3.11-12; Mk 1.7-8; Lk 3.15-17
19Gaia si e orba e chachi katar o Juan, kana e judiura bichalde katar o Jerusalem poponen ta levituria te puchen le:
¿Tu, ko san?
20Ta chachimaia phenda lenge:
Me ni sem o Mesias.
21Pale puchle le:#Dt 18.15,18; Mal 4.5.
¿Ko san tu, o Elias?
O Juan phenda lenge:
Inai sem o Elias
¿A ko san tu, o profeta?
O Juan phenda:
Iok.
22Phende leke:
¿A ko san? Si te phena vareso golenge kai bichalde amen. ¿Phen amenge ko san tu?
23O Juan phenda:#Is 40.3.
Me sem o avazi katar iek lleno kai urkil po pusto:
‘Ortosaren e Gazdako drom,’ gia sar phenda o profeta o Isaias.
24A gola llene kai sea bichalde te den orba e Juanea, sea katar fariseura. 25Ta puchle le:
¿Soke kristisare, kana tu inai san o Kristo, ni o Elias, ni o profeta?
26O Juan phenda lenge:
Me kristiv tumen e paiea, a maskar tumende si iek kai tumen ni pinllaren. 27Gava si gua kai avel mapalal mandar, me ni sem lacho ni te putarav o kavisi leke miniengo.
28Gala ezgode nakhle ande Betania, pe ogoia rig katar o Jordan, kote kai o Juan kristila.
E Devleko Bakro
29Thiarinako o Juan dikhla kai o Jesus avela lete, ta phenda:
¡Etalo kote e Devleko Bakro, kai ikanel o bilachipe e suetotar! 30Letar dava orba kana phendem: Pala mande avel iek lleno kai si mai baro mandar, soke vou zivila mai anglal te biandivav me. 31Ta ni me ni pinllarava le. Goleke avilem te kristisarav e paiea, te sai pinllarel le o Israel. 32Ta o Juan phenda:
Dikhlem kai o Duo fuliela katar o miloso sargo iek gulubo, ta achilo upral pe lete. 33Me ni pinllarava le. A gua kai bichalda man te kristisarav e paiea, phenda mange ‘Pe gua kai ka dikhe kai fuliel o Duo ta kai achel pe lete, gua si kai kristisarel e Santone Duoia.’ 34Ta me dikhlem le, ta phenav kai vou si e Devleko Chavo.
E purve disipulura
35Thiarinako pale saia o Juan, ta dui katar leke disipulura. 36Ta kana dikhla kai o Jesus llala kotar, phenda:
¡Etalo kote e Devleko Bakro! 37E dui disipulura e Juaneke kana asunde so phenda o Juan lleletar pala o Jesus. 38Kana o Jesus boldinailo, ta dikhla kai llele pala lete, phenda lenge:
¿So roden?
Von phende:
Kovachi, ¿kai zivi?
39O Jesus phenda lenge:
Aven te dikhen.
Von llele ta dikhle kai zivila, ta achile lea gua llive. 40O Andres, phlal katar o Simon Pedro, saia iek katar e dui kai asundea e Juane, ta kai llele pala o Jesus. 41O Andres mai anglal llelo te rodel pe phlale e Simono, ta phenda leke:
Maladam e Mesiase kai gua si o Kristo.
42Ta anda le kai o Jesus. Ta o Jesus dikhla pe lete, ta phenda:
Tu san o Simono, chavo e Juaneko, tu ka ikhardo Sefas, Sefas si Pedro
O Jesus ikharel e Felipe ta e Natanaele
43Thiarinako mangla o Jesus te llal ande phuv katar e Galilea. Kote malada e Felipe ta phenda leke:
Aide pala ma.
44O Felipe saia katar e Betsaida, o foro e Andreseko ta e Pedroko. 45O Felipe malada e Natanaele ta phenda leke:
Maladam gole kai o Moises pisisisarda letar ande lila e zakonoke, ta kai i e poraukura pisisarde letar: O Jesus, o chavo e Joseeko, katar o Nazaret.
46O Natanael phenda leke:
¿Sai liklel varesavo lachipe katar o Nazaret?
O Felipe phenda leke:
Aide ta dik.
47Kana o Jesus dikhla kai o Natanael avela karing lete, phenda letar:
¡Etalo kote avel iek chachuno lleno katar o Israel, kai ande lete inai kojaipe!
48O Natanael phenda leke:
¿Katar pinllare man?
O Jesus phenda leke:
Mai anglal te ikharel tut o Felipe, kana sana telal katar e simochina, dikhlem tut.
49O Natanael phenda leke:#Mt 16.15.
¡Kovachi, tu san e Devleko Chavo! ¡Tu san o Charo e Israeleko!
50O Jesus phenda leke:
¿Soke phendem chuke Dikhlem tut telal katar e simochina pacha? Ezgode mai bare galendar ka dikhe.
51Ta i phenda leke:#Jen 28.12.
Chachimaia phenav tumenge kai katar angle ka dikhen o miloso putardo ta e Devleke suechura kai liklen ta fulien upral pe manuseko Chavo.
Sélection en cours:
Juan 1: BACHRO
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Biblia ande chib Romani © Sociedad Bíblica Chilena, 2018.
