Juan 2
2
O biau ande Galilea
1Pala e trin llive cherde iek biau ando foro kai ikhardola Kana katar e phuv katar e Galilea. Kote saia e Jesuseki dei, 2ta o Jesus ta leke disipulura sea ikharde pe gua biau. 3Ta kana trubula e mol, e dei e Jesuseki phenda leke:
Inai len mol.
4O Jesus phenda lake:
Chei ¿so si chuke? Ni ios ni avilo mo llive.
5A voi phenda e eslugenge:
Cheren sa so vou ka phenel tumenge.
6Sea kote sou piria barrustune kai andre saia o pai kai e judiura cherena lea o zakono katar o chistope. Ande suako iek resena dui o trin bardakuria. 7O Jesus phenda e slugenge:
Pheren gala piria pai.
Ta pherde len, 8ondaka o Jesus phenda lenge:
Akana ikanen katar e piri, ta inllaren kai o lleno kai gazdaril po biau.
Ta von inllarde leke. 9Kana o gazda e biaveko pila o pai kai cherdilo mol, vou ni llanela katar saia, a e esluge kai ikanena o pai llanena katar saia. Ondaka o lleno kai gazdarila po biau ikharda e chave kai zinilape, 10ta phenda leke:
Suako lleno thovel mai anglal e mai lachi mol, ta kana e llene pien goia mol, ondaka thoven o goia mol, a tu muklan e mai lachi mol llik akana.
11Gaia si e purvo drom kai o Jesus cherda iek bari ezgoda Devlikani ando foro kai ikhardola Kana katar e phuv katar e Galilea, ta golea sikada pi zor, ta leke disipulura pachaie ande lete.
12Mapalal lleletar ando Kafarnaum, vou leki dei, leke phlal ta leke disipulura. Ta achile kote nesave llivesa.#Mt 4.13.
O Jesus chistosarel o cher e Devleko
Mt 21.12-13; Mk 11.15-18; Lk 19.45-46
13Kana saia pase e Paskua e judionengi, o Jesus llelotar ando Jerusalem.#Ek 12.1-27; Dt 16.1-8. 14Ta malada ando cher e Devleko golen kai bichinena guruven, bakren ta gulubura, ta i golen kai pharruvena e love ta besena kote ta cherena po rado. 15Kana o Jesus dikhla so cherena, cherda peke e solenchar iek bicho ta tradia len katar o cher e Devleko sa gole llenen kai andea pe bakren ta e guruven. Ta tradia golen kai pharruvena e love ta boldia lenge stalia. 16Ta phenda golenge kai bichinena gulubura:
¡Ikanen gava katar! ¡Na cheren me Dadeko Cher iek duchano!
17Ondaka leke disipulura diepe golli katar o Pisipe kai phenel: O volipe kai si man pala cho cher phabarel man sargo e iag.#Sal 69.9.
18Ta e judiura puchle le:
¿Sikau amenge katar le e zor te gazdari pe gala ezgode?
19Ta o Jesus phenda:#Mt 26.61; 27.40; Mk 14.58; 15.29.
Peraven gava cher e Devleko, ta ande trin llive me pale ka vazdaule.
20Ondaka e judiura phende leke:
Ande saranda ta sou burs vazdinailo gava cher e Devleko, ¿a tu ande trin llive mange vazdele?
21A o Jesus dela orba isto katar pi esnaga, kai si o cher e Devleko. 22Goleke, kana ustilo katar o meripe, leke disipulura diepe golli kai vou phendaia gava, ta pachaie ando Pisipe ta ando alav kai phendaia o Jesus.
O Jesus llanela so mislinape e manusa
23Kana o Jesus saia ando Jerusalem ande llivesa katar e Paskua, but llene pachaie ande leko anav kana dikhena e ezgode kai vou cherela. 24A isto e Jesuse ni saia le vera ande lende, soke pinllarela saurren, 25ta ni trubulale te phenel leke niko cheres nika, soke vou llanela so mislinape e manusa.
Sélection en cours:
Juan 2: BACHRO
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Biblia ande chib Romani © Sociedad Bíblica Chilena, 2018.
