ST. JOHN 15
15
1Neen suh nindow ewh quuhyuk shooweminuhgahwunzh, Noos dush ketega‐wenene ahwe.
2Anduhsoo puhkatequunuhgezeyaun suh menik mahnewunsenook oowabenaun: kuhkenuh enewh dush mahnewungin opeenetoonun, ashkum chemeenewung.
3Noongoom suh dush kepeenezeem oonje ewh ekedoowin kahenenuhgoog.
4Duhnezeyook emuh neyowing, kuhya neen dush cheduhnezeyaun emuh keyowewaung. Debishkoo kaëzhemeenewunsenoogebun ewh ootikwun, kishpin ahyahsenook emuh shooweminahgahwunzheeng, mesuh kuhya kenuhwah kaëzhemenewesewag kishpin ahyahsewag emuh neyowing.
5Neen suh nindow ewh shooweminahgahwunzh, kenuhwah dush ootikwaunun kedahwim: owh suh ayaud emuh neyowing, kuhya neen dush ahyahyaun emuh weyowing, me suh owh kache‐menewid: duhnezesewag muh emuh neyowing kahween gagoo kedahkushketoosenahwah.
6Kishpin ahweyah ahyahsig emuh neyowing, wabenegahzoo suh debishkoo azhewabenegahdag ewh ootikwun, naboodamahguk dush, oomahwundoonahwaun dush egewh enenewug, ahpuhgeduhmoowaud dush emuh ishkootang, chahgetag dush.
7Kishpin ahyahyag emuh neyowing, kuhya nindekedoowinun emuh keyowewaung ahyahmahguk, wagoodoogwan wahnundooduhmoowagwan, me ewh kadoodahgooyag.
8Mesuh oo‐oo azhepeshegandahgooïnd Noos, nebewah chemeneweyag, me dush ewh kaöokekenooähmahgunemenuhgoog.
9Debishkoo kahezhesahgeïd owh Noos, me ewh kuhya neen kahezhesahgeënenuhgoog: ahyahyook emuh nesahgeëwawining.
10Kishpin guhnuhwanduhmag nekuhgequawinun, kegahahyaum emuh nesahgeëwawining, debishkoo kuhya neen kahezheguhnuhwanduhmaun Noos ookuhgequawinun, kuhya ahyahyaun emuh oosahgeëwawining.
11Kegeëzheguhnoonenim suh oonoo, ewh dush nuh nindoonahnegoozewin cheähyahmahguk emuh keyowewaung, kuhya chemooshkenamahguk kedoonahnegoozewinewah.
12Mesuh oo‐oo nekuhgequawin, kenuhwah chesahgeëdeyag, debishkoo neen kahezhesahgeënenuhgoog.
13Kahween ahweyah gagoo ahwahshema apetandahgwuk sahgeëwawin ooduhyaunseen dush ween oo‐oo, ahweyah chepuhgedenuhmahwaud ewh oobemahdezewin enewh ooweejekewaün.
14Kenuhwah suh kedooweejekewaëmenim, kishpin ezhechegayag e‐ewh azhekuhgekemenenuhgoog.
15Noongoom kahween kayahbe buhmeetahgunug kedezheweenesenoonim; kah muh owh buhmetahgun ookekanduhseen ewh azhecheganid oodoogemahmun; nejekewaëdoog kegeëzheguhnoonenim; kuhkenuh muh kahenetahwug owh Noos kegeëzhekekanduhmoonenim.
16Kahween kenuhwah kegewahwanabuhmeseem, neen atuh kegewahwanahbuhmenim, kuhya kegeënahkoonenenim, chepahbahmeneweyag, uhpena dush cheduhgoomahguk kemenewinewah: wagoodoogwan dush kanundooduhmoowagwan owh Wayoosemind emuh nindezhenekahzoowining, chemeenenag suh.
17Mesuh oonoo azhekuhgekemenuhgoog, chesahgeëdeyag.
18Kishpin sheenganemenagwah egewh akeewejig, kekekandaum suh ewh kesheenganemewaud chepwah kesheenganemenagwah kenuhwah.
19Kishpin oomah uhkeeng debandahgoozeyagoobun, oodahsahgeähwaun egewh akeewejig enewh tabanemahwahjin; kah suh ween kedebandahgoozeseem oomah uhkeeng; neen suh uhkeeng kegeöonjewuhwanahbuhmenim, mesuh ewh wanjesheenganemenagwah egewh akeewejig.
20Mequanduhmook ewh ekedoowin kahenenuhgoogebun, Kahween ahwahshema ahpeetandahgoozese owh buhmeetuhgun dush ween oodoogemahmun. Kishpin suh kekooduggeëwahgwan, kuhya kenuhwah kegahkooduggeegoowaug; kishpin keguhnuhwanduhmoowahgwan nindekedoowin, kuhya kenuhwah kedekedoowinewaun oogahguhnuhwandahnahwah.
21Kuhkenuh suh oonoo nindezhenekahzoowining kegahoonjedoodahgoowaug, kah muh oogekekanemahsewaun enewh kahezhenahzhahoojin.
22Kishpin suh kepeguhnoonahsewugwahpun, kahween oodahgeähyaunsenahwah ewh mnjje‐ezhewabezewin; noongoom dush kahween oodahyaunsenahwah ewh kaöonje-kahdoowahpun oomujje‐ezhewabezewinewaun.
23Owh suh shaunganemid oosheenganemaun kuhya enewh Noosun.
24Kishpin suh anuhnookesewaunbaun emuh anduhzhe‐ahyahwaud enewh ahnookewinun wekah anuhnookesigebun ahweyah bakahnezid, kahween ooodahgeähyaunsenahwah ewh mujjeëzhewabezewin; noongoom dush ningewahbuhme-goonahnig, kuhya dush ningesheenganemegoonahnig neen kuhya dush owh Noos.
25Oo‐oo suh ezhewabud, ewh ekedoowin chedebishkoosag emuh ootebahkoonegawinewaung wazhebeëgahdag, Ningepeneshe‐sheenganemegoog.
26Uhpe suh ketuhgwishing owh Manoodaäshkahgad kapeöonje‐ezhenahzhahmoonenuhgoog emuh anduhzhe‐ahyaud owh Wayoosemind, owh dabwawine‐Oojechaug, Wayoosemind pahoonjebaud, ningahdebahjemik suh goo.
27Kenuhwah dush goo kegahdebahjemoom, wahyashkud muh kegeöonje‐weejewim.
Sélection en cours:
ST. JOHN 15: OTW
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
