ST. JOHN 14
14
1Kagoo megooshkahjedaäkagoon: dabwayanemik Kesha‐Muhnedoo: kuhya neen dabwayanemeshig.
2Emuh Noos oowegewauming nebewah ahyahwun ahbenahsoowinun: kishpin oo‐oo ezheähyahsenoogebun, kedahgeweenduhmoonenim: Kedahwewahwazhetuhmoonenim cheähyahyag.
3Kishpin dush ahwewahwazhetuhmoonenuhgoog cheahyahyag, menuhwah ningahpeëzhah cheöodahpenenuhgoog; neen anduhzhe‐ahyahyaun, kuhya kenuhwah cheähyahyag.
4Azhahyaun kekekandahnahwah, kuhya dush ewh meekun kekekandahnahwah.
5Thomas dush oo‐oo oodenaun, Tabaningayun kahween nekekanduhsemin tebe azhahwunan, ahneen dush kaëzhekekanduhmaungebun ewh meekun?
6Jesus dush oo‐oo oodenaun, Neen nindow ewh meekun, ewh dabwawin, kuhya dush ewh bemahdezewin, kahween ahweyah oopenaunzekahwahseen enewh Wayooseminjin, oonje atuh neen.
7Kishpin kekekanemeyagoobun kedahgekekanemahwah kuhya owh Noos; noongoom dush oonje kekekanemahwah kuhya kegewahbuhmahwah.
8Philip dush oo‐oo oodenaun, Tabaningayun wahbundaheshenaum owh Wayoosemind, medush chetabuhganemooyaung.
9Jesus dush oo‐oo oodenaun, Maweshah zhuhyegwah akooweejewenenuhgoog, kah nuh dush kegekekanemese, Philip? Owh suh kahwahbuhmid oogewahbuhmaun enewh Wayooseminjin; Wagoonan dush wanjeëkedooyun, Wahbunduheshenaum owh Wayoosemind.
10Kah nuh ween kedabwayanduhse ewh kekishkahwug owh Wayoosemind, kuhya dush owh Wayoosemind kekishkahwid? Enewh ekedoowinun anenuhgoog kahween neen nezheka nekekedoosenun: owh dush Wayoosemind kakishkahwid, mesuh owh anuhnookeed enewh ahnookewinun.
11Dabwayanemeshig chekekishkahwug owh Wayoosemind, kuhya owh Wayoosemind chekekishkahwid, gamuh kuhya enewh ahnookewinun oonjedabwayanemeshig.
12Kagate, kagate, kedenenim, Owh duhyabwayanemid, enewh ahnookewinun anuhnookeyaun kuhya ween tahenuhnooke: ahwahshema dush tahkeche‐ahnookee; nindezhahnun muh owh Noos.
13Wagoodoogwan dush kanundoodahmoowagwan emuh nindezhenekahzoowining, mesuh ewh kaëzhechegayaun, chepeshegandahgoöïnd owh Wayoosemind oonje owh Wagwissemind.
14Kishpin gagoo nundooduhmag emuh nindezhenekahzoowining mesuh kaëzhechegayaun.
15Kishpin sahgeëyag, guhnuhwanduhmook nekuhgequawinun.
16Ningahnundooduhmahwah dush Wayoosemind, kegahmeenegoowah dush bakahnezid Manoodaäshkahgad, kahgenig dush cheweejewenag;
17Owh suh goo dabwawine‐oojechaug, kaöodahpenahsigoog egewh akeewejig; kah muh oowahbuhmahsewaun, kah kuhya ookekanemahsewaun, kenuhwah dush ween kekekanemahwah; keweejeweegoowah muh, kuhya kegahkekishkahwahwah.
18Kahween chekewezeyag kegahezhenuhguhnesenoonim, kegahpenaunzekoonenim suh goo.
19Nahguj kahween kayahbe ningahwahbuhmegooseeg egewh akeewejig; kenuhwah dush kewahbuhmim: ninbemahdiz muh, mesuh dush kuhya kenuhwah kaöonjebemahdezeyag.
20Ewh uhpe kezheguk kegahkekandahnahwah neen chekekishkahwug owh Noos, kuhya kenuhwah chekekishkahweyag, kuhya ewh chekekishkoonenuhgoog.
21Owh ayaung enewh nekuhgequawinun, kuhya ganuhwandung, mesuh owh suhyahgeïd: owh suh suhyahgeïd oogahsahgeëgoon enewh Noosun, kuhya neen ningahsahgeäh kuhya ningahwahbunduhah nindezhetwahwin.
22Judas dush oo‐oo oodenaun, (kahween owh Iscariot,) Tabaningayun ahneen kaëzhewahbundaheyaung nenuhwind ewh kedezhetwahwin, kah dush egewh akeewejig?
23Jesus dush oogenuhquatuhwaun, oo‐oo dush keënaud, Kishpin ahweyah sahgeïd, oogahguhnuhwandaunun nindekedoowinun: Owh dush Noos oogahsahgeäun: ningahbenaunzekahwahnaun kuhya ningahweej‐ahyahwahnaun.
24Owh dush suhyahgeësig kahween ooguhnuhwanduhsenun enewh nindekedoowinun: ewh suh ekedoowin nwaunduhmag kahween neen nindekedoowin ahwunsenoon, Noos atuh kahpeëzhenahzhahood oodekedoowin.
25Oonoo suh dush kegeënenim, magwah kayahbe weejewenenuhgoog.
26Owh dush Manoodaäshkahgad mesuh owh Keche‐Oojechaug, enewh owh Wayoosemind emuh nindezhenekahzoowining kaöonjepuhgedenaud, ahnooj gagoo kegahkekenooahmahgoowah, kuhya ahnooj gagoo kegahmequanduhmooëgoowah, menik kahuhyenenuhgoog.
27Pezaunewawin kenuhguhduhmoonenim, nepezaun-ewawin kemeenenim: kahween azhemeegewamahguk ewh uhkee, kedezhemeenesenoonim. Kagoo megooshkahjedaäkagoon, kagoo kuhya sagandunkagoon.
28Kegenoondahnahwah kahenenuhgoog, Nemahjah, kuhya menuhwah kepenaunzekoonenim. Kishpin suh sahgeëyagoobun, kedahgeminwandaunahwah ewh kahekedooyaun, Nindezhaunun owh Wayoosemind; Noos muh nahwuj ahpeetandahgooze dush ween neen.
29Noongoom dush kezhah kegewahweenduhmoonenim chepwah ewh puhgummesag, bahmah dush kepuhgummesag chedabwayanduhmag.
30Kahween kayahbe nebewah kegahguhnoonesenoonim: tuhgwishin muh owh uhkee‐oogemah, kah dush kuhnuhga gagoo oodahyaunseen emuh neyowing.
31Egewh dush akeewejig chekekanemewaud ewh sahgeüg owh Wayoosemind; kahezhekahgaunzoomid dush owh Wayoosemind, me suh azhechegayaun. Puhsegweeg, oomah oonjemahjahdah.
Sélection en cours:
ST. JOHN 14: OTW
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
