ST. JOHN 19
19
1Me dush owh Pilate keöodahpenaud enewh Jesusun, kepuhzhunzhawaud dush.
2Egewh dush shemahgunishug uhpe kahookadahmahwaud ewh menasahgahwunzhe‐wewuhquaun, oogepesekoonahwaun emuh ooshtequahnening, kuhya oogepesekuhmahwahwaun ewh misquagenoo‐puhpesekoowahgun,
3Oo‐oo dush oogeënahwaun, Keduhnuhmekahgoo, keen kache‐oogemahkundahwudwah egewh Jewyug! oogepahguskeneenjetahwahwaun dush.
4Menuhwah dush kesahguhum owh Pilate, oo‐oo dush oogeënaun, Benuh, kesahgejeweeduhmoonim owh, chekekanduhmag, kuhnuhga mekahmahwahsewug kaoonjeäunwanemindebun.
5Me dush kesahgahung owh Jesus, ahyaung ewh menahsuhgahwunzhe‐wewuhquaun, kuhya ewh mesquagenoo‐puhpesuhkoowahgun. Pilate dush oo‐oo oodenaun, Wahbuhmik owh enene!
6Uhpe dush egewh keche‐sahsahgewejega‐wenenewug kuhya egewh tuhkoonewa‐wenenewug wahyahbuhmahwaud, kepepahgewug, oo‐oo keëkedoowaud, Ahgwahkwah, ahgwahkwah. Pilate dush oo‐oo oodenaun, Kenuhwah oodahpenik, ahgwahkwahook dush, kah muh nemekuhmahwahse ningood kaoonjeäunwanemindebun.
7Egewh dush Jewyug oo‐oo oogenuhquatuhwahwaun, Nindahyahmin ewh tebahkoonegawin, ewh suh tebahkoonegawin wanjeënandahgoozid chenebood, keënahjindezoo muh, Nindoogwissemik owh Kesha‐Muhnedoo.
8Uhpe dush owh Pilate kahnoondung ewh ekedoowin, ashkum kesageze;
9Menuhwah dush kepeendega emuh tebahkoonede‐weguhmigoong, oo‐oo dush oodenaun enewh Jesusun, Ahneende wanjebahyun? Kah dush ween owh Jesus oogenuhquatuhwahseen.
10Pilate dush oo‐oo oodenaun, Kah nuh ween keguhnoozhese? kah nuh kekekandahduhse ewh kushkeäwezewin ahyahmaun cheähgwahkwahoonaun, kuhya kushkeäwezewin ahyahmaun chepuhgedenenaun?
11Jesus dush oogenuhquatuhwaun, Kahween kuhnuhga kedahgekushkeäwezese ningood chedoodahweyun, kishpin ishpeming oonjemeenegoosewumbun: me dush wanje-kuhgwahnesuggandahgwudenig oomujje‐ezhechegawin owh kahpuhgedenemauk neyow.
12Me dush owh Pilate kahoonjenundahwandung chepuhgedenaud; egewh dush Jewyug kekeche‐pepahgewug oo‐oo keëkedoowaud, Kishpin puhgedenud mahbuh, kahween kesahgeähse owh Cæsar; kuhkenuh ninkeche‐oogemowh adezoojig, oomujje‐duhzhemahwaun enewh Cæsarun.
13Pilate dush uhpe kahnoondung oo‐oo ekedoowin, oogesahgejeweenaun enewh Jesusun, kenuhmuhduhbe dush emuh tebahkoonede‐wuhbewining emuh azhenekahdag metussinahbikaung, anwawaud dush egewh Hebrewug, Gabbatha.
14Magwah dush wahwasechegahdag ewh kuhbekoosa‐wekoondewin, keningoodwahswe‐tebahegunag; oo‐oo dush oodenaun enewh Jewyun, Benuh, wahbahmik kekeche‐oogemahmewah.
15Wenuhwah dush keëzhepepahgewug, Mahjeweezh, mahjeweezh, ahgwahkwah. Pilate dush oo‐oo oodenaun, Ningahahgwahkwahwah nuh owh kekeche‐oogemahmewah? Egewh dush keche‐sahsahgewejega‐wenenewug oogenuhquatuhwahwaun, Kahween ahweyah nindookeche‐oogemah-wemahsenaun owh atuh Cæsar.
16Me dush kepuhgedenuhmahwaud ewh cheähgwahquahoomind. Oogeöodahpenahwaun dush enewh Jesusun, keënemahjewenahwaud.
17Anepemewetood dush ewh oodahzhadayahtekoom keëzhah emuh ooshtequaunegagunekahning azhenekahdag, emuh dush Hebrew inwawining Golgotha azhenekahdag:
18Me dush emuh keähgwahquahwahahwaud, neezh dush pakahnezenejin, uhyeduhwuhyeëe pazhik, kuhya owh Jesus emuh nahwuhyeëe.
19Pilate dush oogeöozhebeäun ewh wahweendahmahgawin, keähtood dush emuh ahzhedayahtikoong. Mesuh kahezhebeëgahdag JESUS OWH NAZARETH ANDUHZHEKAD OOKECHE‐OOGEMAHMEWAUN EGEWH JEWYUG.
20Nebewah dush egewh Jewyug oogeähgindahnahwah oo‐oo wahweenduhmahgawin: cheguhyeëe muh emuh oodanaung keduhzhe‐ahgwahquahwah owh Jesus: keöozhebeëgahda dush emuh Hebrew‐inwawining, kuhya Greek‐inwawining, kuhya Latin‐inwawining.
21Ookeche‐sahsahgewejega‐wenenemewaun egewh Jewyug oogeënahwaun enewh Pilateün, Kagoo oozhebeünkan, Ookeche‐oogemahmewaun egewh Jewyug; me atuh, Oo‐oo keëkedood, Nindow ookeche‐oogemahmewaun egewh Jewyug.
22Pilate dush oogenuhquatuhwaun, kahoozhebeähmaun suh ningeöozhebeäun.
23Egewh shemahgunishug uhpe kahahgwahquahwahwaud enewh Jesusun, oogeöodahpenahnahwah enewh oodahgwewinun, oogenewoosetahnahnahwah, anduhchewaud egewh shemahgunishug naningooding oogeöodahpenahnahwah; kuhya dush ewh puhpesuhkoowahgun; kahween dush kekushkegwahdasenoobun ewh puhpesuhkoowahgun, oogejuhyeëe keöonjemezewa‐aunzwatahgenegahdagoobun.
24Oo‐oo dush keëdewug, Kahween ninduhwauj kegahpegoobetoosemin, ahtahdekundahdedaun suh goo, ahwagwan kaähyahmoogwan; chedebishkoosag dush ewh oozhebeëgawin, oo‐oo akedoomahguk, Kemahdahoonedewug enewh nindahgwewinun, kuhya dush ewh nepuhpesuhkoowahgun oogeähtaundekundahnahwah. Mesuh oonoo kahuhyezhechegawaud egewh shemahgunishug.
25Kenebahwewun dush cheguhyeëe emuh oodahzhedayahtikoong owh Jesus enewh oogeen, kuhya oogeen oowedegequaunene, owh Mary wewun owh Cleophas, kuhya owh Mary Magdalene.
26Jesus dush uhpe wuhyahbuhmaud enewh oogeen, kuhya enewh kekenooähmahgunun kahsahgeähjin pashoo nebahwenid, oo‐oo oogeënaun enewh oogeen, Equa, wahbum kegwis!
27Me dush oo‐oo keënaud enewh kekenooähmahgunun, Wahbum keguh! Me dush ewh uhpe owh kekenooähmahgun keëzhewenaud emuh tebenuhwa oowegewauming.
28Me dush Jesus kekandung ahzhuh kuhkenuh ahnooj gagoo kedebishkoosag, chedebishkoosag ewh oozhebeëgun, oo‐oo ekedoo, Nekishkahbahgwa.
29Keähtamahgud dush ween ewh oonahgun mooshkenabeeg ewh shewahboo: uhpe dush kahmooshkenabahtoowaud ewh iskahebaun ewh shewahboo, keähtoowaud emuh hysoping, keënenuhmoowahwaud emuh oodoonening.
30Uhpe dush owh Jesus kahoodahpenung ewh shewahboo, keëkedoo, Kezhechegahda: kahnuhwuhgequanid dush, oogepuhgedenaun enewh oojechaugwun.
31Egewh dush Jewyug, cheähgoodasenook enewh weyowemaun emuh ahzhedayahtikoong magwah aunwabe‐kezheguk, kezhetahwine‐kezhegud suh ewh (kekechetwahwandahgwud suh ewh aunwabe‐kezhegud), oogenundoodahmahwahwaun enewh Pilateün ewh chepookookahda-oomind chemahjewememind dush.
32Kepeëzhahwug dush ween egewh shemahgunishug, oogepookookahdagahnahmahwaun enewh netum, kuhya enewh bakahnezenejin kahweejeähgwahquahoominjin.
33Uhpe dush pahnahzekahwahwaud enewh Jesusun, kewahbuhmahwaud dush ahzhuh keneboonid, kahween oogepookookahdagahnahmahsewaun.
34Pazhik dush shemahgunish oogepuhjebahwaun ewh shemahgun emuh oopemayowening, kazhetena dush emuh keöonjejewun ewh misquee kuhya ewh nebee.
35Owh dush kahwahbundung kedebahjemoo, dabwamahguddene dush ween oodebahjemoowin: ookekandaun dush ewh dabwad, kenuhwah chedabwayanduhmag.
36Oonoo dush keëzhewabudoon chedebishkoosag ewh oozhebeëgun, Kah kuhnuhga pazhik ookun tahpookookuh-nunjegahdasenene.
37Menuhwah dush pazhik oozhebeëgun oo‐oo ekedoomahgud, Oogahguhnuhwahbuhmahwaun enewh kahpuhje-bahwahwahjin.
38Kahishquahkummeguk oonoo, owh Joseph Arimathæaïng duhzhe‐wenene, wakekenooähmahgunemegood enewh Jesusun, keemooj dush ween goo, kekoosaud enewh Jewyun, kepenundoodahmoowaud enewh Pilateün chemahjewetood ewh ooweyow owh Jesus: oogepuhgedenuhmahgoon dush enewh Pilateün. Kepeëzhah dush, kuhya oogemahjewetoon ewh ooweyow owh Jesus.
39Kepeëzhah dush kuhya owh Nicodemus, owh wahyashkud kahpenaunzekahwaud enewh Jesusun magwah tebekudenig, oogepeeton dush ewh myrrh kuhya aloes tahgoonegun, koonemah ningoodwauk tebahbishkoojegun.
40Oogeöodahpenahnahwah weyow Jesus oogewewuhquaginahnahwah emuh pepuhgewuhyahneginoong; ketuhgoo‐ahtoowaud dush enewh menoomahgoojegunun, debishkoo azhechegawaud egewh Jewyug uhpe wahningwahegawahjin.
41Emuh kahduhzhe‐ahgwahquahoond keduhgoomahgud ewh ketegaunans; kuhya emuh ketegaunansing ewh washke‐oozhechegahdag chebaguhmig, kah wekah ahweyah keähsahsegoobun emuh.
42Me emuh keähsahwaud enewh Jesusun cheähyahnid magwah wahwazhetuhmoowaud egewh Jewyug ewh ookuhbekoosa‐wekoondewinewaun, pashoo muh keähyahmahgud ewh chebaguhmig.
Sélection en cours:
ST. JOHN 19: OTW
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
