1. Korinta 8
8
Jeräakjent sennen es mea wieet aus väl weeten
1Waut de Jettaopfa aunbelangt, wie weeten, daut wie aula doamet bekaunt sent. Daut weeten von de Woarheit auleen moakt stolt, oba Leew but opp. #Apost 15,29 2Wäa doa meent, daut hee waut weet, haft noch nich bejräpen, waut hee weeten sull. #Gal 6,3 3Oba wäa Gott goot es, däm kjant Gott. #1Kor 13,12; Gal 4,9
4Doa es de Froag: Derwen Christen Fleesch äten waut de Jetta es jeopfat worden? Wie weeten, daut de Jetta en dise Welt äwahaupt nuscht sent, un daut doa bloos een Gott es, un sest kjeena. #5Mo 6,4 5Daut jeft woll soone em Himmel ooda oppe Ieed, dee Jetta jenant woaren, soo aus daut werkjlich väl Jetta un väl Jewaulten jeft. #Psa 136,2-3; Reema 8,38-39; 1Kor 10,19-20 6Oba wie haben mau eenen Gott, dän Voda, von däm aules es un fa dän wie läwen; un eenen Harn Jesus Christus, derch dän aules jeschaufen es un derch dän wie läwen. #2Mo 20,3; Mal 2,10; Joh 1,3; 1Kor 12,5-6; Efs 4,5-6; Kol 1,16
7Oba de Menschen weeten daut nich aula. Un eenje sent bat nu noch soo aun äare Jetta jewant, daut see biem äten meenen, see äten waut de Jetta jeopfat es. Un wiels äa Jewessen noch schwak es, meenen see, see veorreinjen sikj. #1Kor 10,28 8Oba Fleesch aus Noarungsmeddel äten, moakt ons ver Gott nich schuldich. Wie sent nuscht schlajchta, wan wie nich äten, un nuscht bäta, wan wie äten. #Reema 14,17 9Siet oba väasechtich, daut june Frieheit nich waut woat, wuaräwa de schwake faulen! #Gal 5,13 10Wan wäa met dise Erkjantnis em Jettatempel äten deit, dan kunn daut sennen, daut een aundra met eenem schwaken Jewessen am doabie sitt. Wudd dee doaderch nich veleit woaren, jäajen sien Jewessen uk to äten waut de Jetta jeopfat wia? 11Dan wudd dee schwake Brooda derch diene Erkjantnis omkomen. Un doabie es daut doch dien Brooda, fa dän Christus jestorwen es. #Reema 14,15 12Wan jie soo jäajen june Breeda sindjen un dän äa schwaket Jewessen vewunden, dan sindj jie jäajen Christus. 13Doawäajen, wan mien äten mienen Brooda toom faulen brinjen sull, well ekj niemols mea Fleesch äten, daut ekj mienen Brooda nich toom stolpren brinj. #Reema 14,21
હાલમાં પસંદ કરેલ:
1. Korinta 8: PB
Highlight
શેર કરો
Compare
નકલ કરો
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.