Pemungkal 1
1
Penumbuh Dunya
1Ba pun iya kelia,#1.1 Tauka: Terubah-rubah iya kelia, lebuh Allah Taala berengkah ngaga#1.1 Tauka: ngaga; Tauka: Ba pun iya kelia Allah Taala ngaga langit enggau dunya, 2dunya endang apin bisi bakal tauka gamal sereta nadai utai nguan. Semina#1.2 Sekeda salin nyebut: Tang ribut ti deras ari Allah Taala#1.2 Tauka: Roh Allah Taala; Tauka: kuasa Allah Taala aja ti bepuput atas tasik ti agi petang. 3#[2] 2 Ma 7.28; [1] 2 Kor 4.6. Allah Taala lalu bejaku, “Awakka penampak pegari.” Penampak lalu pegari. 4Allah Taala meda penampak nya manah; lalu Iya nyeraraka penampak nya ari pemetang. 5Iya ngumbai penampak nya “Siang” lalu pemetang nya dikumbai Iya “Malam.” Lemai abis lalu pagi pen datai. Nya hari ti keterubah.#1.5 Hari orang Judah diitung ari lemai ngagai lemai; peda mega Neh 13.19
6 #
2 Pet 3.5. Lalu ku Allah Taala bejaku, “Awakka kebung pegari kena nyeraraka ai ti di atas ari ai ti di baruh. 7Nya alai Allah Taala ngaga kebung nya lalu nyeraraka ai ti di baruh kebung nya ari ai ti ari atas kebung nya. Utai nya lalu nyadi. 8Iya ngumbai kebung nya “Langit.” Lemai abis lalu pagi pen datai. Nya hari ti kedua.
9Udah nya Allah Taala bejaku, “Awakka ai ti di baruh langit begelumu ba siti endur, ngambika tanah pegari.” Utai nya lalu nyadi. 10Iya ngumbai tanah “Darat,” lalu ai ti begelumu dikumbai Iya “Tasik.” Lalu Allah Taala meda utai nya manah. 11Udah nya Iya bejaku, “Awakka tanah mansutka semua macham utai ti tumbuh: utai ti mansutka leka, enggau semua macham kayu ti mansutka buah ti bisi leka.” Utai nya lalu nyadi. 12Nya alai, tanah mansutka semua macham utai ti tumbuh, lalu Allah Taala meda utai nya manah. 13Lemai abis lalu pagi pen datai. Nya hari ti ketiga.
14Udah nya Allah Taala bejaku, “Awakka mayuh macham penampak pegari di langit, kena nyeraraka siang ari malam, enggau kena nunjukka maya hari, taun enggau maya gawai pengarap#1.14 maya gawai pengarap; Tauka: musin belabuh. 15Sida deka manchar di langit lalu meri penampak ngagai dunya.” Utai nya lalu nyadi. 16Nya alai Allah Taala ngaga dua igi penampak ti besai, iya nya mata hari ti bekuasa lebuh siang hari, enggau bulan ti bekuasa lebuh malam hari. Iya mega ngaga bintang. 17Iya ngengkahka semua penampak nya di langit, ngambika sida manchar ngagai dunya, 18bekuasa lebuh siang enggau lebuh malam hari, sereta nyeraraka penampak ari pemetang. Lalu Allah Taala meda utai nya manah. 19Lemai abis lalu pagi pen datai. Nya hari ti keempat.
20Udah nya Allah Taala bejaku, “Awakka ai penuh laban semua bansa utai ti idup, lalu awakka burung terebai di langit.” 21Nya alai Allah Taala ngaga jelu ti besai sereta nyelai di tasik, semua bansa utai ti idup dalam ai, enggau semua bansa burung. Lalu Allah Taala meda utai nya manah. 22Iya merekatka semua sida, lalu ngasuh utai ti idup dalam ai beranak betelesak, lalu ngemenuhka tasik. Iya mega ngasuh burung beranak betelesak di dunya. 23Lemai abis lalu pagi pen datai. Nya hari ti kelima.
24Udah nya Allah Taala bejaku, “Awakka dunya mansutka semua bansa jelu ti idup: jelu tupi, jelu babas, enggau jelu ti ngerayap.” Utai nya lalu nyadi. 25Nya alai Allah Taala ngaga semua bansa jelu, lalu Iya meda semua utai nya manah magang.
26 # [2]
P-dlm 2.23; Sir 17.3-4; [1]
1 Kor 11.7. Udah nya Allah Taala bejaku, “Aram Kitai ngaga mensia#1.26 mensia; Hebrew: adam neladan gamal Kitai Empu, baka gamal Kitai Empu; lalu awakka sida bekuasa atas ikan, burung, enggau semua jelu di dunya tu,#1.26 bekuasa atas ikan, burung enggau semua jelu di dunya tu; Syr: Hebrew: bekuasa atas semua dunya enggau semua utai ti ngerayap ba tanah.” 27#P-kal 5.1-2. #Mat 19.4; Mrk 10.6. Nya alai Allah Taala ngaga mensia#1.27 mensia; Hebrew: adam neladan gamal Iya Empu; Iya ngaga sida#1.27 Hebrew: iya lelaki enggau indu. 28Allah Taala merekatka sida, lalu bejaku ngagai sida, “Beranak betelesak lalu ngemenuhka dunya meh kita sereta bekuasa atas iya; perintah meh ikan, burung, enggau semua utai ti idup di dunya.” 29Ku Allah Taala bejaku, “Aku meri kita semua macham leka utai enggau semua macham buah nyadika pemakai kita; 30lalu ke semua bansa jelu babas ti di dunya, enggau ke semua bansa burung, Aku meri sida rumput enggau utai ti bisi daun nyadika pemakai sida.” Utai nya lalu nyadi. 31Allah Taala meda semua utai ti udah digaga Iya manah magang. Lemai abis lalu pagi pen datai. Nya hari ti keenam.
נבחרו כעת:
Pemungkal 1: BK
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Hakcipta © 2011, The Bible Society of Malaysia
Copyright © 2011, The Bible Society of Malaysia