Pemungkal 2
2
1Nya alai langit enggau dunya, enggau semua utai ti dalam sida tembu magang digaga. 2#P-sut 20.11. #Heb 4.4, 10. Ba hari ti ketujuh Allah Taala tembu ngereja semua pengawa Iya, lalu ngetu gawa. 3Iya merekatka hari ti ketujuh nya, lalu ngeletak hari nya kudus, laban ba hari nya Iya tembu ngaga semua utai ti digaga Iya,#2.3 Iya tembu…ti digaga Iya; Tauka: ba hari nya Iya nembuka pengawa Iya. lalu Iya belelak lalu ngetu gawa. 4Nya meh jalai langit enggau dunya digaga.
Kebun Eden
Lebuh TUHAN ngaga langit enggau dunya, 5nadai utai udah tumbuh di dunya, lalu nadai leka utai udah matuk, laban TUHAN Allah Taala apin ngasuh hari ujan, lalu mensia pen apin mega bisi gawa ba tanah; 6tang ai deka pansut ari dalam tanah, lalu ngemasahka tanah.
7 # [2]
P-dlm 15.8, 11; [1]
1 Kor 15.45. Udah nya TUHAN Allah Taala nempa mensia ari amau#2.7 Tauka: abus tanah#2.7 tanah; Hebrew: adam; Reti nya: mensia Peda P-kal 1.27 lalu ngesuhka seput pengidup ke dalam lubang idung iya, lalu mensia nya idup.
8Udah nya TUHAN Allah Taala ngaga siti kebun di menua Eden, ti muak ke timur, lalu ngengkahka orang ke udah ditempa Iya ba kebun nya. 9#Pem 2.7; 22.2, 14. TUHAN Allah Taala ngasuh semua bansa kayu ti manah dipeda sereta manah ke pemakai tumbuh dia. Ba tengah-tengah kebun nya bisi mega sepun kayu pengidup, enggau sepun kayu ti meri penemu kena ngelala bida entara utai ti manah ari utai ti jai.#2.9 penemu kena ngelala bida entara utai ti manah ari utai ti jai; Tauka: nemu semua utai.
10Siti sungai pansut ari Eden ti mai ai ngagai kebun nya, lalu ngilah kebun nya sungai nya bepati empat. 11Nama pati ti terubah nya Pison. Ai sungai nya rarat nengah menua Habilah. ( 12Emas tulin bisi ditemu dia, lalu pia mega minyak wangi enggau batu ti berega.) 13Nama pati ti kedua nya Gihon. Ai sungai nya rarat nengah menua Kus.#2.13 Kus (ti di menua Mesopotamia); Tauka: Etiopia. 14Nama pati ti ketiga nya Tigris. Ai sungai nya rarat tunga ke timur menua Asiria, lalu pati ti keempat nya Eupratis.
15Udah nya TUHAN Allah Taala ngengkahka orang nya ba kebun Eden, ngambika iya gawa dia lalu nyaga kebun nya. 16Ku TUHAN Allah Taala bejaku ngagai orang nya, “Nuan tau makai buah ari semua kayu dalam kebun tu, 17tang nuan enda tau makai buah ari kayu penemu ti tau ngasuh nuan nemu semua utai, laban lebuh nuan makai buah nya, nuan deka mati.”
18Udah nya TUHAN Allah Taala bejaku, “Enda manah orang tu diau kediri. Aku deka ngaga siku penulung ke iya, nyadika tawing kaling#2.18 tawing kaling; Hebrew: ezer, English: partner, tauka, companion iya.” 19TUHAN Allah Taala lalu nempa ari tanah semua bansa jelu enggau semua bansa burung. Udah nya Iya lalu mai sida ngagai orang nya, ngambika iya meri sida nama. Nya meh jalai sida bulih nama. 20Nya alai orang nya meri nama ngagai semua bansa jelu tupi, semua bansa burung, enggau semua bansa jelu babas; tang nadai siku sida nya ditemu tau nyadika penulung enggau kaling iya.
21Nya alai TUHAN Allah Taala ngasuh orang nya tinduk jenak. Orang nya lalu tinduk. Udah nya TUHAN Allah Taala lalu ngambi siti tulang kerigai orang nya, lalu nampal abi nya ngena isi. 22TUHAN Allah Taala lalu nempa siku indu ari tulang kerigai nya, lalu mai indu nya ngagai iya. 23Orang nya lalu bejaku,
“Tu baru sedarah, segetah enggau aku
saum tulang, saum isi enggau aku.
Iya dikumbai#2.23 Sekeda salin: Nama iya “Indu”, laban iya udah diambi ari lelaki.” #2.23 INDU…LELAKI: Leka jaku “indu” sebaka munyi enggau leka jaku “lelaki” dalam Hebrew
24 #
Mat 19.5; Mrk 10.7-8; 1 Kor 6.16; Eps 5.31. Nya kebuah lelaki ninggalka apai indai iya, lalu begulai enggau bini iya, lalu seduai iya nyadi siku.
25Seduai iya sama telanjai, tang seduai iya enda malu.
נבחרו כעת:
Pemungkal 2: BK
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Hakcipta © 2011, The Bible Society of Malaysia
Copyright © 2011, The Bible Society of Malaysia