ÏOANNIS 3
3
U Jisu bad u Nikodimos
1 #
Ïoan. 7:50; 19:39; Luk. 23:13; Ïoan. 7:26. Te la don u briew uba na ki Pharisi, uba kyrteng “u Nikodimos”, u nongsynshar jong ki Jiw: 2#Ïoan. 2:11; 7:31; 9:16; Ki Kam. 10:38.Une u la wan ha U Jisu mynmiet, bad u la ong ha U, “Ko Nonghikai, ngi tip ba me long u nonghikai uba la wan na U Blei, namar ym don uba lah ban leh ïa kine ki kambah ïa kiba me leh, lymda U Blei u long ryngkat bad u.” 3#Ïoan. 1:13; 1 Pet. 1:23; Jak. 1:18; 1 Ïoan. 3:9.U Jisu u la ïathuh bad U la ong ha u, “Shisha, shisha nga ong ha me, lymda kha pat ïa u briew, um lah ban ïohi ïa ka hima U Blei.” 4U Nikodimos u ong ha U, “Kumno lah ban kha ïa u briew haba u la tymmen? u lah ban bsut pat sha ka kpoh ka kmie jong u, bad ban kha ïa u?” 5#Ese. 36:25-27; Eph. 5:26; Tit. 3:5.U Jisu u la ïathuh, “Shisha, shisha nga ong ha me, lymda kha ïa u briew na ka um bad na U Mynsiem, um lah ban leit hapoh ka hima U Blei: 6#1 Kor. 15:50.ïa kaba la kha na ka jong ka doh, ka long doh; bad ïa kaba la kha na ka jong U Mynsiem, ka long mynsiem: 7wat sngewkyndit te ba nga la ong ha me, ba ka dei ban kha pat ïa phi: 8#Ese. 37:9.ka lyer ka beh kat sha kaba ka mon, bad me ïohsngew ïa ka jingsawa jong ka, hynrei, mem tip nangno ka wan, lymne shano ka leit: kumta long u briew baroh uba la kha na U Mynsiem.”
9U Nikodimos u la ïathuh bad u la ong ha U, “Kumno kine kiei kiei ruh ki lah ban long?” 10U Jisu u la ïathuh bad U la ong ha u, “Me long u nonghikai jong u Israel, bad mem tip ïa kine kiei kiei ruh? 11#Ïoan. 8:26; 1:18; 3:32.Shisha, shisha nga ong ha me, ba ïa kata kaba ngi ïatip, ngi ïakren, bad ïa kaba ngi la ïohi, ngi ïaphla; hynrei, phim pdiang satia ïa ka jingphla jong ngi. 12Lada nga la ïathuh ha phi ïa kiei kiei ruh kiba ha ka khyndew, bad phim ngeit, kumno phin ngeit lada nga ïathuh ha phi ïa kiei kiei ruh kiba ha bneng? 13#Rom. 10:6; Eph. 4:9.Te ym don uba la leit kiew sha bneng, hynrei, tang uta uba la wan hiar na bneng, U Khun u briew keiñ, uba don ha bneng. 14#Jkñ. 21:9; Ïoan. 8:28; 12:34.Kumba u Moses ruh u la kyntiew ïa uta u bseiñ ha ka ri khlaw, kumta ruh ka dei ba yn kyntiew ïa U Khun u briew: 15ba uei uei ruh uba ngeit ha u, un ym jot shuh, hynrei, un ïoh ka jingim bymjukut.
16 #
Rom. 5:8; 8:32; Eph. 2:4; 1 Ïoan. 4:9-10. “Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut. 17#Ïoan. 8:15; 12:47; Luk. 19:10; 1 Ïoan. 4:14.Naba U Blei um shym la phah ïa la U Khun sha ka pyrthei ba un pynrem ïa ka pyrthei, hynrei, ba yn pynim ïa ka pyrthei da u. 18Uta uba ngeit ha u yn ym pynrem; hynrei, uta u bymngeit u la rem lypa, naba um shym la ngeit ha ka kyrteng U Khun U Blei ba la kha marwei. 19#Ïoan. 1:4; 8:12; Eph. 5:11,13.Kane te ka long kata ka jingpynrem, ba ka jingshai ka la wan ha ka pyrthei, bad ki briew ki la ïa-ieit kham tam ïa ka jingdum ban ïa kata ka jingshai; naba ki la long bymman ki jingleh jong ki. 20Naba u briew baroh uba ïai-leh ïa ka basniew, u shun ïa kata ka jingshai, bad um wan ha kata ka jingshai, ïoh ba yn sneng pyrshah ïa ki jingleh jong u. 21#1 Ïoan. 1:6.Hynrei, uta uba ïai-leh ïa kaba shisha, u wan ha kata ka jingshai ba yn ïoh pynpaw ïa ki jingleh jong u, ba ha U Blei la leh ïa ki.”
U Jisu bad u Ïoannis Nongpynbaptis
22 #
Ïoan. 4:2. Hadien kine kiei kiei ruh, U Jisu u la leit bad ki synran jong u sha ka ri bri ka Judia; hangta u la sah lem bad ki, bad u la pynbaptis. 23Te u Ïoannis ruh u dang pynbaptis ha Ainon, hajan ka Salim, naba la don hangta bun ki um: te ki la ïawan, bad la pynbaptis ïa ki; 24#Mat. 14:3; Mrk. 1:14; 6:17; Luk. 3:19,20.naba ym pat thep byndi ïa u Ïoannis.
25Ynda kumta, la mih ka jingïasaid na ki synran u Ïoannis bad u Jiw, shaphang ka niam jingpynkhuid. 26#Ïoan. 1:7,28.Te ki la ïaleit ha u Ïoannis, bad ki la ïa-ong ha u, “Ko Rabbi, uta uba la don lem bad me sha shiliang ka Jordan, ïa uba la phla babha ma me, ha khmih, uta u pynbaptis, bad baroh ki ïaleit ha u.” 27#1 Kor. 4:7.U Ïoannis u la ïathuh bad u la ong, “U briew um lah ban ïoh diang ei ei ruh em lymda la ai ha u na bneng. 28#Ïoan. 1:20,23.Phi hi ruh, phi ïaphla ïa nga, ba nga la ong, ‘Nga ngam long uta U Khrist, hynrei, ba nga long uta ïa uba la phah ha shuwa jong U.’ 29#Mrk. 2:19-20; Mat. 25:1; Ïoan. 15:11.U nongleit-kurim u long uta uba ïoh ïa ka nongleit-kurim: hynrei, u lok jong u nongleit-kurim, uba ïeng bad uba ïohsngew ïa u, u kmen shibun namar ka ktien uta u nongleit-kurim: namar kata, kane ka jingkmen ka jong nga ka la biang. 30Ka dei ïa U ban man khraw, hynrei, ïa nga ban man rit.”
Uta uba wan na bneng
31 #
Ïoan. 3:13; 8:23; 1 Ïoan. 4:5. Uta uba wan na jrong, u long halor baroh: uta uba long na ka jong ka khyndew, u long na ka jong ka khyndew, bad ïa ka jong ka khyndew u kren: uta uba wan na bneng u long halor baroh: 32#Ïoan. 3:11.te ïa kaba u la ïohi bad ba u la ïohsngew, ïa kata u phla: hynrei, ym don ba pdiang ïa ka jingphla jong u. 33Uta uba la pdiang ïa ka jingphla jong u, u la pynskhem ba U Blei u long uba shisha. 34Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew. 35#Mat. 11:27; Luk. 10:22.U Kpa u ieit ïa U Khun, bad u la ai ïa kiei kiei baroh ha ka kti jong u. 36#Ïoan. 3:16; 5:24.Uta uba ngeit ha U Khun, u don ka jingim bymjukut; uta te u bymkohnguh ïa U Khun, un ym ïohi ïa ka jingim: hynrei, ka jingbitar jong U Blei ka ïaisah halor jong u.
The Bible Society of India