Hogusra 5
5
1Wawagaxra de‐e herena Adam hokijhu wowagax harnira. Hamb‐eja Maura wankshigra gussana, Maura hoikawankhina.
2Wangra egi hinugra wagus‐shana, egi washophi howe warogiguna. Egi hamb‐eja jaja wagusgi rashra wankshigra wigena.
3Egi Adam mogihishanaga egi kerepana‐daniha hashana wankshig ingaja egi hojinjinig hisha hagarninena hikarakisgena hoikawankshana egi rashra Seth higena.
4Egi Adam hamb warnira, Seth harnianaga hageja ma hogihi‐haruwanga‐hanegi, egi hinigwahi jhuna egi hinugwahi.
5Egi Adam hamb warnira harnajra ma hogihi‐hishankijushgunianaga egi kerepana‐dani hashanaha wankshigina egi d’ena.
6Egi Seth ma hogihishanaga egi saja‐hashanaha wankshig‐ingaja egi Enos hagarninena.
7Egi Seth Enos hagarnirarnaga hageja ma hogihiharuwang‐anaga egi shagowi hashanaha wankshig‐ingaja egi hinigwahi jhuna egi hinugwahi.
8Egi Seth hamb warnira harnajra ma hogihi‐hishankijushguni‐anaga egi kerepanaishanaga‐nuphashanana egi d’ena.
9Egi Enos ma kerepana‐hishankijushguni‐gaja egi Kenan hagarninena.
10Egi Enos Kenan hagarnirarnaga hageja ma hogihiharuwang‐anaga kerepanaishanaga‐saja‐hashanaha wankshig‐ingaja, egi hinigwahi jhuna egi hinugwahi.
11Egi Enos hamb warnira harnajra ma hogihi‐hishankijushgunianaga egi saja‐hashanahana egi d’ena.
12Egi Kenan ma kerepana‐shagowiha wankshig‐ingaja, egi Mahalalel hagarninena.
13Egi Kenan Mahalalel hagarnirarnaga hageja ma hogihi‐haruwang‐anaga egi kerepana‐jop‐hashanaha wankshig‐ingaja egi hinigwahi jhuna egi hinugwahi.
14Egi Kenan hamb warnira harnajra ma hogihi‐hishankijushguni‐anaga egi kerepanaisha‐hashanana, egi d’ena.
15Egi Mahalalel ma kerepana‐hakewe‐anaga egi saja‐hashanaha wankshig‐ingaja egi Jared hagaruinena.
16Egi Mahalalel Jared hagarnirarnaga hageja ma hogihi‐haruwang‐anaga egi kerepana‐daniha‐hashnaha wankshig‐ingaja egi hinigwahi jhuna egi hinugwahi.
17Egi Mahalalel hamb warnira harnajra ma hogihiharuwang‐anaga kerepana‐hishankijushguni‐anaga egi saja‐hashanana, egi d’ena.
18Egi Jared ma hogihishanaga‐kerepana‐hakewe‐anaga egi nuphashana‐hangaja egi Xanox hagarninena.
19Egi Jared Xanox hagarnirarnaga hageja ma hogihiharuwangaha wankshig‐ingaja egi hinigwahi jhuna egi hinugwahi.
20Egi Jared hamb warnira harnajra ma hogihi‐hishankijushguni‐anaga kerepana‐hakeweanaga egi nup‐hashanana, egi d’ena.
21Egi Xanox ma kerepana‐hakeweanaga egi saja‐hashanaha wankshig‐ingaja egi Methusalah hagarninena.
22Egi Xanox Methusalah hagarninarnaga hageja Maura hakishu manina, ma hogihi‐danigaja egi hinigwahi jhuna egi hinugwahi.
23Egi Xanox hamb warnira harnajra ma hogihi‐danianaga kerepana‐hakeweanaga egi saja‐hashanana.
24Egi Xanox Maura hakishu manina, egi inka‐washinina, Maura rusge esge.
25Egi Methusalah ma hogihishanaga kerepana‐haruwanganaga egi shagowi‐hashanaha wankshig‐ingaja egi Lamex hagarninena.
26Egi Methusalah Lamex hagarnirarnaga hageja ma hogihi‐shagowianaga kerepana‐haruwanganaga egi nuphashanaha wankshig‐ingaja egi hinigwahi jhuna egi hinugwahi.
27Egi Methusalah hamb warnira harnajra ma hogihihishankijush‐gunianaga kerepana‐hakeweanaga egi hishankijushguni‐hashanahana, egi d’ena.
28Egi Lamex ma hogihi‐shanaga kerepana‐haruwanganaga egi nuphashanaha wankshig‐ingaja hojinjinig hisha hagarninena.
29Egi rashra Noah higena, wena: De‐e e wangarukhegkjanihawina wore hiwarniwieja egi washa wojexi hawe harniwieja manegi howajira, e Maura hoshishig‐howe hira.
30Egi Lamex Noah hagarnirarnaga hageja ma hogihisajanaga kerepana‐hishankijushguni‐anaga egi saja‐hashanaha wankshig‐ingaja egi hinigwahi jhuna egi hinugwahi.
31Egi Lamex hamb warnira harnajra ma hogihi‐shagowi‐anaga kerepana‐shagowi‐anaga egi shagowi‐hashanahana, egi d’ena.
32Egi Noah ma hogihi‐sajahangaja egi Shem hagarninena egi Ham egi Japhet.
Published by the American Bible Society in 1907.